VaHevelu 6:2 - Livulu lya Shukulu Kalunga

² a vilongesa vyakumbwitika nakukambeka mavoko, na vya akusanguka kwa vatsi na vya cisompeselo ca myaka yoshe.

VaHevelu 6:2 Iomraidhean Croise

Muka-kwambulula 12:14

Njambi akasompa vyuma vyoshe vije tulinakulinga, nambe vyavivwa, nambe vyavivi, nameme vene vyuma vije vyakulingila mu vushweke.

Isaya 26:19

Vanu vetu vaje vanatsi vakayoya lalo! Mivila yavo ikasangukila lalo ku mwonyo. Voshe vaje vali mu vimbumbo, vakenduka nakwimba nakujolela. Ngwe lime litonolwela asi, ngecivene, Shukulu Kalunga akasangula lalo vanu vaje vatsile laja.

Ndanyele 12:2

Co vungi vwa vaje vatsile laja vakakala lalo na mwonyo. Vamo akati kavo vakakala na mwonyo ku myaka yoshe, co vakwavo vakakala na shwamwa yakama ku myaka yoshe.

Mateo 28:19

Ngecivene, yeni oni, ku miyati yoshe nakuvapwisa vandongisi vange, vambwitikeni mu lizina lya Tate, na Mwana, na Munzinzime Wakujela.

Mateo 3:14

Oloni Yowano washakele kumuvyana ngwendi, “Yange njapandele kwija kuli yove ngeci unjimbwitike, kesi yove wije kuli yange ngeci njikumbwitike!”

Mako 16:16

Woshe uje akulaela nakumumbwitika akovoka, oloni woshe uje kakulaela vakamuhisa.

Mako 7:4

co lalo kuvasele kulya cuma cakutunda kuje kwakulandesela kuvanga vacikushe akulivanga. Vakavangeyeye mashiko akwavo amangi aje avatambwile, ngwe kukusha vinganja, na vindeo, na malonga, na milili.)

Mako 7:8

“Yeni munaka mashiko a Njambi kumukulo, co mulinakwononoka vilongesa vya vanu.”

Luka 11:38

Co kaFaliseo walikomokelele omo wamwene Yesu kajwelele simbu kanda alye.

Luka 12:50

Njinavandamena kumbwitika kuje kuvanapande kunjimbwitika, oloni njinalijujukila noo kumbwitika kuje kukahwa!

Luka 14:14

co ukavezika, omwo vakevo kuvakasa kukwilwisila vije viwunavana. Njambi ikeye akakwilwisilavyo a litangwa livakasanguka vaka-vushunga ku vatsi.”

Luka 3:16

Co Yowano wendekele kuli voshe ngwendi, “Njimimbwitika mu mema, oloni owo akaija napu wakama. Kunjapandele nameme kuzitula mikole ya a vin̄aku vyendi. Ikeye akamimbwitika na Munzinzime Wakujela na mu tuhya.

Yowano 1:33

Yange kunjamuzivukile ngwange ikeye, oloni Njambi, uje wanjitumine ngeci njimbwitike mu mema, ikeye wendekele kuli yange ngwendi, ‘Ukamona Munzinzime akashuluka nakukala ali munalume umo, ikeye akambwitika na Munzinzime Wakujela.’

Yowano 5:29

co vakatuuka mu vimbumbo vyavo, vaje voshe valingile mwamuvwa vakasangukila ku mwonyo, co vaje valingile mwamuvi vakasangukila ku cihiso.

Vilinga vya Miluwa 10:47

“Vanu ava vanatambula Munzinzime Wakujela, ngwe mutwamutambwile yetu lalo. Ngecivene, kuma kuli umo lalo asa kuvavindika ngeci kesi tuvambwitike mu mema ndi?”

Vilinga vya Miluwa 13:3

Co vakevo valikelele kulya, co valombelele vavakambekele mavoko nakuvatuma.

Vilinga vya Miluwa 16:15

Co omo vamumbwitikile ikeye na vanu va mu njuvo yendi, co watulanyele ngwendi, “Ijeni mukakale mu njuvo yange nga mwayongola ngweni njinapu njimuka-kukulaela kuli Mwene.” Co watusindiiye ngeci tuye.

Vilinga vya Miluwa 16:33

Co a simbu ije vene ya vutsiki uje muka-kunyunga kamenga waile navo, co wakushile a vimbandu vyavo, co aje vene ikeye na naanga yendi voshe vavambwitikile.

Vilinga vya Miluwa 17:18

Vamo valongisi va munga ivatumbwile ngwavo Epikulyu na munga ya Sitoike valikananganene nendi. Vamo vavo vehwile ngwavo, “Vika ashaka kwendeka ou cilema wa kulyalesa?” Veka vendekele ngwavo, “Cisholoka ngwe alinakwendeka vya vinjambi veka.” Vendekele evi omwo Paulu wakele nakwambulula vya Yesu na cisangukilo.

