VaHevelu 2:3 - Livulu lya Shukulu Kalunga

³ Ngecivene, vatijo tukaputumuka ku vyuma evi nga kutwakele vimbunge vyetu ku kwovoka kwakama kwa ngacije? Akulivanga Mwene ikeye wambulwile kwovoka oku, co vaje vazivileko vasholwele kuli yetu ngeci vukaleo ovu vunapu vwa vushunga.

VaHevelu 2:3 Iomraidhean Croise

Isaya 12:2

Njambi ikeye muyoyesi wange, njikamukulaela kunjikazivi lyova. Omwo Shukulu Kalunga ikeye nzili yange, na mwaso wange. Co napu muyoyesi wange.

Isaya 20:6

Omo vyuma evi vikalingiwa, vanu vaje vatungila ku ngenge ya ndonga ya mema a kalunga ya Filisitiya vakendeka ngwavo, ‘Kengeni vije vinalingiwa ku vanu vaje twajendamenene ngeci vatunyunge kuli mwene wa Asilya! Twasa kuyoya vatijo?’ ”

Isaya 51:5

Mafuti a kulyala anavandamena na cinyangavili kwija kwange mukuvamena. Njikaija vwasi-vwasi mukwamena nakushika mafuti.

Isaya 51:8

vakahwa njwa ngwe vuzalo vwakuliwa ku tunembulu! Oloni kwamena kwange kukapwa kwa myaka yoshe, kuhyana kwange kukakala visimbu vyoshe.”

Isaya 62:11

Shukulu Kalunga alinakwendeka ku vanu voshe va mu kaye ngwendi, “Lekeni vanu va Yelusalema ngweni, Shukulu Kalunga alinakwija nakwovola nganda ya Siyone, nakwana vanu vamwo cikandelela.”

Ezekiyele 17:15

Oloni mwene wa mu Yunda watengulukilile Mbambilone, co watumine tutumwa twendi ku Ingito kukashaka tuvalu, na mbunga ya mashwalale yakama. Kuma asa kuhyana ndi? Kuma asa kupatuka akulinga ngacije ndi? Kasa kupokola cikumiiyo kujeneka kumunyanyamesa!

Ezekiyele 17:18

Wapokwele cikumiiyo cendi na lizivasano lije lyalingile. Walingile vyuma vyoshe evi, co ololo kasa kuputumuka embwe.”

Mateo 23:33

Eni manyoka na vana va manyoka! Vatijo mutewa kusompa kwakuya ku tuhya twa myaka yoshe?

Mateo 4:17

Kutunda a simbu ije Yesu washangumukile kwambulula ngwendi, “Tengulukeni mu vimbunge vyeni ngeci mutunde ku vuvi, omwo Vumwene vwa mwilu vuli muyehi.”

Mako 1:14

Omo Yowano vanamwaka laja mu kamenga, Yesu waile ku Ngalileya nakwambulula Vin̄anda Vyavivwa vya Njambi.

Luka 1:2

Vasonekele vije vatulekele vaje vamwene vyuma evi, tunde akushangumuka, vaje vambulwile lijwi.

Luka 1:69

Natwana Muyoyesi wa nzili, mutekulwila wa ngamba yendi Ndaviti.

Luka 24:19

Co wavehwile ngwendi, “Vyuma muka?” Vamukumbulwile ngwavo, “Vya ali Yesu wa ku Nazaleta. Munalume ou wapwile muka-kwimanena, co Njambi na vanu voshe vamuyongwele kupwa muka-nzili mu vyuma vyoshe wendekele na vije vyalingile.

Yowano 15:27

Co neni lalo mukapwa vakaleo vange, omwo munakala amo nange tunde akulivanga.

Vilinga vya Miluwa 1:22

kushangumuka ku simbu ije Yowano wambulwile muzimbu wendi wakumbwitika nakweta ku litangwa lije vatundisile Mwene Yesu kuli yetu nakuya mwilu.”

Vilinga vya Miluwa 2:22

“Tolilileni ku majwi awa, yeni vakwetu vaIsalele! Yesu wa ku Nazaleta wapwile munalume uje moko yendi ya vuNjambi yasholwele mwamuvwa kuli yeni vikomokeso na vizivukiso vije vyalingile Njambi muli ikeye. Yeni vavenya mwazivuka evi, omwo vyuma evi vyalingiwile akati keni.

