VaHevelu 5:1 - Livulu lya Shukulu Kalunga

¹ Muka-kukombelela Wakama woshe wapwa wakwangula akati ka vanu nakumwimika ngeci apangele Njambi mukuvemanenako, kukombelela vin̄ombelo na milambu ya a vuvi.

VaHevelu 5:1 Iomraidhean Croise

VaLevi 8:2

“Nena Alone na vana vendi va vanalume ku cikolo ca Mbalaka Mwakuliwanena, co vanene amo na vuzalo vwa vuka-kukombelela, na mazi akuvwava, na muna ngombe wa nkomba wa mulambu wa a vuvi, na majamba vavali va vimanga, na mutonga wa makende akujeneka musima.

VaLevi 9:7

Asinoni Mosesa wendekele kuli Alone ngwendi, “Ya ku mutula, ukakombelele n̄ombelo ya a vuvi vwove, na n̄ombelo yove ya kwenyeka mukulyambesa yove vavenya, amo na vanu voshe. Linga n̄ombelo eyi mukutundisa vuvi vwa vanu, ngwe muje mwashikile Shukulu Kalunga.”

Loma 15:17

Mu kulitombola muli Kilistu Yesu, njasa kulishasha akupangela Njambi.

1 Kolinte 15:3

Njamyanene vije vinjatambwile, vije vinapu vya seo yakama manene, Kilistu watsililile vivi vyetu, ngwe muvanasoneka mu Visoneka

VaHevelu 10:11

Vaka-kukombelela voshe vakemana a litangwa na litangwa mukupanga nakukombelela vin̄ombelo vya cifwa cimo visimbu vyavingi, oloni vin̄ombelo evi kuvyasa kutundisa vivi nalumo lwai.

VaHevelu 10:12

Oloni Kilistu wakombelelele n̄ombelo imo a vivi, co yapwile n̄ombelo ya ku myaka yoshe, asinoni watumbamene ku livoko lya cilyo lya Njambi.

VaHevelu 11:4

Akukulaela, Avele wakombelelele kuli Njambi n̄ombelo yakutuvakana ya Kaine. Akukulaela kwendi watambwile vukaleo vwavuvwa kuli Njambi ngeci ikeye munu muka-vushunga, omwo Njambi vavenya watavele vwana vwendi. Ngecivene, akukulaela kwa Avele, nambe watsa laja, oloni acili nakwandeka.

VaHevelu 2:17

Ngecivene, camupandele mu vyoshe alipwise mumolika na vakwavo, ngeci apwe Muka-kukombelela Wakama wa kulongwa na kutetela mu vipangi vyendi ku mesho a Njambi, ngecivene, vuvi vwa vanu vakavusambese.

VaHevelu 7:27

Kapwile ngwe vaka-kukombelela vamo vakama embwe, ikeye kapandele a litangwa na litangwa kukombelela vin̄ombelo akulivanga vya vuvi vwendi, co asinoni vya vuvi vwa vanu. Wakombelele n̄ombelo imo, lumo ku myaka yoshe, omo hwalikombelele ikeye vavenya.

VaHevelu 8:3

Muka-kukombelela woshe wakama vanamwimika mukwana vwana nakukombelela n̄ombelo ya tusitu kuli Njambi, co lalo muka-kukombelela wetu wakama napande kukala na cuma cimo cakukombelela.

VaHevelu 8:4

Ngeci nga wakele ano asi, nga kapandele lalo kupwa muka-kukombelela embwe, omwo kuli vakakukombelela vaje valinakukombelela vwana ngwe ku futisi ya Mashiko a vaYunda.

VaHevelu 9:9

Eci cisimo cinemanena simbu ya ololo. Eci cilinakulumbununa ngeci vwana na vin̄ombelo vya tusitu vyakwana kuli Njambi kuvyasele kujelesa vimbunge vya vaka-kulemesa,