VaHevelu 2:2 - Livulu lya Shukulu Kalunga

² Vin̄anda vije tungelo valekele vakukulwila vetu vyasholokele vya vushunga, co munu woshe kavikavangeyeye nambe kuvyononoka watambwile cihiso cije camupandele.

VaHevelu 2:2 Iomraidhean Croise

Myaso 68:17

Shukulu Kalunga watundile ku Munkinda wa Sinai na matemba endi amangi-mangi a nzili, co wezile ku mutambela wakujela.

Kulava 11:33

Oloni omo simbu kanda vacimanese kulya situ, co Shukulu Kalunga waluvalele na vanu nakutuma mushongo wakulitambwisa akati kavo.

Kulava 16:49

Oloni vanu vaje vatsile ku mushongo wakulitambwisa vapwile 14,000, kupandakana kuli vaje vatsile a mulonga wa Kola.

Kulava 21:6

Ngecivene, Shukulu Kalunga watumine manyoka va vushungu vwavuvi akati ka vanu, co vaIsalele vavangi vashumuwile na kutsa.

Kulava 25:9

oloni vaje vatsile ku mushongo ou vapwile vanu 24,000.

Vilinga vya Miluwa 7:53

Yeni mwatambwile lishiko lya Njambi, lije livamyanene tungelo, oloni kumwalyononokele!’ ”

Ngalatiya 3:19

Ngecivene, Majwi a Lishiko apwile avikajo? Vawawezeleleleko omwo ya vuvi, noo akwija kwa mutekulwila wa Avilahama, muli ikeye muvalingilile cikulaeso. Majiw a Lishiko atundile kuli tungelo, munu wakele ngwe muka-kunungulula mukati kavo.

Kwituluka mu Mashiko 17:12

Nga munu umo ajeneka kwononoka kuli muka-kukombelela uje muka-kupangela Shukulu Kalunga Njambi yeni, nambe kuli lyaako, co uje munu vakamutsiye, ngeci mukatundise vuje vuvi mu Isalele mwoshe.

Kwituluka mu Mashiko 17:2

“Nga mukaziva mu nganda yeni imo munalume umo nambe munakazi umo nalingi cuma cacivi ku mesho a Shukulu Kalunga Njambi yeni, nakupokola cikumiiyo cendi,

Kwituluka mu Mashiko 17:5

co mukatwale uje munu anja ya nganda nambe munalume nambe munakazi, nakumutsiya na mamanya.

Kwituluka mu Mashiko 27:26

“ ‘Cisingo ca Njambi cikale ali munu woshe uje kononoka majwi a mashiko a Njambi nakuwanyunga.’ “Co vanu voshe vakakumbulula ngwavo, ‘Ewa!’

Kwituluka mu Mashiko 32:2

Vilongesa vyange vipwe ngwe mambase a nyonzi ije indwekela asi ngwe mume. Majwi ange akapwe ngwe nyonzi ije isukwila a vimbuto vya njovolwezi, ngwe kusukula kwa nyonzi ilinakunyokela a mwila wauvwa.

VaHevelu 1:1

Ku san̄ulu Njambi wendekele kuli vakukulwila vetu ali vaka-kwimanena visimbu vyavingi na mu vingila vyeka na vyeka,

VaHevelu 10:28

Munu woshe uje kononokele Lishiko lya Mosesa vanapande kumutsiya kujeneka kumuzivilako mema ku mbunge omo mulonga wendi vakausompa a vakaleo vavali nambe vatatu.

VaHevelu 10:35

Ngecivene, kesi mumbile kuti kusimpa kweni kuje kuli na cikandelela cakama manene.

VaHevelu 11:26

Wacimwene ngeci tuyando na kayengu ka ali uje Wakuvwavesa vili kulutwe manene kutuvakana vufuko vwa mu Ingito, omwo wakengele mesho endi a cikandelela cije ca kulutwe.

VaHevelu 11:6

Naumo wai asa kuvwaelelesa Njambi akujeneka kukulaela, omwo uje aija kuli Njambi napande kukulaela ngeci Njambi kwali na ikeye muka-kwana cikandelela kuli vaje valinakumushakezeka.

VaHevelu 12:25

Ngecivene, nyanyameni kesi mukanangane uje alinakwendeka kuli yeni. Vaje vavyanene kumutolilila uje wendekele majwi a Njambi ano asi kavasele kuputumuka, co yetu tukaputumuka vati, nga tukengesa nima kuli ou alinakwendeka mwilu?

2 Petulu 1:19

Ngecivene, twasimpile na muzimbu uje watundile mwilu uje uvambulwile vaka-kwimanena. Nga mutolilila ku muzimbu ou, co mulinga mwamuvwa, omwo unapu ngwe ndeya ilinakutwila ceke mu lisusulungu noo Litangwa linaki na ceke ca litota lya mutondo linatwila ceke mu vimbunge vyeni.

Yunda 1:5

Nameme mwazivuka vyuma vyoshe evi, oloni njishaka kumyanukisa vati Shukulu Kalunga wovwele vanu va Isalele kutunda mu lifuti lya Ingito, oloni munima yevi wanyongesele vaje kuvakulaelele.