VaHevelu 3:5 - Livulu lya Shukulu Kalunga

⁵ Mosesa wapwile wa kulongwa mu njuvo ya Njambi ngwe ngamba, co wendekele vyuma vije vyakendeka Njambi kulutwe.

VaHevelu 3:5 Iomraidhean Croise

Nehemiya 9:14

Wavalongesele kunyunga Litangwa Lyakuhwima kupwa litangwa lyakujela, co muli ngamba yove Mosesa, wavanene mashiko, na vilongesa.

Myaso 105:26

Njambi watumine ngamba yendi Mosesa, na Alone uje yaangwile.

Kutuuka 14:31

Omo vaIsalele vamwene nzili yakama ya Shukulu Kalunga yahyanene nayo vaka-Ingito, vakomokele Shukulu Kalunga nakukulaela kuli ikeye nakukulaela lalo muli ngamba yendi Mosesa.

Kutuuka 40:16

Mosesa walingile vyuma vyoshe ngwe muje mwamushikile Shukulu Kalunga.

Kulava 12:7

oloni kesi ngoco na ngamba yange Mosesa. Ikeye wapwa wa kulongwa, njinamwana moko ya vanu vange voshe va Isalele.

Mateo 24:45

“Iyajo napu ngamba wa kulongwa nakunyanyama? Ikeye uje shukulu yendi namusezela kunyunga vakwavo vangamba nakuvana vyakulya a simbu yaivwa.

Mateo 25:21

Shukulu yendi wamukumbulwile ngwendi, ‘Unalingi mwamuvwa manene, u ngamba wamuvwa wa kulongwa! Walongwele ku vyuma vyavindondo, ngecivene, njikakupwisa muka-kunyunga vimbongo vyavingi. Kovela mukuvwaelela kwa shukulu yove!’

Luka 12:42

Co Mwene wamukumbulwile ngwendi, “Iya napu ngamba wa kulongwa nakunyanyama? Ikeye uje shukulu yendi namusezela kunyunga njuvo yendi, nakwana vyakulya kuli vakwavo vangamba a simbu yaivwa.

Luka 24:27

Co Yesu washangumukile kuvanungulwila mu Visoneka vyoshe vyuma vije vendekele vyakutumbula ikeye, kushangumuka na mavulu a Mosesa nakutwala ku visoneka vya vaka-kwimanena voshe.

Luka 24:44

Co wavalekele ngwendi, “Evi vikevyo vyuma vije njamilekele omo njakele neni ngwange, vyuma vyoshe vije vasonekele mu Lishiko lya Mosesa, na mu visoneka vya vaka-kwimanena, na mu Myaso vyakunjitumbula yange vinapande kulingiwa.”

Yowano 5:39

Mulinakulilongesa Visoneka, omwo muyongola ngweni mu vikevyo muwanamo mwonyo wa myaka yoshe. Co visoneka evi vyambulula vukaleo vwange!

Vilinga vya Miluwa 28:23

Ngecivene, vemikile litangwa lyakuliwana na Paulu, co a litangwa lije mbunga yakama vezile kuje kwakele Paulu. Kutunda ku mutondo kweta ku cingwezi wavalumbunwinine muzimbu wendi wa Vumwene vwa Njambi, co wesekele kuvalumbunwina vukaleo vwa Yesu akuvaleka majwi a mu Lishiko lya Mosesa na majwi a mu visoneka vya vaka-kwimanena.

Vilinga vya Miluwa 7:37

Ou ikeye Mosesa uje walekele vanu va Isalele ngwendi, ‘Njambi akamitumina muka-kwimanena ngwe mwatumine yange, co akatunda akati keni vavenya.’

Loma 3:21

Oloni ololo ngila ya Njambi yakulingisa vanu ngeci vapwe vaka-vushunga ku mesho endi inasholoka. Kuyesi nacimo akulinga lishiko, nameme Lishiko lya Mosesa na vaka-kwimanena vaanene vukaleo vwalyo.

1 Kolinte 4:2

Cuma cishakiwako kuli vangamba vangacije cinapu eci, vakevo vanapande kupwa va kulongwa kuli shukulu yavo.

Kwituluka mu Mashiko 3:24

‘Yove Shukulu Kalunga wa Akamwa ya Vyoshe, njazivuka ngwange yove wanjisholwela lika vushangumukilo vwa nzili na vyuma vyakukomokesa vije viwukalinga. Co kukwesi njambi weka lalo mwilu nambe ano asi uje asa kulinga vyuma vya nzili ngwe viwukalingi!

