VaHevelu 6:5 - Livulu lya Shukulu Kalunga

⁵ vaje vazivukile laja lijwi lya Njambi ngwavo linapu lyalivwa, vaje vazivile nzili ya simbu ije ikaija.

VaHevelu 6:5 Iomraidhean Croise

Myaso 34:8

Kengeni mumone ngeci Shukulu Kalunga wapwa wamuvwa! Navezika munu uje atewela muli ikeye.

Mateo 12:32

Co woshe uje endeka lijwi limo lyakushaula Muna Munu vakamusambesa, oloni uje ashaula Munzinzime Wakujela kuvakamusambesa, nambe simbu ino, nambe simbu ya kulutwe.

Mako 6:20

Omwo Helonde wakele na lyova ali Yowano omwo ikeye wazivukile ngeci Yowano wapwile muka-vushunga, co wakujela, co wamunyungile mwamuvwa. Helonde wazemene manene kutolilila kuli Yowano, nameme ikeye wakele nakumuzivisa longoto ku mbunge simbu yoshe yamutolililile.

Luka 8:13

Co vije vimbuto vyawililile a mamanya vinemanena vaje vaziva lijwi, co valitambula nakujolela, oloni kulyasa kukovela manene muli vakevo, vakulaela lika kasimbu, oloni omo vyeseko vija, co aje vene valikela.

Efeso 6:17

Co zaleni tepa yakwovoka, na lijwi lya Njambi ngwe moko ya mukwale ije yanamyana Munzinzime.

VaHevelu 11:3

Akukulaela, tunazivuka ngeci vyuma vyoshe Njambi wavitangele na lijwi, ngecivene, vije twasa kumona vavitangele ku vyuma vije kutwasa kumona.

VaHevelu 2:5

Njambi kaakele tungelo ngeci vakashwane kaye kakaha kaje kalinakwija, kaye kaje tulinakutumbula.

VaHevelu 4:12

Lijwi lya Njambi lilinakuyoya nakupanga, lyavambuka kuhyana moko ya mukwale ya vuvela kuvali. Lishalava mwoshe muje mukaliwanena mwonyo na munzinzime, na muje mukaliwanena manunga na vusoso. Likelyo liilula viyongola na vizango vya vimbunge vya vanu.

1 Petulu 1:25

Oloni lijwi lya Mwene lyakala myaka yoshe.” Lijwi eli likelyo Vin̄anda Vyavivwa vije vivambulwile kuli yeni.

1 Petulu 2:3

Ngwe muvyendeka visoneka ngwavyo, “Omwo munamakela ku ngozi.”

2 Petulu 2:20

Omwo nga vanu vanaputumuka ku vinzili vyakuviya vya kaye a mana avo ali Mwene yetu na Muyoyesi wetu Yesu Kilistu, co lalo vakwatiwa ku vikevyo nakuvafungulula, vanu va cifwa cangacije kuviya kwavo kwakukotoka kukatuvakana manene kuje kwakulivanga.