VaHevelu 3:11 - Livulu lya Shukulu Kalunga

¹¹ Njaluvalele, co njalisingile ngwange, ‘Kumukakovela mu lifuti lije linjashakele kumyana ngeci vakahwiminemo!’ ”

VaHevelu 3:11 Iomraidhean Croise

Myaso 106:26

Ngecivene, Shukulu Kalunga walisingile nakwolola livoko lyendi, ngwendi vanapande kutsila mu mambo,

Myaso 95:11

Njaluvalele, co njalisingile ngwange, ‘Kumukakovela mu lifuti lije linjashakele kumyana ngeci mukahwiminemo.’ ”

Kulava 14:25

Ilukeni imene muye mu mambo ku mutambela wa Linema lya Akava.”

Kulava 14:35

Njilisinga ku mbunga eyi yaivi, voshe vananjikungulukila muno mu mambo nakunjilwisa. Voshe vakanyongelamo, co mukemwo lalo muvakatsila. Yange Kalunga, njinendekamo.’ ”

Kwituluka mu Mashiko 2:14

Ngecivene, kutunda a simbu ije twatundile ku Kandeshe Mbaleneya kweta a simbu ije twajavukile Ndonga ya Zelende yapwile myaka makumi atatu na itanu na itatu, noo cisemwa coshe ca vanalume vaje vaka-kulwa nzita vanyongele ngwe muje mwalisingile Shukulu Kalunga kuli vakevo.

VaHevelu 4:3

Ngecivene, yetu tunakulaela, tukakovela mukuhwima kuje kwakulaesele Njambi. Ngwe mwendekele ngwendi, “Njaluvalele, co njalisingile ngwange, ‘Kumukakovela mu lifuti lije linjashakele kumyana ngeci mukahwiminemo!’ ” Ikeye wendekele evi nambe vipangi vyendi vyahwile tunde ku san̄ulu omo watangele kaye.

VaHevelu 4:5

Evi vin̄anda vavyendekele lalo ngwavo, “Kumukakovela mu lifuti lije linjashakele kumyana ngeci mukahwiminemo.”

VaHevelu 4:9

Nameme ngoco anga kunasala vanu va Njambi vahwime lumo ngwe mwahwimine Njambi a litangwa lyamucitanu na avali.