Vilinga vya Miluwa 2:38

Co Petulu wendekele kuli vakevo ngwendi, “Munu na munu napande kutenguluka ku vivi vyendi nakumumbwitika mu lizina lya Yesu Kilistu, ngecivene, amisambese ku vivi vyeni, co mukatambula vwana vwa Njambi, Munzinzime Wakujela.

Vilinga vya Miluwa 2:41

Vavangi vavo vakulaelele muzimbu wa Petulu, co vavambwitikile, ku litangwa lije vawezeleleleko vanu vakupwa 3,000 ku mbunga ya vaka-kukulaela.

Vilinga vya Miluwa 23:6

Oloni omo Paulu wamwene ngacije vamo vamuje mu munga vapwile vaSanduki, co vakwavo vapwile vaFaliseo, watambekele ku Munga ngwendi, “Vavushoko vwange vaIsalele! Yange nji kaFaliseo, muna vaFaliseo. Valinakunjisompa kuno omwo a cinyangavili njilinaco ngeci vatsi vakasanguka!”

Vilinga vya Miluwa 24:15

Njili na cinyangavili muli Njambi ngeci vakevo valinavyo vyuma evi, vikevyo evi, vanu voshe vavavwa na ava vavavi vakasanguka ku vatsi.

Vilinga vya Miluwa 24:21

kuvanga cuma cimo cije njendekele omo njemanene ku mesho avo ngwange, ‘Mulinakunjisompa ku litangwa lya lelo omwo njinakulaela ngwange vatsi vakasanguka.’ ”

Vilinga vya Miluwa 24:25

Oloni omo Paulu wakele nakusimutwiya a vuvwa na akulinyunga na akwija kwa Litangwa Lyakusompa, Felikisi wazivile lyova wendekele ngwendi, “Ololo wasa kuya. Njikusana lalo omo njiwana simbu.”

Vilinga vya Miluwa 26:8

Omwo vikajo yeni mulikuno munawana kukaluwa akukulaela ngeci Njambi akasangula vatsi?

Vilinga vya Miluwa 4:2

Vaviililile manene omwo miluwa ava vavali vakele nakulongesa vanu ngwavo Yesu nasanguka ku vatsi, eci casholwele ngeci vatsi vakasanguka.

Vilinga vya Miluwa 6:6

Mbunga yemikile vaje vanalume ku mesho a miluwa, co vavalombelelele nakuvakambeka mavoko.

Loma 2:16

Co ngwe ku Vin̄anda Vyavivwa vinjilinakwambulula, omu mukemwo mucikafwa a Litangwa lije omo Njambi akahisa viyongola vyakushweka vya vanu voshe ali Yesu Kilistu.

1 Kolinte 10:2

Mu lishelwa na mu lishali voshe vavambwitikile kupwa vandongisi va Mosesa.

1 Kolinte 12:13

Mu ngila eyi vene, yetu voshe, nambe vaYunda na vaje kesi vaYunda, nambe vindungo nambe vanu vakupatuka, Munzinzime umo natumbwitika mu muvila umolika, co yetu voshe vatunwisile Munzinzime umolika.

2 Kolinte 5:10

Omwo yetu voshe tunapande kukasholoka ku cisompeselo ca litanda lya Kilistu, ngeci umo na umo akatambule vije vyanapangele, vyavivwa nambe vyavivi, kupwisa ngwe mukuyoya kwa mwonyo wendi wa mu muvila.

Filipu 3:21

Ikeye akemukisa mivila yetu yakuvotsiya ya kutsa nakuyipwisa ngwe muvila wendi vavenya wa vumpau, kupangesa nzili ije ikeye asa kunena vyuma vyoshe mwisi yakushika kwendi.

Kolose 2:12

Omo vamimbwitikile, vamitsindile amo na Kilistu, co akumimbwitika lalo vamisangwile amo na Kilistu akukulaela kweni ku nzili ya vipangi vya Njambi, uje wamusangwile ku kutsa.

2 Timateo 2:18

Vanaseza ngila ya vushunga, co valinakutanganesa kukulaela kwa vamo akwendeka ngwavo kusanguka kwetu ku vatsi cineti laja.

VaHevelu 11:35

Akukulaela vanakazi vatambwile vavushoko vwavo va kutsa vaje vasangukilile ku mwonyo. Vamo vamwene tuyando twakama, kuvatavele kutambula kupatuka ngeci vatambule cisangukilo lalo ca mwonyo wauvwa.

VaHevelu 9:10

omwo vikevyo vinemanena lika ku vyakulya nakunwa, na vilika vyakuliseza-seza vyakulijelesa. Evi vyoshe vinapu mashiko a anja, evi vikalingiwa noo a simbu ije Njambi akatengulula vyuma vyoshe.

2 Petulu 3:7

Oloni lilu na kaye evi viliko ololo vanavitulika a lishiko lya cifwa cimo lya Njambi, ngeci vakavinyongese na tuhya. Vikevyo vanavitulikila litangwa lije omo vanu vaka-vuvi vakavasompa nakuvanyongesa.