VaHevelu 3:2 - Livulu lya Shukulu Kalunga

² Wapwile wa kulongwa kuli Njambi, uje yangwile kulinga vipangi evi, ngwe Mosesa lalo wapwile wa kulongwa mu vipangi vyendi vyoshe vya mu njuvo ya Njambi.

VaHevelu 3:2 Iomraidhean Croise

Kutuuka 40:16

Mosesa walingile vyuma vyoshe ngwe muje mwamushikile Shukulu Kalunga.

Kulava 12:7

oloni kesi ngoco na ngamba yange Mosesa. Ikeye wapwa wa kulongwa, njinamwana moko ya vanu vange voshe va Isalele.

Yowano 15:10

Nga mwononoka mashiko ange, mukakala mu cizemo cange, ngwe omo njononoka mashiko a Tate, co njili mu cizemo cendi.

Yowano 17:4

Njinasholola vumpau vwove ano asi, co njinamanesa vipangi vije viwanjanene ngeci njivilinge.

Yowano 7:18

Uje endeka na moko yendi vavenya ashaka kuwana kasingimiko kendi ikeye vavenya. Oloni uje ashaka kasingimiko ka uje wamutumine napu munu wa vushunga, co muli ikeye kumwesi makuli.

Yowano 8:29

Co uje wanjitumine ali amo nange, kanjisezele ange lika embwe, omwo simbu yoshe njikalingi vije vimuvwaelelesa.”

Efeso 2:22

Muli ikeye neni lalo valinakumitunga mumo na vakweni veka ngeci mupwe njuvo ya Njambi ali Munzinzime wendi.

Kwituluka mu Mashiko 4:5

“Njinamilongesa mashiko oshe, ngwe muje mwanjishikile Shukulu Kalunga Njambi yange ngeci mukawononoke mu lifuti lije limukakovela nakulishwana.

1 Timateo 1:12

Njikandelela kuli Kilistu Yesu Mwene yetu, uje nanjitakamesa mu vipangi vyange. Njimukandelela omwo akunjiyongwela ngeci njinapandemo nakunjimika kumupangela,

1 Timateo 3:15

Oloni nga njishwala, ou mukanda ukewo wakumileka ngeci muzivuke vati futisi yetu inapande kupwa ku vanu mu naanga ya Njambi, ikeyo cikungulukilo ca Njambi wakuyoya, manda na vwimaneno vwa vushunga.

VaHevelu 2:17

Ngecivene, camupandele mu vyoshe alipwise mumolika na vakwavo, ngeci apwe Muka-kukombelela Wakama wa kulongwa na kutetela mu vipangi vyendi ku mesho a Njambi, ngecivene, vuvi vwa vanu vakavusambese.

1 Samwele 12:6

Co Samwele wendekele lalo ngwendi, “Shukulu Kalunga ikeye waangwile Mosesa, na Alone vaje vatundisile vakukulwila veni ku Ingito.