VaHevelu 4:16 - Livulu lya Shukulu Kalunga

¹⁶ Ngecivene, tupweni vaka-kusimpa, akushwenya ku litanda lya Njambi, tukatambule mema ku mbunge na kutetela kuje akatukwasa omo tunajeneka.

VaHevelu 4:16 Iomraidhean Croise

1 Mizimbu 28:11

Ndaviti waanene Solomoni vutumbe vwoshe vwakutunga Njuvo ya Shukulu Kalunga, na milili yakutulikila, na milili ikwavo, na Mwela Wakujela Manene, muje mwakusambesela vuvi.

Isaya 27:11

Omo minango ya miti ijujwama nakupokozoka, co vanakazi vaikungulula nakuyipwisa vitale. Oloni vanu vavo vapwa vikolokomba ngeci Njambi uje wavatangele kakavazivila mema ku mbunge nambe kuvazivilako ngozi.

VaLevi 16:2

Co Shukulu Kalunga wendekele ngwendi, “Leka ndolome yove Alone ngwove, kuvanga a simbu ije lika vemika ikeyo yakaita kunima ya livamba mukukovela mu Mwela Wakujela Manene, omwo muje mukemwo munjikasholokela mu lishelwa akamwa ya cifwiko ca Cikasa ca Cikumiiyo. Nga kononoka, co akatsa.

Efeso 2:18

Ali Kilistu yetu voshe, vaYunda na vaje kesi vaYunda, tunasa kwija mu Munzinzime umolika ku mesho a Tate.

Efeso 3:12

Akukala muli ikeye na akukulaela kwetu muli ikeye, twasa kuya ku mesho a Njambi nakusimpa kwoshe.

VaHevelu 13:6

Ngecivene, tupweni vaka-kusimpa nakwendeka ngwetu, “Shukulu Kalunga ikeye mukwasi wange, co kunjizivi lyova. Munu asa kunjilinga vikajo?”

VaHevelu 3:6

Oloni Kilistu wapwile wa kulongwa ngwe Mwana ashika vya mu njuvo ya Njambi. Yetu tunapu njuvo yendi nga tukakateya nakusimpa nakutakamesa kwetu mu vije tuli navyo na cinyangavili.

VaHevelu 7:19

Omwo Lishiko lya Mosesa kulyasele kupanga cuma cacivwa. Co ololo tuli na cinyangavili cacivwa cije vanatunenelaco a cikeco twasa kushwenya kuyehi na Njambi.

VaHevelu 7:25

Co asa kwamena vaje vaija kuli ikeye, omwo ayoya ku myaka yoshe mukuvaakwila.

VaHevelu 9:5

Co akamwa ya Cikasa akele vakelumbi vaje vapwile vaka-kwimanena vumpau vwa ku mesho a Njambi, co na mambava avo akujangumuka akamwa ya mutambela wakusambesela vivi. Oloni ino kesi ikeyo simbu yakunungulula vyuma vyoshe cimo na cimo.

1 Petulu 2:10

A simbu imo kumwapwile vanu va Njambi, oloni ololo munapu mu vanu vendi, a simbu imo kumwazivukile mema ku mbunge ya Njambi, oloni ololo munawana kumizivila mema ku mbunge.