VaHevelu 6:19 - Livulu lya Shukulu Kalunga

¹⁹ Tuli na cinyangavili cije ngwe n̄ovo ya cikongo ca mbunge, ikeyo yakukola, yaivwa, ikeyo ipulyasana nanga ije ya mu Njuvo ya Shukulu Kalunga ya mwilu nakukovela ku mulili wakujela,

VaHevelu 6:19 Iomraidhean Croise

Myaso 39:7

Ngecivene, Shukulu Kalunga vikajo vinjikengelela? Njaka cinyangavili cange muli yove.

Myaso 42:11

Omwo vikajo njinaviilila? Omwo vikajo njilinakulinyengela? Njikaka cinyangavili cange muli Njambi, co njikamushangazala lalo, muyoyesi wange na Njambi yange.

Myaso 42:5

Omwo vikajo njinaviilila? Mbunge yange vikajo inazeyela? Omwo vikajo njilinakulinyengela? Njikaka cinyangavili cange muli Njambi, co njikamushangazala lalo, muyoyesi wange, na Njambi yange.

Myaso 43:5

Omwo vikajo njinaviilila? Omwo vikajo njilinakulinyengela? Njikaka cinyangavili cange muli Njambi, co njikamushangazala lalo, muyoyesi wange, na Njambi yange.

Isaya 12:2

Njambi ikeye muyoyesi wange, njikamukulaela kunjikazivi lyova. Omwo Shukulu Kalunga ikeye nzili yange, na mwaso wange. Co napu muyoyesi wange.

Isaya 28:16

Ngecivene, Shukulu Kalunga wa Akamwa ya Vyoshe nendeka ngwendi, “Kengeni, njikajala luvula lwakukola mu Siyone. Lukelwo vene limanya lya mu mbango lije vaneseka kupwa lya vushunga, naumo wai uje akulaela mulikelyo ivakazivisa shwamwa.

VaLevi 16:15

“Munima yevi, akatsiye membe wa n̄ombelo ya a vuvi vwa vanu, nakunena maninga endi mu Mwela Wakujela Manene, nakuwashamwina akamwa ya cifwiko, asinoni akashamwine amo lalo kulutwe lwa Cikasa ca Cikumiiyo, ngwe mwalingile na maninga a uje muna ngombe wa nkomba.

VaLevi 16:2

Co Shukulu Kalunga wendekele ngwendi, “Leka ndolome yove Alone ngwove, kuvanga a simbu ije lika vemika ikeyo yakaita kunima ya livamba mukukovela mu Mwela Wakujela Manene, omwo muje mukemwo munjikasholokela mu lishelwa akamwa ya cifwiko ca Cikasa ca Cikumiiyo. Nga kononoka, co akatsa.

Zakaliya 9:12

Ilukeni, yeni vinzinda ololo muli na cinyangavili, ilukeni ku mwela weni wauvwa. Ololo njimileka ngwange njikamivezikisa luvali ku tuyando tweni twoshe tuje mwayandele.

Mateo 27:51

Asinoni nanga ije yakele nakujenjela mu Njuvo ya Shukulu Kalunga yatavukile akati, kutunda kwilu nakweta asi. Co asi ajajele na mamanya atavukile,

Vilinga vya Miluwa 23:6

Oloni omo Paulu wamwene ngacije vamo vamuje mu munga vapwile vaSanduki, co vakwavo vapwile vaFaliseo, watambekele ku Munga ngwendi, “Vavushoko vwange vaIsalele! Yange nji kaFaliseo, muna vaFaliseo. Valinakunjisompa kuno omwo a cinyangavili njilinaco ngeci vatsi vakasanguka!”

Vilinga vya Miluwa 27:29

Co vakele na lyova ngwavo vwato vukapekumukila ku mamanya, ngecivene, vasoselele vin̄ovo viwana mu mema ku ntongo ya kunima ya vwato, co valombelele ngwavo kukye vwasi.

