VaHevelu 4:8 - Livulu lya Shukulu Kalunga

⁸ Nga Yoshwa wahwimisile vanu, nga Njambi kemikile lalo litangwa likwavo kulutwe.

VaHevelu 4:8 Iomraidhean Croise

1 Mizimbu 7:27

Elishama wakitile Nune, Nune wakitile Yoshwa.

Myaso 105:44

Wavanene mafuti a vanu va miyati yeka, co wavanene lalo mahya avo.

Myaso 78:55

Ikeye washekelemo vavenya lifuti omo vanu vendi vakele nakuya kulutwe, co wapangezelele lifuti lyavo akati ka miyati ya Isalele, nakwana membo avo ku vanu vendi.

Vilinga vya Miluwa 7:45

Munima yevi, vakukulwila vetu vaje vatambwile mbalaka kuli vaishavo vayambatele omo vaile na Yoshwa nakutambula lifuti ku miyati ije yashekelemo Njambi omo vakele nakuya kulutwe. Ngecivene, cakele kuje noo a simbu ya Ndaviti.

Kwituluka mu Mashiko 12:9

Omwo kanda mucikovele nakushwana lifuti lije lyalinakumyana Shukulu Kalunga Njambi yeni ngeci mukahwime nakuyoya mu kwoloka.

Kwituluka mu Mashiko 25:19

Ngecivene, omo Shukulu Kalunga Njambi yeni akamyana lifuti lije nakulishwana nakumihwimisa ku vitozi veni voshe vaje vakamizengeleka, co mukanyongesa vaAmaleke voshe ngeci kesi kukakale umo akavanuka lalo. Kesi mukevale embwe.

VaHevelu 1:1

Ku san̄ulu Njambi wendekele kuli vakukulwila vetu ali vaka-kwimanena visimbu vyavingi na mu vingila vyeka na vyeka,

VaHevelu 4:9

Nameme ngoco anga kunasala vanu va Njambi vahwime lumo ngwe mwahwimine Njambi a litangwa lyamucitanu na avali.

Yoshwa 1:15

kuvanga noo vanatambula lifuti lije lili mu kangombe ka yambi ya Yondau lije lyanavana Shukulu Kalunga Njambi yeni. Omo vanashwana laja lifuti lije lyanavana Shukulu Kalunga Njambi yeni, asinoni mukeluka nakutunga muno mu lifuti lyeni mu ngangela ya Yondau, eli lyamyanene Mosesa ngamba ya Shukulu Kalunga.”

Yoshwa 11:23

Ngecivene, Yoshwa wafungulwile lifuti lyoshe ngwe muje mwashikile Shukulu Kalunga kuli Mosesa. Yoshwa walyanene kuli vaIsalele kupwa vushwana vwavo, co wavapangezelelelyo mu mitambela yavo na mu miyati yavo. Co kukwakele nzita.

Yoshwa 22:4

Co ololo, Shukulu Kalunga Njambi yeni naana kwoloka kuli vandolome veni vaIsalele ngwe muje mwamikulaesele. Ngecivene, ilukeni kwimbo ku lifuti lije limwalombele kupwa vushwana vweni, lifuti lya mu ngangela ya Yondau, lije lyamyanene Mosesa ngamba ya Shukulu Kalunga.

Yoshwa 23:1

Co capwile ngeci omo kwetile matangwa amangi, Shukulu Kalunga wahwimisile Isalele ku vitozi vavo vaje vavazengelekele. A simbu ije Yoshwa te nakuluvala laja,