VaHevelu 3:1 - Livulu lya Shukulu Kalunga

¹ Vakwetu muli Yesu, vaje vasanene Njambi! Yongoleni ali Yesu, uje yatumine Njambi kupwa Muka-kukombelela Wakama kukukulaela kuje tunatava.

VaHevelu 3:1 Iomraidhean Croise

Myaso 110:4

Shukulu Kalunga wakulaesele, co kakatengulula viyongola vyendi lalo, “Yove ukapwa muka-kukombelela ku myaka yoshe, ngwe vuka-kukombelela vwa Melekizendeki.”

Isaya 1:3

Vingombe vazivuka uje wavafuka, na vimulu vazivuka kuje akavalisila shukwainavo. Oloni vanu vange va Isalele kuvazivuka Shukulu yavo. Vanu vange kuvazivuka uje akavalisa.”

Isaya 41:20

Vanu vakacimona, nakuzivuka ngeci yange Kalunga, Njambi wakujela wa Isalele, njavitangele vyoshe.”

Isaya 5:12

Ku viwano vyeni kwakala tulyalya, na tumbulumbumba, na vimbendo, na vinyu. Oloni kumuzivuka vije vyalinakulinga Shukulu Kalunga,

Ezekiyele 12:3

“Ololo, muna munu, longekeya citele ngwe mwakalingi munu muka-kuliita, co ya omo kanda vutsiki vucete. Tava ngeci vanu voshe vakumone omo uya ku mutambela weka. Amo vaje vaka-tengulukila vakakumona.

Ezekiyele 18:28

Ananguka vije vyalinakulinga, co alikela kulinga vuvi, mwa vushunga kakatsi embwe, oloni akatwalao kuyoya.

Hangai 1:5

Kumwesi nakumona vije vilinakulingiwa ali yeni?

Hangai 2:15

Shukulu Kalunga alinakwendeka ngwendi, “Kumwamwene vije vinalingiwa kuli yeni? Simbu kanda mushangumuke kutungulula Njuvo yange,

Yowano 17:3

Co mwonyo wa myaka yoshe ukewo ou, ngeci vakuzivuke yove Njambi umolika wa vushunga, co nakuzivuka Yesu Kilistu, uje iwatumine.

Yowano 20:21

Yesu wendekele lalo kuli vakevo ngwendi, “Kwoloka kukale neni. Ngwe omo Tate wanjitumine, ngecivene, nange lalo njimituma.”

Yowano 20:27

Asinoni wendekele kuli Tomasi ngwendi, “Aka mulavo wove omu, co kenga ku mavoko ange, co olola livoko lyove ngeci ukwate ku vimati vyange. Kesi ulinge vimata, oloni kulaela lika!”

Vilinga vya Miluwa 1:15

Omo kwetile matangwa amandondo lika, co kwakele cikungulukilo ca vaka-kukulaela, voshe vapwile 120, co Petulu wemanene nakwendeka ngwendi,

Loma 11:17

Oloni nga minango imo ya ku muti wa olive wakukuna vanaijokolako, co munango wa olive wa mu shwata vanaunungilako. Yeni kesi mu vaYunda munapu ngwe uje muti wa olive wa mu shwata, co ololo munalipangela yoyesi yaivwa ya munzinzime ya vaYunda.

Loma 15:27

Vakevo vavenya vayongwele kulinga ngeci, oloni a n̄anda eyi, vakevo vali na likongo ngeci vavakwase. Omwo vaYunda vaaneneko vivezikiso vyavo vya munzinzime kuli vaje kesi vaYunda, co vaje kesi vaYunda vanapande kupangesa vivezikiso vyavo vya vufuko mukukwasa vaYunda.

Loma 15:8

Omwo njimileka ngwange Kilistu vamupwisile muka-kupangela vaYunda, mukusholola ngeci Njambi wapwa muka-vushunga, mukulingisa vikulaeso vyendi kuli vakukulwila vavo ngeci vipwe vya vushunga,

Loma 9:24

Omwo tunapu vanu vaje vasanene, kesi lika akati ka vaYunda embwe, oloni lalo na akati ka vaje kesi vaYunda.

1 Kolinte 1:2

Ku cikungulukilo ca Njambi cije cili mu Kolinte, kuli vaje voshe vavanasana ngeci vapwe vanu va Njambi vakujela, vaje vanakundama kuli ikeye amo na Kilistu Yesu, amolika na vanu voshe kwoshe-ikwoshe vaje vakalemesa Mwene yetu Yesu Kilistu, Mwene yavo na Mwene yetu.

1 Kolinte 10:17

Omwo kuli likende limolika, yetu voshe, nambe tunapu tuvavangi, tunapu muvila umolika, omwo tulinakulipazwila likende limolika.

1 Kolinte 9:23

Njilinga evi vyoshe omwo muzimbu wauvwa, ngeci tuwanenemo vivezikiso muli ukewo.

