VaHevelu 5:5 - Livulu lya Shukulu Kalunga

⁵ A ngila eyi vene, Kilistu kalitondelele ikeye vavenya kasingimiko kakupwa Muka-kukombelela Wakama. Oloni Njambi wendekele kuli ikeye ngwendi, “Yove unapu u Munange, litangwa lya lelo njinapu nji Isho.”

VaHevelu 5:5 Iomraidhean Croise

Myaso 2:7

“Njikambulula vilongesa vya Shukulu Kalunga, ikeye wendekele ngwendi, ‘Yove unapu u munange, litangwa lya lelo njinapu nji isho.

Mika 5:2

Shukulu Kalunga alinakwendeka ngwendi, “Yove Mbetelehema Efaleta yove wapwa uwamundondo akati ka vinganda vya mu Yunda, oloni kuli yove kukatunda muka-kushwana Isalele, uje naanga yendi yakeleko tunde ku san̄ulu.”

Yowano 3:16

Omwo Njambi wazemene vaka-kaye manene ngeci waanene Munendi umolika, ngeci woshe akulaela kuli ikeye kesi anyonge, oloni akale na mwonyo wa myaka yoshe.

Yowano 7:18

Uje endeka na moko yendi vavenya ashaka kuwana kasingimiko kendi ikeye vavenya. Oloni uje ashaka kasingimiko ka uje wamutumine napu munu wa vushunga, co muli ikeye kumwesi makuli.

Yowano 8:54

Yesu wakumbulwile ngwendi, “Nga njilisingimika yange vavenya, kasingimiko kange kapwa kangoco. Uje anjisingimika ikeye Tate, uje imutumbula ngweni Njambi yeni.

Vilinga vya Miluwa 13:33

vikevyo natulingila yetu vatekulwila vavo mukusangwila Yesu ku mwonyo ngwe muvanasoneka mu Mwaso wamucivali ngwavo, ‘Yove unapu u Munange, litangwa lya lelo njinapu nji Isho.’

Loma 8:3

Omwo cije Lishiko kucasele kulinga, omwo vusitu vwapwile vwakuzeya, Njambi wacilingile. Wahisile vuvi mu vusitu akutuma Munendi, uje wezile mu cifwa ngwe cifwa cetu ca vusitu, mukutundisa vuvi.

VaHevelu 1:1

Ku san̄ulu Njambi wendekele kuli vakukulwila vetu ali vaka-kwimanena visimbu vyavingi na mu vingila vyeka na vyeka,

VaHevelu 1:5

Omwo Njambi kendekele kuli umo wa tungelo twendi ngwendi, “Yove unapu u Munange, litangwa lya lelo njinakukiti.” Naimo simbu yai Njambi nendeka kuli kangelo umo ngwendi, “Yange njikapwa nji Ishe, co ikeye akapwa Munange.”

VaHevelu 2:17

Ngecivene, camupandele mu vyoshe alipwise mumolika na vakwavo, ngeci apwe Muka-kukombelela Wakama wa kulongwa na kutetela mu vipangi vyendi ku mesho a Njambi, ngecivene, vuvi vwa vanu vakavusambese.

VaHevelu 3:1

Vakwetu muli Yesu, vaje vasanene Njambi! Yongoleni ali Yesu, uje yatumine Njambi kupwa Muka-kukombelela Wakama kukukulaela kuje tunatava.

VaHevelu 5:10

co Njambi wamusholwele kupwa Muka-kukombelela Wakama, kwinga muli Melekizendeki.