VaHevelu 5:9 - Livulu lya Shukulu Kalunga

⁹ Omo vamupwisile muka-kujela, wemukile nsina yakwovoka kuje kwa myaka yoshe kuli voshe vaje vamwononoka,

VaHevelu 5:9 Iomraidhean Croise

Myaso 45:17

Njikatsimanesa lizina lyove ku cisemwa coshe, ngecivene, vanu voshe vakakulemesa ku myaka yoshe.

Myaso 51:6

Kukulaela na vushunga vikevyo viwashaka, njishulise na mana ove.

Myaso 51:8

Njizivise muyoyo wakuvwaelela nakujolela, nameme unanjitsene nakunjipokozola, oloni njikavwaelela lalo.

Isaya 45:22

“Yeni voshe muli kwoshe kuje kwasikisila kaye, tengulukileni kuli yange ngeci mwovoke. Yange lika Njambi njiliko.

Isaya 49:6

Shukulu Kalunga wendekele kuli yange ngwendi, “Njili na vipangi vyakama ali yove, ngamba yange. Kesi lika vipangi vyakwilwisa vanu va Isalele vaje vanasalao embwe, oloni njinakwaka ano ngeci upwe ceke ku vaka-mafuti, ngeci vaka-kaye voshe vovoke.”

Isaya 50:10

Yeni voshe vaje musingimika Shukulu Kalunga, nakwononoka majwi a ngamba yendi, ngila mulinakwenda yasa kupwa ya lisusulungu, oloni kulaeleni nakujendamena, ali Shukulu Kalunga Njambi yeni.

Isaya 55:3

“Yeni vanu vange tolilileni, ijeni kuli yange, co mukakala na mwonyo! Njikalikumiiya neni cikumiiyo ca myaka yoshe, nakumivezikisa vivezikiso vije vinjakulaesele Ndaviti.

Ndanyele 9:24

“Visimbu vitanu na vivali vya myaka makumi atanu na avali inapu simbu yanemika Njambi yakupatula vanu vove na nganda yove yakujela ku vuvi na ku kupenga-penga. Ngecivene, vuvi vakavusambesa, co vushunga vukakala ku myaka yoshe, co cimona na vuka-kwimanena vikapwa vya vushunga, na Njuvo ya Shukulu Kalunga yakujela vakayikundika lalo.

Zakaliya 6:15

Vanalume vakatunda kulyala vakaija nakukwasa kutungulula Njuvo ya Shukulu Kalunga. Omo vanayitungulula, cooni mukazivuka ngeci Shukulu Kalunga Muka-nzili yoshe ikeye wanjitumine kuli yeni. Vyoshe evi vikalingiwa nga mwononoka mwamuvwa mashiko a Shukulu Kalunga Njambi yeni.

Mateo 17:5

Omo wacikele nakwendeka, lishelwa lyakuvyazima lyavafwikile, co lijwi lyatundile mu lishelwa lyendekele kuli vakevo ngwalyo, “Ou ikeye Munange injazema, njilinakuvwaelela ali ikeye, mutolilileni!”

Luka 13:32

Yesu wavakumbulwile ngwendi, “Yeni mukamuleke owo mbanje ngweni, ‘Njicili nakutundisa minzinzime yakujwala nakukangwisa vanu ku mishongo yavo ku litangwa lyalelo na imene, co a litangwa lyamucitatu asinoni njikamanesa vipangi vyange.’

Yowano 19:30

Omo Yesu wanwile vije vinyu wendekele ngwendi, “Kunau!” Co watepwile mutwe wendi wecelele munzinzime wendi.

Vilinga vya Miluwa 3:15

Co mwatsiile uje ikeye vavenya mwonyo, oloni Njambi wamusangwile ku vatsi, co yetu tunapu tu vakaleo va cuma eci.

Vilinga vya Miluwa 4:12

Kutwasa kuwana kwovoka muli weka lalo embwe, omwo kukwesi lizina lyeka muno mu kaye lyanaana Njambi ku vanu litunapande kwovokelamo.”

Vilinga vya Miluwa 5:32

Tuvakaleo va vyuma evi, yetu amo na Munzinzime Wakujela, ikeye wapwa vwana vwa Njambi kuli vaje vamwononoka.”

Loma 1:5

Muli ikeye Njambi wanjanene vije vyanjipande mukupwa muluwa omwo ali Kilistu, mukutwamenena miyati yoshe kukukulaela nakukwononoka.

Loma 10:16

Oloni kesi voshe vanatambula Vin̄anda Vyavivwa embwe. Isaya vavenya alinakwendeka ngwendi, “Shukulu Kalunga, iyajo wakulaelele muzimbu wetu?”

Loma 15:18

Omwo njikasimpa nakwendeka vije lika vyanalingi Kilistu muli yange mukutwamenena vaje kesi vaYunda ngeci vononoke Njambi. Nalingi evi a majwi ange na a vilinga vyange,

Loma 2:8

Oloni vamo vanu valizema vakevo vavenya nakuvyana vya vushunga, ngeci vakave vije vya kupenga-penga, co Njambi akamwesa vukalu vwendi na matoto endi ali vakevo.