2 Kolinte 1:7

Ngecivene, cinyangavili cetu muli yeni cinakolo, omwo tunazivuka ngwetu, omo mulinakutambula tuyando amo netu, mukemwo lalo mulinakutambula kuzembeleka amo netu.

2 Kolinte 9:13

Co omwo vukaleo vuje vwa vipangi vyeni vunasholoka, vavangi vakana vumpau kuli Njambi omwo kulongwa kweni ku muzimbu wauvwa wa Kilistu, uje umunatava, na vungulu vweni mukulipangela navo na voshe veka lalo.

Efeso 3:6

Cisin̄iko cije cinapu eci, ngeci a lijwi lya muzimbu wauvwa vaje kesi vaYunda ololo vali na mutambela amo na vaYunda mu vivezikiso vya Njambi, vakevo vanapu vilyo vya muvila umo nakulipangela mu cikulaeso ca Njambi cije calingile ali Kilistu Yesu.

Efeso 4:1

Ngecivene, njilinakumisindiya, yange njinapu cinzinda omwo kupangela Mwene ngwange, yoyeleni a mwonyo uje unaliseteka na seteko ije yanamyakela Njambi omo wamisanene.

Efeso 4:4

Kuli muvila umo na Munzinzime umo, ngwe ngeci mukuli cinyangavili cimo kuje Njambi namisanena.

Filipu 3:14

Ngecivene, njilinakushatukila kulutwe nakushungama kuya ku mamaneselelo ngeci njikatambule cikandelela cije cinapu kusana kwa Njambi ali Kilistu Yesu ku mwonyo uli mwilu.

Kolose 1:12

Co nakujolela kandeleleni kuli Tate uje namilingisa ngeci mupwemo mu kukala na mutambela kuli vije Njambi natulikila vanu vendi mu vumwene vwa ceke.

Kolose 1:22

Oloni ololo, a kutsa kwa Munendi, Njambi namipwisa mu vasamba vendi, ngeci aminene ku mesho endi kupwa vanu vakujela nakulambasa nakujeneka mulonga.

Kolose 3:12

Yeni munapu vanu va Njambi, wamizemene, co wamyangwile kupwa mu vendi. Ngecivene, munapande kuzala lyovwa-ovwa, na ngozi, na kulilumbilisa, na vuvwa na lukakateya.

1 Tesalonika 2:12

Twamitakamesele, twamizembelekele, twamisindiiye kuyoya yoyesi ije ivwaelelesa Njambi, uje alinakumisana ngeci mulipangele amo Vumwene vwendi vavenya na vumpau.

1 Tesalonika 5:27

Njimilambelela na moko ya Mwene kulava mukanda ou ku mesho a vaka-kukulalela voshe.

2 Tesalonika 1:11

Eci cikeco cuma tulinakumilombelela simbu yoshe. Tulinakulomba Njambi yetu ngeci amipwise vaje vanapande mwonyo uje wamisanenene ngeci muyoyemo. Ashulise na nzili yendi lilaku-laku lyeni lyoshe lyalivwa nakumanesa vipangi vyeni vyakukulaela.

2 Tesalonika 2:14

Njambi wamisanene ngeci mulinge cuma eci a Vin̄anda Vyavivwa vije vitwambulwile kuli yeni, wamisanene ngeci mukafuke mutambela weni wa vumpau vwa Mwene yetu Yesu Kilistu.

1 Timateo 6:12

Lwa nzita yaivwa yakukulaela, nganyala mwonyo wa myaka yoshe, uje wakusanenene Njambi omo walitavelele ku mesho a vakaleo vavangi.

1 Timateo 6:2

Vindungo vaje vanakundama kuli vashukulu yavo vaje vanapu vaka-Yesu kesi vavayeluwise omwo vakevo vanapu vakwavo. Mu ngila eyi vene, vanapande kuvapangela mwamuvwa, omwo vaje vavezika ku vipangi vyavo vanapu vaka-kukulaela vaje vavazema. Unapande kulongesa nakwambulula vyuma evi.

2 Timateo 1:9

Ikeye watwovwele, co watusanene ngeci tupwe vanu vendi, kesi omwo a vilinga vyetu embwe, oloni omwo a vutumbe na a kutetela kwendi. Watwanene kutetela oku muli Kilistu Yesu ku simbu ya ku san̄ulu,

2 Timateo 2:7

Yongola a vyuma evi njilinakwendeka, omwo Mwene akakwana kuzivisisa kwa vyuma vyoshe.

VaHevelu 10:19

Ngecivene, vakwetu, twasa kukovela nakusimpa mu Mwela Wakujela Manene omo a kutsa kwa Yesu.

VaHevelu 10:21

Tuli na Muka-kukombelela Wakama ikeye ashika mu njuvo ya Njambi.

VaHevelu 10:23

Co tukakateyeni mbe ku cinyangavili cije tunatava, omwo tunakulaela ngwetu Njambi nanyungu cikulaeso cendi.

