VaHevelu 4:9 - Livulu lya Shukulu Kalunga

⁹ Nameme ngoco anga kunasala vanu va Njambi vahwime lumo ngwe mwahwimine Njambi a litangwa lyamucitanu na avali.

VaHevelu 4:9 Iomraidhean Croise

Myaso 47:9

Vaka-kushwana miyati ya vanu vanakunguluka amo na vanu va Njambi ya Avilahama, omwo vintelo vyoshe vya asi vyakundama kuli Njambi, ikeye wakama manene.

Kutuuka 16:30

Co vanu vahwimine a litangwa lyamucitanu na avali, kuvapangele vipangi.

Isaya 11:10

Litangwa lije likaija omo mwene wamuhwa wakutunda ku vumwene vwa Ndaviti akapwa cimweso ku miyati. Miyati vakakungulukila mu nganda ya vumwene vwendi nakumwana kasingimiko.

Isaya 57:2

Vaje venda mu vushunga vawana kwoloka, nakuhwima omo vatsa.

Mateo 1:21

Ikeye akakita mwana wa munalume, co ukamuluka lizina lyendi Yesu, omwo ikeye akaamena vanu vendi ku vuvi vwavo.”

Tito 2:14

Walyecelele ikeye vavenya ali yetu, mukututundisa ku vivi vyoshe nakutupwisa vanu vakujela vakukundama kuli ikeye lika vaje vali na cizango cakulinga vyavivwa.

VaHevelu 11:25

Wayongwele ngeci mwamuvwa kumona tuyando amo na vanu va Njambi kutuvakana kuvwaelela kwa kasimbu lika mu vuvi.

VaHevelu 3:11

Njaluvalele, co njalisingile ngwange, ‘Kumukakovela mu lifuti lije linjashakele kumyana ngeci vakahwiminemo!’ ”

VaHevelu 4:1

Ololo, Njambi natusezela cikulaeso ngeci tukakovele mukuhwima kuje kwendekele. Ngecivene, nyanyameni kutewa akati keni akakala umo kakakovela mukuhwima kuje kwanatukulaesa.

VaHevelu 4:10

Omwo woshe uje akakovela mukuhwima kuje kwakulaesele Njambi akahwima ku vipangi vyendi ngwe mwahwimine Njambi ku vipangi vyendi.

VaHevelu 4:3

Ngecivene, yetu tunakulaela, tukakovela mukuhwima kuje kwakulaesele Njambi. Ngwe mwendekele ngwendi, “Njaluvalele, co njalisingile ngwange, ‘Kumukakovela mu lifuti lije linjashakele kumyana ngeci mukahwiminemo!’ ” Ikeye wendekele evi nambe vipangi vyendi vyahwile tunde ku san̄ulu omo watangele kaye.

VaHevelu 4:8

Nga Yoshwa wahwimisile vanu, nga Njambi kemikile lalo litangwa likwavo kulutwe.

1 Petulu 2:10

A simbu imo kumwapwile vanu va Njambi, oloni ololo munapu mu vanu vendi, a simbu imo kumwazivukile mema ku mbunge ya Njambi, oloni ololo munawana kumizivila mema ku mbunge.

Kujombolola 14:13

Asinoni njazivile lijwi lyatundile mwilu lyendekele ngwalyo, “Soneka ngwove, vanavezika vatsi vaje vatsila muli Mwene kutunda ku lelo!” Munzinzime Wakujela wakumbulwile ngwendi, “Mwa vushunga vanavezika! Vakevo vakahwima ku vipangi vyavo vije vaundanganene, omwo fweto ya vipangi vyavo ikavakava.”

Kujombolola 21:4

Akasikumuna misozi yoshe ku mesho avo. Co kukukakala kutsa nambe vusiwa nambe kulila nambe kukemanga. Omwo vyuma vyalaja vineti.”