Vilinga vya Miluwa 27:40

Ngecivene, vavatwile vin̄ovo nakuviseza vivombele mu mema, co a simbu ije vene vazitwile mikole ije yakele ku vilapo vije vyendesele vwato. Asinoni vajundwile vinanga vije vyendesele vwato na lihunzi vije vyakele kulutwe lwa vwato ngeci lihunzi lipekumwine vwato kulutwe, co twashungamene ku cikuma.

Loma 4:16

Co cikulaeso cajendamenene akukulaela, ngeci cikulaeso vanapande kucikolesa kupwa vwana vwa Njambi ku vatekulwila voshe va Avilahama, kesi lika kuli vaje vononoka Lishiko embwe, ololo na kuli vaje vakulaela ngwe mwalingile Avilahama. Omwo Avilahama napu tate yetu voshe vaka-kukulaela.

Loma 4:18

Avilahama wakulaelele nakukala na cinyangavili, nameme omo kukwakele cuma cakumulingisa cinyangavili, co wapwile “cisemi ca miyati yaingi.” Ngwe muvyendeka visoneka ngwavyo, “Ngecivene, vatekulwila vove vakatuma manene ngwe vingongonosi.”

Loma 5:4

co lukakateya lulingisa ngeci Njambi atutambule, co eci kutambula ca Njambi cinena cinyangavili.

1 Kolinte 13:13

Ngecivene, ololo, vyuma evi vitatu vinasala, kukulaela, cinyangavili na cizemo, co cinatuvakana ku vyuma vyoshe evi cinapu cizemo.

1 Kolinte 15:58

Ngecivene, vavusamba vange va cizemo, imaneni mbe kujeneka kuwa. Simbu yoshe pangeni na nzili mu vipangi vyeni kuli Mwene, omwo munazivuka ngweni vipangi vyeni mulinakupanga muli Mwene kuvyesi nakuya mwangoco.

Efeso 2:6

Akukala kwetu muli Kilistu Yesu watusangwile amo nendi ngeci tukashwane amo nendi mu lifuti lya mwilu.

Kolose 1:27

Vutumbe vwa Njambi vunapu kusholola cisin̄iko eci kuli vanu vendi. Cisin̄iko cije cinapu vufuko na vumpau canavwaesela vanu voshe. Co cisin̄iko cikeco eci, Kilistu ali muli yeni, kulumbunuka ngeci yeni mukalipangele vumpau vwa Njambi.

Kolose 3:1

Nga munanguka amo na Kilistu, ngecivene, shakezekeni vyuma vije vili mwilu, kuje Kilistu natumbama a litanda lyendi ku livoko lya cilyo lya Njambi.

2 Timateo 2:19

Oloni luvula lwakukola luje lwanajala laja Njambi kuvasa kuluningangesa, co alukelwo vanasonekao majwi awa ngwavo, “Mwene azivuka vaje vanapu vendi” co “Voshe vaje valitumbula ngwavo vanakundama kuli Mwene vanapande kutenguluka kutunda kukulinga vyavivi.”

VaHevelu 4:16

Ngecivene, tupweni vaka-kusimpa, akushwenya ku litanda lya Njambi, tukatambule mema ku mbunge na kutetela kuje akatukwasa omo tunajeneka.

VaHevelu 9:3

Kunima ya nanga yamucivali kwakele mbalaka ije vatumbwile ngwavo Mwela Wakujela Manene.

VaHevelu 9:7

oloni kuvanga Muka-kukombelela Wakama lika ikeye akovela mu Mbalaka ya mukati, co akacilingi ngeci lumo a mwaka. Akambata maninga aje akalingi n̄ombelo kuli Njambi mukwimanena ikeye vavenya na vanu a vuvi vuje vanalingi vwakujeneka kuzivuka.

1 Petulu 1:3

Tukandeleleni kuli Njambi na Ishe ya Mwene yetu Yesu Kilistu! Omwo a mema ku mbunge endi akama manene, natwana mwonyo wauha akusangula Yesu Kilistu ku vatsi. Eci cikeco citushulisa na cinyangavili cakuyoya,