VaHevelu 6:10 - Livulu lya Shukulu Kalunga

¹⁰ Omwo Njambi kesi kwonwa, ngeci evale vipangi vyeni vimwalingile, nambe cizemo cendi cimunamwesa omwo lizina lyendi, omo yeni mwakwasele vaka-kukulaela, na ololo mucili nakuvakwasa.

VaHevelu 6:10 Iomraidhean Croise

Nehemiya 13:22

Njashikile vaLevi ngeci valijelese, na kuya mukunyunga ku vikolo, nakumona ngeci Litangwa Lyakuhwima linapu lyakujela. Njanuke Yove Njambi, a eci lalo, njiteteleko omwo cizemo cove cakama manene.

Nehemiya 13:31

njavwaeselele cimweja vitale vyakupangesa akwenyeka n̄ombelo ije ivakanena a visimbu vije vanemika, na kuli vanu kunena milambu yavo ya vimbuto vyakulivanga, na vushuka vwakulivanga vuje vuvanateje. Anuka vyoshe evi, yove Njambi, nakunjivezikisa.

Nehemiya 5:19

Njilomba kuli yove Shukulu Njambi, anuka vyoshe vije vyavivwa njalingila vanu ava.

Myaso 20:3

Ikeye atambule vin̄ombelo vyove vyoshe, co avwaelele na vin̄ombelo vyove vya kwenyeka.

Kutuuka 1:20

Ngecivene, Njambi walingile mwamuvwa kuli vaje vifungwizi vavali, vaIsalele vakele nakukita nakutuma manene.

Visimo 14:31

Nga uyandesa vanu vakuutwa, co ulinakushaula Njambi uje wavatangele, oloni nga uzivila ngozi tuutu, ulinakumusingimika.

Visimo 19:17

Uje akala na ngozi na tuutu alinakukumwisa Shukulu Kalunga, co Shukulu Kalunga akamwana cikandelela a vije vyanalingi.

Muka-kwambulula 11:1

Pangesa vimbongo vyove mu vipangi vyakulanda nakulandulula, co a litangwa limo ukawanao vimo.

Njelemiya 18:20

Kuma mwamuvwa kwilwisila vuvi ku vuvwa ndi? Oloni vananjindila mbulu ngeci njiwilemo. Anuka muje munjemanene ku mesho ove nakuvemanena ngeci kesi uvanyanyamese.

Njelemiya 31:16

Likele kulila, lisikumune misozi. Vyoshe vije walingilile vana vove, kuvikai mwangoco kujeneka cikandelela embwe, vakeluka kutunda mu lifuti lya citozi.

Mateo 10:42

Co woshe uje aana nganja ya mema akutonola kuli umo wa ava vavandondo omwo napu muka-kunjikava, mwa vushunga njimileka ngwange, akatambula cikandelela.”

Mateo 20:7

Vamukumbulwile ngwavo, ‘Omwo naumo wai natulanya ku vipangi.’ Ikeye wavalekele ngwendi, ‘Yeni mukapange mu lihya lyange lya mikolovozi ya vushuka vwa vinyu.’

Mateo 25:17

Mu ngila imo lalo ngamba uje watambwile vimbongo vyakupwa 2,000 waile nakukasekasana, co wawaneneo lalo vimbongo vyakupwa 2,000.

Mako 9:41

Mwa vushunga njimileka ngwange munu woshe uje amyana mema akunwa omwo yeni mwakundama kuli yange mwa vushunga vene akatambula cikandelela cendi.

Yowano 13:20

Mwa vushunga njimileka ngwange, woshe uje atambula uje njinatumu, atambula yange lalo, co woshe uje atambula yange atambula uje wanjitumine.”

Vilinga vya Miluwa 10:31

co wendekele kuli yange ngwendi, ‘Konelyasi! Njambi nazivi kulombelo kwove, co nanuka vipangi vyove vyavivwa.

Vilinga vya Miluwa 10:4

Co ikeye wakengele kuli uje kangelo shwii na lyova wendekele kuli ikeye ngwendi, “Vika, Mwene?” Co kangelo wendekele ngwendi, “Malombelo ove na vwana vwove vinete kuli Njambi, vinapu vyakukwanukilao.

Vilinga vya Miluwa 11:29

Ngecivene, vandongisi vayongwele ngwavo umo na umo akati kavo akatume vukwasi ngwe mwanasela mukukwasa vakwavo vaka-kukulaela vaje vakele mu Yundeya.

Loma 12:13

Lipangeleni vije mulinavyo na vakweni vaka-Yesu vaje vanajeneka, co tambuleni vangenzi mu vinjuvo vyeni.

2 Kolinte 9:1

Kunjapandele lalo kumisonekela a ngila yakukwasa nakutuma vwana kuli vanu va Njambi vali mu Yundeya.

Ngalatiya 5:13

Ngwe ali yeni, vakwetu, vamisanene mukupatuka. Oloni kesi mutave kupatuka oku kupwe lisesa lyakumyecelela ngeci mashungu eni a vunu amipangese. Oloni taveni cizemo cimipwisa vangamba va umo na mukwavo.

Ngalatiya 5:6

Omwo tuli amo muli Kilistu Yesu, nambe kutuuka nambe kujeneka kutuuka kuvyasa kulinga cuma cimo, cuma cakama lika kukulaela cije cilinakupanga mu cizemo.

Ngalatiya 6:10

Ngecivene, ngwe omo tuli na simbu, tunapande kulingila vuvwa kuli munu na munu, vunene vene kuli vaje vanakundama ku naanga yetu mukukulaela.

Kwituluka mu Mashiko 32:4

“Shukulu Kalunga ikeye cimpaka ceni ca nzili wakulambasa na kwoloka mu vingila vyendi vyoshe. Njambi yeni wapwa wa kulongwa na vushunga, akalingi mwamuvwa nakushungama.

Kolose 3:17

Co vyuma vyoshe mulinga nambe mwendeka, munapande kuvilinga mu lizina lya Mwene Yesu, omo mulinakukandelela Njambi Tate ali ikeye.

1 Tesalonika 1:3

Omwo tukanuka ku mesho a Njambi yetu na Tatetu vipangi vya kukulaela kweni nakuundangana kwa cizemo na cinyangavili cakukola mbe muli Mwene Yesu Kilistu.

1 Timateo 6:18

Vashike kulinga mwamuvwa, kupwa vaka-kufuka mu vipangi vyavivwa, vapwe vaka-kushemutuka nakulivwaesela kwanako vakwavo veka lalo.

2 Timateo 4:8

Co ololo cilongo ca vushunga cinanjitumbamena, cije Mwene, ikeye lyaako wa vushunga, akanjanaco a Litangwa lije, co kesi kuli yange lika embwe, oloni akacana lalo kuli voshe vaje vamuvandamena na cizemo ngeci asholoke.

VaHevelu 10:32

Anukeni mumwafwile ku simbu ya laja. A matangwa aje, omo Njambi watwililile ceke ali yeni, mwayandele ku vyuma vyavingi, oloni kuvyamihyanene.

VaHevelu 13:16

Kesi mwivale kulinga mwamuvwa nakulikwasa umo na mukwavo, omwo evi vikevyo n̄ombelo vivwaelelesa Njambi.

1 Yowano 1:9

Oloni nga tulitavela vivi vyetu kuli Njambi, co Ikeye anyunga cikulaeso cendi nakulinga vije vya vushunga, ikeye akatusambesa ku vivi vyetu nakutujelesa ku vilinga vyetu vyoshe vyavivi.