VaHevelu 4:15 - Livulu lya Shukulu Kalunga

¹⁵ Omwo kutwesi na Muka-kukombelela Wakama uje kasa kututetela kukuzeya kwetu, oloni a cuma eci vene, tuli na Muka-kukombelela Wakama uje ivesekele mu vingila vyoshe ngwe yetu lalo, oloni kalingile vuvi.

VaHevelu 4:15 Iomraidhean Croise

Kutuuka 23:9

“Kesi mupangese muka-kwija mwamuvi, mwazivuka vati muka-kwija akalizivi mu mbunge yendi, omwo neni mwapwile vaka-kwija mu Ingito.

Isaya 53:9

Vamwakele mu mbumbo amo na vaka-vuvi, vamutsindile amo na vaka-kufuka, nameme ngoco kakele na mulonga wai, nambe kwendeka makuli.”

Hoziya 11:8

“Vatijo njasa kukwecelela, Isalele? Vatijo njasa kukumbila kuti? Kuma njasa kuminyongesa ngwe munjanyongesele Andema ndi? Nambe kumipangesa ngwe munjapangesele Zemboime ndi? Mbunge yange kuyikanjitavesa kucilinga! Cizemo cange kuli yeni cinapu cakama manene.

Mateo 12:20

Kakapokola lihongo lyakutepama, nambe kuzima mulangi wakutsitsivala mu ndeya. Akamona ngeci vushunga vunahyana vuvi.

Mateo 4:1

Asinoni Munzinzime watwalele Yesu mu mambo ngeci Liyavola akamweseke.

Luka 22:28

“Yeni munakala nange mu tuyando twange twoshe,

Luka 4:2

kuje Liyavola wakamweseke matangwa makumi awana. A simbu ije yoshe Yesu kalile cuma cimo cai, omo matangwa aje ahwile, co wazivile njala.

Yowano 8:46

Iyajo akati keni anjihisa a vuvi? Nga njendeka vushunga, omwo vika kumunjikulaela?

Loma 8:3

Omwo cije Lishiko kucasele kulinga, omwo vusitu vwapwile vwakuzeya, Njambi wacilingile. Wahisile vuvi mu vusitu akutuma Munendi, uje wezile mu cifwa ngwe cifwa cetu ca vusitu, mukutundisa vuvi.

2 Kolinte 5:21

Kilistu kalingile vuvi, oloni Njambi wamupwisile vuvi omwo yetu, co akukala muli ikeye, vanatupwisa vaka-vushunga vwa Njambi.

VaHevelu 4:14

Ngecivene, tukakateyeni kukukulaela oku tunatava. Omwo tuli na Muka-kukombela Wakama uje ali ku mesho a Njambi, ikeye Yesu Muna Njambi.

VaHevelu 5:2

Omwo ikeye nendi wapwa wakuzeya mu vingila vyavingi, ngeci napu mukalyovwa-ovwa mukukwasa vaje vali ku vinzimba vaka-kuvulumuna milonga.

VaHevelu 7:26

Ngecivene, Yesu wapwa Muka-kukombelela wakama uje amona ngwe kujeneka kwetu. Wapwa wakujela, muli ikeye kumwesi mulonga nambe vuvi, vanamutundisa mukati ka vanu vaka vuvi, co vamusangwile nakumutwala mwilu.

VaHevelu 9:28

Mu cifwa eci vene, Kilistu lalo walyanene mukulikombelela lumo mukutundisa vivi vya vavangi. Akajomboloka simbu yamucivali, kesi lalo akendeka a vuvi embwe, oloni mukwovola vaje vanamuvandamena.

1 Petulu 2:22

Ikeye kalingile vuvi, co lalo naumo wai wazivile makuli atunda mu kanwa kendi.

1 Yowano 3:5

Mwazivuka ngweni Kilistu washolokele ngeci atundise vivi, co muli ikeye kumwesi vuvi navumo vwai.