VaHevelu 4:11 - Livulu lya Shukulu Kalunga

¹¹ Ngecivene, tutakameni ngeci tukatambule kuhwima kuje, moneni ngeci naumo wai wetu onwe ngwe muvalingile vakevo omwo kuvakulaelele.

VaHevelu 4:11 Iomraidhean Croise

Mateo 11:12

Kutunda ku matangwa a Yowano Muka-kumbwitika kweta na ku lelo, Vumwene vwa mwilu vanakala nakuvulwisa, co vaka-muuka vavutambula na nzili.

Mateo 7:13

“Koveleni mu cikolo cacindondo, omwo cikolo cakama na ngila yakujanjavala viya kukunyongesa, co vavangi valinakuyamo.

Luka 13:24

“Licikinineni mukovele mu cikolo cacindondo, omwo mwa vushunga vavangi vakashaka kukovelamo oloni kuvakasa.

Luka 16:16

“Lishiko lya Mosesa na visoneka vya vaka-kwimanena vyakele na nzili kweta a simbu ya Yowano Muka-kumbwitika, oloni tunde a simbu ije Vin̄anda Vyavivwa vya Vumwene vwa Njambi valinakuvyambulula, co munu na munu alinakulicikinina ngeci akakovelamo.

Yowano 6:27

Kesi mupangele vyakulya vije vikavola, oloni pangeleni vyakulya vya mwonyo wa myaka yoshe. Evi vikevyo vyakulya vije vyakamyana Muna Munu, omwo Njambi, Ishe, namwaka cimweso cakumutava.”

Vilinga vya Miluwa 26:19

“Ngecivene, Mwene Angilipa, njononokele cimona cije njamwene catundile mwilu.

Efeso 2:2

A simbu ije mwakavangeyeye vingila vya vuvi vwa ano a kaye, mwononokele ku mwene wa vushwana vwa mu mukambwila, ku munzinzime ou ololo alinakutwamenena vanu vaje kuvesi nakwononoka Njambi.

Efeso 5:6

Kesi mutave umo amikwise na majwi a makuli, omwo a vyuma evi vukalu vwa Njambi vukakala ali vaje vaka-kujeneka kumwononoka.

Filipu 2:12

Ngecivene, vasamba vange, ngwe simbu yoshe mwanjononokele omo njakele neni amo, mukemwo vene cuma cakama munapande kunjononoka nambe yange njiwaiko. Kakateyeni mu vipangi na lyova nakujaja ngeci mumanese kwovoka kweni,

Kolose 3:6

Omwo a vyuma vya cifwa cangacije vukalu vwa Njambi vukashuluka ali vaje kuvesi kumwononoka.

Tito 1:16

Vendeka ngwavo vazivuka Njambi, oloni ku vipangi vyavo vanamuvyana. Vakevo vanapu vaka-kumuzinda na vaka-kujeneka kumwononoka, co kuvapandelemo mukulinga vyuma vyavivwa.

Tito 3:3

Omwo yetu lalo twapwile tu vilema, vaka-kujeneka kwononoka, nakulinga mwamuvi. Twapwile tu vindungo va mashungu na senga yakuliseza-seza. Twombilile simbu yetu mu vyuma vya muuka na nuna, vakwetu vatuzindile, co netu twavazindile.

VaHevelu 3:12

Vakwetu vaka-kukulaela, nyanyameni ngeci mukati keni kesi mukale umo ali na mbunge yaivi yakujeneka kukulaela ngeci atunde kuli Njambi wakuyoya.

VaHevelu 3:18

Omo Njambi walisingile ngwendi, “Nalumo lwai vakakovela mu lifuti lije njinesi kuvana ngeci vahwiminemo.” Wendekele kuli veyajo? Wendekele kuli vaje vamutengulukilile.

VaHevelu 4:6

Vaje vazivile Vin̄anda Vyavivwa akulivanga kuvakovelele mukuhwima omwo kuvakulaelele. Ngecivene, kuli veka oni vanavatavesa kukovelamo.

VaHevelu 6:11

Sholovya yetu inapu yakama ngeci munu na munu akati keni acitwaleo na lukakateya noo na ashongo, ngeci vyuma vyoshe vimulinavyo na cinyangavili vikapwe vya vushunga.

Yoshwa 7:3

Co velukile kuli Yoshwa nakumuleka ngwavo, “Kukwapandele kuya mashwalale vavangi nakulwa ku Ayi embwe. Oloni tumeniko mashwalale 2,000 nambe 3,000 kunau. Kesi mutumeko mashwalale voshe nakulwa embwe, omwo vanu vavandondo lika valiko.”

2 Petulu 2:6

Njambi wahisile vinganda vya Sondoma na Ngomola, wavinyongesele na tuhya, co wavipwisile cimweso ali vije vikalingiwa kuli vaka-vuvi.