VaHevelu 3:14 - Livulu lya Shukulu Kalunga

¹⁴ Omwo tunatambula kuli Kilistu nga tukakateya na ku shongo kusimpa kuje twakele nakwo akulivanga.

VaHevelu 3:14 Iomraidhean Croise

Loma 11:17

Oloni nga minango imo ya ku muti wa olive wakukuna vanaijokolako, co munango wa olive wa mu shwata vanaunungilako. Yeni kesi mu vaYunda munapu ngwe uje muti wa olive wa mu shwata, co ololo munalipangela yoyesi yaivwa ya munzinzime ya vaYunda.

Loma 11:22

Ano tumona cizemo ca Njambi nakukaluwa kwendi. Ikeye napu muka-kukaluwa kuli vaje vanau, oloni napu muka-cizemo kuli yeni, nga mutwalao mu cizemo cendi. Oloni nga kumulingimo, co neni lalo vakamijokolako.

1 Kolinte 1:30

Oloni Njambi namyaka amo muli Kilistu Yesu, co Njambi napwisa Kilistu mana etu. Ali ikeye tunapu vaka-vushunga ku mesho a Njambi, tunapu vana va Njambi vakujela, co vanatupatula.

1 Kolinte 10:17

Omwo kuli likende limolika, yetu voshe, nambe tunapu tuvavangi, tunapu muvila umolika, omwo tulinakulipazwila likende limolika.

1 Kolinte 9:23

Njilinga evi vyoshe omwo muzimbu wauvwa, ngeci tuwanenemo vivezikiso muli ukewo.

Efeso 3:6

Cisin̄iko cije cinapu eci, ngeci a lijwi lya muzimbu wauvwa vaje kesi vaYunda ololo vali na mutambela amo na vaYunda mu vivezikiso vya Njambi, vakevo vanapu vilyo vya muvila umo nakulipangela mu cikulaeso ca Njambi cije calingile ali Kilistu Yesu.

Kwituluka mu Mashiko 1:35

‘Mwa vushunga naumo wai wa ali vanu ava va cisemwa eci ca vuvi akakovela mu lifuti lije lyalivwa lije linjakulaesele kulyana kuli vakukulwila vavo.

1 Timateo 6:2

Vindungo vaje vanakundama kuli vashukulu yavo vaje vanapu vaka-Yesu kesi vavayeluwise omwo vakevo vanapu vakwavo. Mu ngila eyi vene, vanapande kuvapangela mwamuvwa, omwo vaje vavezika ku vipangi vyavo vanapu vaka-kukulaela vaje vavazema. Unapande kulongesa nakwambulula vyuma evi.

VaHevelu 11:1

Akukulaela tukala na vushunga vwakuzivuka ngeci tukatambula vyuma vije tulinakukengelela, nakutava vyuma vije kanda tumone.

VaHevelu 12:10

Vatatetu va cisemwa ca ano asi vatunyanyamesa kasimbu kakandondo lika, ngwe mucinasholoka vushunga ku mesho avo, oloni Njambi alinakucilinga ngeci tupwe vakujela tukalipangele vumpau vwendi.

VaHevelu 3:1

Vakwetu muli Yesu, vaje vasanene Njambi! Yongoleni ali Yesu, uje yatumine Njambi kupwa Muka-kukombelela Wakama kukukulaela kuje tunatava.

VaHevelu 3:6

Oloni Kilistu wapwile wa kulongwa ngwe Mwana ashika vya mu njuvo ya Njambi. Yetu tunapu njuvo yendi nga tukakateya nakusimpa nakutakamesa kwetu mu vije tuli navyo na cinyangavili.

VaHevelu 6:11

Sholovya yetu inapu yakama ngeci munu na munu akati keni acitwaleo na lukakateya noo na ashongo, ngeci vyuma vyoshe vimulinavyo na cinyangavili vikapwe vya vushunga.

VaHevelu 6:4

Vatijo vasa kwiluka vaje vatundile kukukulaela ngeci vatenguluke lalo nakulitavela? Vaje vakele na ceke ca Njambi, voshe vaje vamakelele ku vwana vwa mwilu, co vatambwile Munzinzime Wakujela,

1 Petulu 4:13

Oloni joleleni omwo mulinakulipangela tuyando twa Kilistu, ngeci mushule nakujolela omo vumpau vwendi vukasholoka.

1 Petulu 5:1

Yange, akupwako nange lalo nji mukulunu, njilambelela vakulunu va cikungulukilo akati keni. Njinapu nji mukaleo wa tuyando twa Kilistu, co nange njikatambula mutambela wa vumpau vuje vukasholoka. Njimilambelela ngwange,

1 Yowano 1:3

Vije tunamono nakuziva tulinakumilekavyo lalo, ngeci mulipandakane amo netu mu kulitombola kuje tulinakwo na Tate na Munendi Yesu Kilistu.