Vilinga vya Miluwa 4:12

Kutwasa kuwana kwovoka muli weka lalo embwe, omwo kukwesi lizina lyeka muno mu kaye lyanaana Njambi ku vanu litunapande kwovokelamo.”

Loma 11:14

Amo njasa kulingisa vanu va ku muyati wange lifuwa, ngeci njase kwamenako vamo.

Loma 2:3

Oloni yove musamba wange, ulinga vyuma vije uhisila vakweni! Wayongola ngwove wasa kuputumuka kuhisa kwa Njambi ndi?

1 Kolinte 1:21

Omwo Njambi mu mana endi nalingisa vanu ngeci kesi vamuzivuke mu mana avo. Oloni mu ngila eyi ya muzimbu vatumbula ngwavo wa “vulema” tulinakwambulula, Njambi wayongwele kwamena vaje vakulaela.

1 Tesalonika 5:3

Omo vanu vendeka ngwavo, “Vyuma vyoshe vili mwamuvwa kunoloka kuluu,” asinoni vwasi-vwasi kunyonga kuvawana! Kukaija vwasi-vwasi ngwe mushongo ali munakazi ashaka kukita, co vanu kuvakasa kuputumuka.

1 Timateo 1:15

Lijwi eli linapu lya vushunga, ngeci valitambule nakulikulaela, Kilistu Yesu wezile mu kaye mukwovola vaka-vivi. Kuli voshe ava yange njinahyana manene.

Tito 2:11

Omwo Njambi nasholola kutetela kwendi mukwamena vanu voshe.

VaHevelu 1:1

Ku san̄ulu Njambi wendekele kuli vakukulwila vetu ali vaka-kwimanena visimbu vyavingi na mu vingila vyeka na vyeka,

VaHevelu 1:14

Tungelo vapwa vikajo? Vapwa minzinzime vaje vakapangela Njambi, co avatuma mukukwasa vaje valinakutambula kwovoka.

VaHevelu 1:2

oloni a matangwa ano akukotokela nendeka kuli yetu ali Munendi, uje yanapwisa shwana ya vyuma vyoshe, co ali ikeye lalo watangele vyuma vyoshe.

VaHevelu 12:25

Ngecivene, nyanyameni kesi mukanangane uje alinakwendeka kuli yeni. Vaje vavyanene kumutolilila uje wendekele majwi a Njambi ano asi kavasele kuputumuka, co yetu tukaputumuka vati, nga tukengesa nima kuli ou alinakwendeka mwilu?

VaHevelu 4:1

Ololo, Njambi natusezela cikulaeso ngeci tukakovele mukuhwima kuje kwendekele. Ngecivene, nyanyameni kutewa akati keni akakala umo kakakovela mukuhwima kuje kwanatukulaesa.

VaHevelu 4:11

Ngecivene, tutakameni ngeci tukatambule kuhwima kuje, moneni ngeci naumo wai wetu onwe ngwe muvalingile vakevo omwo kuvakulaelele.

VaHevelu 5:9

Omo vamupwisile muka-kujela, wemukile nsina yakwovoka kuje kwa myaka yoshe kuli voshe vaje vamwononoka,

VaHevelu 9:28

Mu cifwa eci vene, Kilistu lalo walyanene mukulikombelela lumo mukutundisa vivi vya vavangi. Akajomboloka simbu yamucivali, kesi lalo akendeka a vuvi embwe, oloni mukwovola vaje vanamuvandamena.

1 Yowano 1:1

Tulinakusoneka kuli yeni a Lijwi lya mwonyo, lije lyakeleko tunde kukushangumuka. Tunalizivi, co tunalimono na mesho etu, eyo, tunalimono, co tunalikwata na mavoko etu.

Yunda 1:17

Oloni yeni munapande kwanuka, vasamba vange, vika vamilekele miluwa a simbu ya kunima vya Mwene yetu Yesu Kilistu.

Kujombolola 7:10

Vatambekele na majwi akama ngwavo, “Kwamena kwatunda kuli Njambi yetu, uje natumbama a litanda, na kuli Muna Manga!”