VaHevelu 6:4 - Livulu lya Shukulu Kalunga

⁴ Vatijo vasa kwiluka vaje vatundile kukukulaela ngeci vatenguluke lalo nakulitavela? Vaje vakele na ceke ca Njambi, voshe vaje vamakelele ku vwana vwa mwilu, co vatambwile Munzinzime Wakujela,

VaHevelu 6:4 Iomraidhean Croise

VaLevi 13:55

Asinoni akavwilule, co nga ije mbundu-mbundu yao kuyafwile mweka, nambe ngoco ikeyo kuyaamene, anga vene vukevwo kuvwajelele. Vije vyuma vanapande kuvyenyeka, cipwe ku mutambela uje unaviya wa kulutwe nambe wa kunima.

VaLevi 14:43

“Nga ije mbundu-mbundu icisholoka lalo muje mu njuvo omo vanatundisa laja mamanya, na njuvo vanaipala nakuyisalimba,

Kulava 24:3

co wambulwile vuka-kwimanena vwendi ngwendi, “Eli likelyo lijwi lya Mbalame muna Mbeole, Ano akeo majwi a munu uje asa kumona mwamuvwa nakutungukwa,

Mateo 12:45

Asinoni uya nakunenelamo minzinzime yeka itanu na ivali yakujwala manene kutuvakana ukewo, ikovelamo nakutumbamamo. Co kuviya kwa munu uje kwakukotokela kukatuvakana kwakulivanga. Ngecivene, mucikapwa ku muyati ou wauvi wa vanu ava valelo.”

Mateo 5:13

“Yeni munapu ngwe mwongwa wa ano asi, oloni nga mwongwa ushamuka, utovala vatijo? Kuutovala embwe, oloni vaumbila kuti, co vanu vakaulyatangela.

Yowano 15:6

Woshe kakala muli yange vakamumbila kuti ngwe munango, co akauma cau, co minango yangacije vaikungiya nakuyumbila mu liko, co yenya.

Yowano 3:27

Yowano wavakumbulwile ngwendi, “Naumo wai atambula cuma kuvanga vanamwanaco kuli Njambi.

Yowano 4:10

Yesu wamukumbulwile ngwendi, “Nga wazivukile vwana vwa Njambi, co nou akulomba mema akunwa, nga unamulombo, co nga nakwana mema a mwonyo.”

Yowano 6:32

Yesu wendekele kuli vakevo ngwendi, “Mwa vushunga njimileka ngwange, Mosesa kamyanene makende akutunda kwilu, Tate ikeye amyana likende lya vushunga lyakutunda kwilu.

Vilinga vya Miluwa 10:45

Co vaje vaYunda vaka-kukulaela vezile amo na Petulu kutunda ku Yopa valikomokelele omwo Njambi wetilile vwana vwendi vwa Munzinzime Wakujela ali vaje kesi vaYunda lalo.

Vilinga vya Miluwa 11:17

Nga Njambi waanene vaje kesi vaYunda vwana vumolika ngwe vuje vwatwanene yetu omo twakulaelele kuli Mwene Yesu Kilistu, cooni yange yange iyajo ngeci njivindike Njambi?”

Vilinga vya Miluwa 15:8

Co Njambi, uje azivuka viyongola vya munu woshe, washolwele vukaleo vwendi vwa vaje kesi vaYunda akuvana Munzinzime Wakujela, ngwe mwatwanene yetu.

Vilinga vya Miluwa 8:20

Oloni Petulu wamukumbulwile ngwendi, “Nove vene na vimbongo vyove munyonge amo, omwo yove uyongola ngwove amo wasa kulanda vwana vwa Njambi na vimbongo!

Loma 1:11

Omwo njishaka manene kumimona, njakumyane vwana vwa vivezikiso vya munzinzime mukumitakamesa.

2 Kolinte 4:4

Vakevo kuvasa kukulaela omwo njambi uje wa vuvi wa kano kaye nazivalesa mana a vaka-kujeneka kukulaela ngeci kesi vamone mutanya uje wa Vin̄anda Vyavivwa vya vumpau vwa Kilisitu, uje vene wafwa cifwa ca Njambi.

2 Kolinte 4:6

Njambi uje wendekele ngwendi, “Mu lisusulungu mukatwa ceke!” Ikeye Njambi uje vene umolika watwisile ceke mu vimbunge vyetu, mukututwisila ceke ca vumpau vwa Njambi vuje vunatu mu cihanga ca Kilistu.

Ngalatiya 3:2

Njishaka njimihule cuma cimo ngwange, kuma mwatambwile Munzinzime wa Njambi akulinga vije vishakiwa ku Majwi a Lishiko nambe akuziva muzimbu nakuukulaela ndi?

Ngalatiya 3:5

Kuma Njambi namyana Munzinzime nakulinga vizivukiso akati keni omwo mulinga vije Majwi a Lishiko avishaka nambe omwo muziva muzimbu nakuukulaela ndi?

Efeso 1:18

Njilomba lalo ngeci atonese mesho a vimbunge vyeni ngeci mumone ceke cendi, ngeci mwase kuzivuka cinyangavili cije wamisaneneco, muzivuke vufuko vuje vwakukomokesa vwa vivezikiso vije akulaesa vanu vendi,

Efeso 2:8

Omwo a kutetela munovoka akukulaela. Eci kesi ngwe a vilinga vyeni embwe, oloni cinapu vwana vwa Njambi,

Efeso 3:7

Vanjipwisile ngamba ya muzimbu wauvwa a vwana vwa Njambi vwakama, vuje vwanjanene a vipangi vya nzili yendi.

Efeso 4:7

Munu na munu woshe natambula vwana ngwe mu seteko ya vije vyanatwana Kilistu.

1 Timateo 4:14

Kesi wecele vwana vwa munzinzime vuje vuli muli yove, vuje vuvakwanene omo vaka-kwimanena vendekele nomo vakulunu vakambekele mavoko avo ali yove.

2 Timateo 2:25

walyovwa-ovwa omo ashungamesa vaka-kumulwisa, amo Njambi akavana simbu yakutenguluka ngeci vazivuke vushunga.

2 Timateo 4:14

Elekizanda uje muka-kufula nanjilingi mwamuvi manene, Mwene akamwana fweto yendi kupwisa ngwe ku vipangi vyendi vyanalingi.

VaHevelu 10:32

Anukeni mumwafwile ku simbu ya laja. A matangwa aje, omo Njambi watwililile ceke ali yeni, mwayandele ku vyuma vyavingi, oloni kuvyamihyanene.

VaHevelu 2:4

Co a simbu ije vene Njambi wawezeleleleko vukaleo vwendi ku vukaleo vwavo mukulinga vizivukiso na vikomoweso vyakuliseza-seza namukupangezela vwana vwa Munzinzime Wakujela ngwe ku cizango cendi.

1 Yowano 5:16

Nga umona muka-kukulaela alinga vuvi vuje kuvwasa kumutwala ku kutsa, unapande kulombela kuli Njambi, uje akamwana mwonyo. Eci cinakundama kuli vaje vivi vyavo kuvivatwala ku kutsa. Oloni kuli vuvi vuje vutwala ku kutsa, co kunjasa kwendeka ngwange munapande kulombela kuli Njambi a vuvi vwangacije.