Kwituluka mu Mashiko 34:5

Ngecivene, Mosesa, ngamba ya Shukulu Kalunga, watsililile kuje ku lifuti lya Mowavi, ngwe vene muje mwendekele Shukulu Kalunga.

1 Timateo 1:12

Njikandelela kuli Kilistu Yesu Mwene yetu, uje nanjitakamesa mu vipangi vyange. Njimukandelela omwo akunjiyongwela ngeci njinapandemo nakunjimika kumupangela,

VaHevelu 1:1

Ku san̄ulu Njambi wendekele kuli vakukulwila vetu ali vaka-kwimanena visimbu vyavingi na mu vingila vyeka na vyeka,

VaHevelu 3:2

Wapwile wa kulongwa kuli Njambi, uje yangwile kulinga vipangi evi, ngwe Mosesa lalo wapwile wa kulongwa mu vipangi vyendi vyoshe vya mu njuvo ya Njambi.

VaHevelu 3:4

Mwa vushunga, njuvo yoshe vaitunga kuli munu, oloni Njambi ikeye muka-kutunga vyuma vyoshe.

VaHevelu 8:5

Vipangi vivalingile ngwe vaka-kukombelela vyapwile vene ngwe kutembunwina munzinze wa vije vili mwilu. Vije vinapu cifwa cimo vene ngwe mwalingile Mosesa. Omo washimbikile Mbalaka ya Cikumiiyo Njambi wamulekele ngwendi, “Kenga unapande kulinga vyoshe ngwe ku seteko vakumwesele ku munkinda.”

VaHevelu 9:24

Omwo Kilistu kakovelele mu Mwela Wakujela wakutunga kuli vanu embwe, uje vatembunwinine ku uje wa vushunga. Ikeye waile mwilu, kuje nasholoka mukutwimanena ku mesho a Njambi.

Yoshwa 1:15

kuvanga noo vanatambula lifuti lije lili mu kangombe ka yambi ya Yondau lije lyanavana Shukulu Kalunga Njambi yeni. Omo vanashwana laja lifuti lije lyanavana Shukulu Kalunga Njambi yeni, asinoni mukeluka nakutunga muno mu lifuti lyeni mu ngangela ya Yondau, eli lyamyanene Mosesa ngamba ya Shukulu Kalunga.”

Yoshwa 1:2

“Ngamba yange Mosesa natsi, ngecivene, ololo livwaese, katuka yove na vanu va Isalele voshe, ngeci mujavuke Ndonga ya Yondau muye mu lifuti lije linjikavana.

Yoshwa 1:7

Oloni kolesa lika nakusimpa manene, unyunge mashiko oshe aje akushikile ngamba yange Mosesa. Kesi ukalimbulule nambe litambelo limo, ngeci ukavezike mwamuvwa kwoshe kuje kuukaya.

Yoshwa 8:31

Ikeye wautungile ngwe ku mashiko aje aanene Mosesa ngamba ya Shukulu Kalunga kuli vaIsalele, ngwe muvanasoneka mu Livulu lya Mashiko lya Mosesa ngwavo, “Mukatunga mutula wakulinga na mamanya akujeneka kushonga na cikuvo.” Akeo uvakombelelele vin̄ombelo vya kwenyeka kuli Shukulu Kalunga, nakukombelelao lalo vin̄ombelo vya kulitombola.

Yoshwa 8:33

Co vaIsalele, na vantwama vavo, na vamyata vavo, na maako vavo, na vaka-kwija vaje vakele akati kavo, vemanene ku mitambela ivali ya Cikasa ca Cikumiiyo ca Shukulu Kalunga, nakukenga shwii kuli vaLevi vaka-kukombelela vaje vambatele Cikasa. Co litambelo lya vanu vakengesele vinima vyavo ku Munkinda wa Ngelizime, co litambelo likwavo vakengesele vinima vyavo ku Munkinda wa Evale ngwe muje Mosesa ngamba ya Shukulu Kalunga wavashikile kulinga omo simbu yetele ngeci vanu va Isalele vatambule vivezikiso.

Kujombolola 15:3

co vakele nakwimba mwaso wa Mosesa, ngamba ya Njambi, na mwaso wa Muna Manga ngwavo, “Njambi Muka-nzili yoshe, vilinga vyove vinapu vyakama vyakukomokesa! Mwene wa miyati ya vanu, vilinga vyove vyapwa vyavivwa na vushunga!