Loma 6:17

Oloni tukandelela kuli Njambi! Omwo nambe laja mwapwile mu vindungo va vuvi, munononoka na vimbunge vyeni vyoshe vushunga vuli mu vilongesa vije vimwatambwile.

2 Kolinte 10:5

tulinakutundisa kulyalesa kwoshe kuje kwakutanukisa kuje kulinakulwisa mana a Njambi, tulinakutundisa viyongola vyoshe nakuvyaka ku vundungo ngeci vyononoke kuli Kilistu.

Filipu 2:12

Ngecivene, vasamba vange, ngwe simbu yoshe mwanjononokele omo njakele neni amo, mukemwo vene cuma cakama munapande kunjononoka nambe yange njiwaiko. Kakateyeni mu vipangi na lyova nakujaja ngeci mumanese kwovoka kweni,

2 Tesalonika 1:8

amo na milangi ya tuhya, nakunyanyamesa vaje vavyana Njambi, na vaje kuvesi kwononoka Vin̄anda Vyavivwa vya Mwene yetu Yesu.

2 Tesalonika 2:16

Mwene yetu Yesu kilistu vavenya, na Njambi Tatetu, uje watuzemene na mu kutetela kwendi watwanene kutakama kuje kukwesi kutenguluka na cinyangavili cakukola,

2 Timateo 2:10

Ngecivene, njilinakuyanda mu vyuma vyoshe omwo ali vanu va Njambi vakwangula, ngeci na vakevo lalo vatambule kwovoka kwa muli Kilistu Yesu amo na vumpau vuje vwa myaka yoshe.

VaHevelu 1:14

Tungelo vapwa vikajo? Vapwa minzinzime vaje vakapangela Njambi, co avatuma mukukwasa vaje valinakutambula kwovoka.

VaHevelu 11:40

omwo Njambi wayongweleo nakuwana vutumbe vwakuhyana ali yetu. Vutumbe vwendi vunapu omo akukala amo netu ngeci vapwe vakujela.

VaHevelu 11:8

Akukulaela, Avilahama wononokele Njambi omo wamusanene, co watundile mu lifuti lyendi waile ku lifuti lije lyamukulaesele Njambi. Wasezele lifuti lyendi oloni kazivukile kuje kwaile.

VaHevelu 12:2

Co tukengeni mesho etu ntoma ali Yesu, ali uje kukulaela kwetu cinemana kutunda kukushangumuka kwetu na ku shongo. Kajukile omwo cilindakano! Omwo kujolela cije camuvandamenene, kazivile shwamwa omwo kutsa a cilindakano, co ololo natumbama ku livoko lya cilyo lya litanda lya Njambi.

VaHevelu 2:10

Capwile ca vushunga ngeci Njambi, uje watangele nakunyunga vyuma vyoshe, apwise Yesu muka-vushunga a tuyando, mukunena vana vavangi ku vumpau vwendi. Omwo Yesu ikeye lika muka-kuvatwamenena ku kwovoka.

VaHevelu 2:3

Ngecivene, vatijo tukaputumuka ku vyuma evi nga kutwakele vimbunge vyetu ku kwovoka kwakama kwa ngacije? Akulivanga Mwene ikeye wambulwile kwovoka oku, co vaje vazivileko vasholwele kuli yetu ngeci vukaleo ovu vunapu vwa vushunga.

VaHevelu 9:12

Omo Kilistu wakovelele mu mbalaka, co wakovelelemo lumo ku myaka yoshe mu Mwela Wakujela Manene, kambatele maninga a vimembe na vana va vingombe mukukombelela ngwe n̄ombelo embwe, oloni wambatele maninga endi vavenya mukututambwila kwovoka kuje kwa myaka yoshe.

VaHevelu 9:15

Omwo cuma eci Kilistu ikeye navwaesa cikumiiyo caliha, ngeci vaje vanasana Njambi vakatambule vivezikiso vya myaka yoshe vije vyanavakulaesa Njambi. Eci casa kulingiwa omwo a kutsa kuje vemikile kwakupatula vanu vatunde ku kupenga-penga kuje valingile omo vakele mu cikumiiyo cakulivanga.

VaHevelu 9:28

Mu cifwa eci vene, Kilistu lalo walyanene mukulikombelela lumo mukutundisa vivi vya vavangi. Akajomboloka simbu yamucivali, kesi lalo akendeka a vuvi embwe, oloni mukwovola vaje vanamuvandamena.

1 Petulu 1:22

Ololo munalijelesa akwononoka ku vushunga, co muli na cizemo cacivwa kuli vasamba veni vaka-kukulaela, lizemeni umo na mukwavo na vimbunge vyeni vyoshe.

1 Yowano 5:20

Twazivuka ngwetu Muna Njambi naija, co natwana kuzivisisa ngeci tuzivuke Njambi wa vushunga. Tulinakuyoyela muli Njambi wa vushunga, muli Munendi Yesu Kilistu. Ou ikeye Njambi wa vushunga, co ou ukewo mwonyo wa myaka yoshe.

Yunda 1:21

kaleni mu cizemo ca Njambi, omo muvandamena kwija kwa Mwene yetu Yesu Kilistu a mema ku mbunge endi mukumyana mwonyo wa myaka yoshe.