VaHevelu 13:22

Njilinakumilomba vakwetu, ngwange, tolilileni nakusimpa ku lijwi eli lyakumikolesa, ou mukanda njamisonekela kesi majwi amalaja embwe.

VaHevelu 2:11

Ikeye ajelesa vanu ku vuvi vwavo, co ikeye na vaje vanajelesa voshe vali na lshavo umolika. Ngeci Yesu kesi na shwamwa yakuvatumbula ngwendi vasamba vendi.

VaHevelu 2:17

Ngecivene, camupandele mu vyoshe alipwise mumolika na vakwavo, ngeci apwe Muka-kukombelela Wakama wa kulongwa na kutetela mu vipangi vyendi ku mesho a Njambi, ngecivene, vuvi vwa vanu vakavusambese.

VaHevelu 3:12

Vakwetu vaka-kukulaela, nyanyameni ngeci mukati keni kesi mukale umo ali na mbunge yaivi yakujeneka kukulaela ngeci atunde kuli Njambi wakuyoya.

VaHevelu 3:14

Omwo tunatambula kuli Kilistu nga tukakateya na ku shongo kusimpa kuje twakele nakwo akulivanga.

VaHevelu 6:20

kuje Yesu natutwamenako, co nakovelamo napu laja Muka-kukombelela Wakama wa ku myaka yoshe ngwe ku cifwa ca Melekizendeki.

VaHevelu 7:26

Ngecivene, Yesu wapwa Muka-kukombelela wakama uje amona ngwe kujeneka kwetu. Wapwa wakujela, muli ikeye kumwesi mulonga nambe vuvi, vanamutundisa mukati ka vanu vaka vuvi, co vamusangwile nakumutwala mwilu.

VaHevelu 7:28

Lishiko lya Mosesa linemika vanu vaje vakuzeya kupwa vaka-kukombelela vakama, oloni cikulaeso ca Njambi cije valingile na cisingo, cezile munima ya Lishiko, cinemika Mwana, uje vanapwisa muka-vushunga ku myaka yoshe.

VaHevelu 9:11

Oloni Kilistu naija laja Muka-kukombelela Wakama wa vyuma vyavivwa vije tulinavyo laja ano. Mbalaka muje alinakupangela yakama manene, co ikeyo yakujela, ikeyo kuvaitungile kuli vanu embwe, ikeyo kuyakundamene ku mutambela wakutanga wa kano kaye.

VaHevelu 9:15

Omwo cuma eci Kilistu ikeye navwaesa cikumiiyo caliha, ngeci vaje vanasana Njambi vakatambule vivezikiso vya myaka yoshe vije vyanavakulaesa Njambi. Eci casa kulingiwa omwo a kutsa kuje vemikile kwakupatula vanu vatunde ku kupenga-penga kuje valingile omo vakele mu cikumiiyo cakulivanga.

1 Petulu 2:9

Oloni yeni munapu muyati wakwangula, vaka-kukombelela va Mwene, muyati wakujela, vanu va Njambi vavenya, vanamyangula mukwambulula vikomokeso vya vilinga vya Njambi, uje wamisanene kumitundisa mu lisusulungu kuminena ku ceke cendi cakukomokesa.

1 Petulu 3:5

Omwo vanakazi va ku laja vaje vaakele cinyangavili cavo muli Njambi valyongozwelele vakevo vavenya akwononoka kuli vanalume vavo.

1 Petulu 5:1

Yange, akupwako nange lalo nji mukulunu, njilambelela vakulunu va cikungulukilo akati keni. Njinapu nji mukaleo wa tuyando twa Kilistu, co nange njikatambula mutambela wa vumpau vuje vukasholoka. Njimilambelela ngwange,

1 Petulu 5:10

Oloni omo munayanda kasimbu kakandondo lika, Njambi wa kutetela kwoshe, uje namisana mukulipangela vumpau vwendi vwa myaka yoshe muli Kilistu, ikeye vavenya akamijelesa nakumyana kwimana mbe na nzili na luvula lwaluvwa.

1 Yowano 1:3

Vije tunamono nakuziva tulinakumilekavyo lalo, ngeci mulipandakane amo netu mu kulitombola kuje tulinakwo na Tate na Munendi Yesu Kilistu.

Yunda 1:1

Mukanda wakutunda kuli Yunda, ngamba ya Yesu Kilistu, ikeye lalo ndolome ya Yakomba. Kuli vaje vavanasana kuli Njambi, vaje vayoya mu cizemo ca Njambi Tate namukunyunga kwa Yesu Kilistu.

Kujombolola 17:14

Vakalinga nzita na Muna Manga, oloni Muna Manga amolika na vaje vendi vanasana, vakwangula, vaka-kumukava va kulongwa, akavafungulula, omwo ikeye napu Shukulu ya vashukulu na Mwene ya vimyene.”

Kujombolola 18:20

“Lilu vwaelela, omwo nau! Yeni vanu va Njambi vwaeleleni, neni miluwa na vaka-kwimanena! Omwo Njambi namuhisa a vije vyalingile kuli yeni!”