VaHevelu 2:10 - Livulu lya Shukulu Kalunga

¹⁰ Capwile ca vushunga ngeci Njambi, uje watangele nakunyunga vyuma vyoshe, apwise Yesu muka-vushunga a tuyando, mukunena vana vavangi ku vumpau vwendi. Omwo Yesu ikeye lika muka-kuvatwamenena ku kwovoka.

VaHevelu 2:10 Iomraidhean Croise

Kushangumuka 18:25

Kuukasa kunyongesa vaka-vushunga amolika na vanu vaka-vuvi. Omwo ni kucitava! Kuukasa kulinga ngacije embwe! Nga cikafwa ngacije, vaka-vushunga vakavasompe ngwe vaka-vuvi. Nga ngoconi, co cacikalu. Yove u muka-kusompa wa ano asi oshe, co ukalingi mwa vushunga.”

Visimo 16:4

Cuma coshe catangele Shukulu Kalunga, cili na vutumbe vwaco, co vutumbe vwa vaka-vuvi vunapu kunyonga.

Isaya 43:21

Vakevo vanapu vanu vaje njalitangelele, co vakaimba nakunjishangazala!”

Isaya 55:4

Njamupwisile ntwama na muka-kushika miyati ya vanu, co wapwile mukaleo wange kuli vakevo.

Hoziya 8:10

Oloni ololo njikavakungulula nakuvanyanyamesa. Ololo vakalikotinga mukuvinjoka omo mwene wa Asilya akavayandesa.

Mika 2:13

Njambi akavashokolwela ngila, nakuvatwamenena kutunda mu vunzinda. Co vakatavozola vikolo vya nganda nakuliila ngoco. Mwene wavo, Shukulu Kalunga akavatundisamo.

Kulava 7:15

Walambwile lalo muna ngombe wa nkomba umo, na lijamba lya manga umo, na muna manga umo wa mwaka umo kupwa mulambu wa kwenyeka.

Luka 13:32

Yesu wavakumbulwile ngwendi, “Yeni mukamuleke owo mbanje ngweni, ‘Njicili nakutundisa minzinzime yakujwala nakukangwisa vanu ku mishongo yavo ku litangwa lyalelo na imene, co a litangwa lyamucitatu asinoni njikamanesa vipangi vyange.’

Luka 2:14

“Vumpau kuli Njambi wa akamwa ya akamwa, kwoloka kukale ano asi kuli vanu vaje vamuvwasa!”

Luka 24:26

Kuma Wakuvwavesa kapandele kuyanda a vyuma evi nakukovela mu vumpau vwendi ndi?”

Luka 24:46

co wendekele kuli vakevo ngwendi, “Eci cikeco vasonekele ngwavo, Wakuvwavesa napande kuyanda, co akasanguka munima ya matangwa atatu,

Yowano 11:52

co kesi vakevo lika embwe, oloni akungulwile amo vanu va Njambi mu muvila umo vaje vanashandokela kweka.

Yowano 19:30

Omo Yesu wanwile vije vinyu wendekele ngwendi, “Kunau!” Co watepwile mutwe wendi wecelele munzinzime wendi.

Vilinga vya Miluwa 3:15

Co mwatsiile uje ikeye vavenya mwonyo, oloni Njambi wamusangwile ku vatsi, co yetu tunapu tu vakaleo va cuma eci.

Vilinga vya Miluwa 5:31

Njambi wamusangwile ku vatsi nakumwaka ku livoko lyendi lya cilyo kumupwisa Ntwama na Muyoyesi, mukwana Isalele simbu yakutenguluka ngeci vavasambese ku vivi vyavo.

Loma 11:36

Omwo ikeye watangele vyuma vyoshe, co vyuma vyoshe vilinakuyoya muli ikeye na ali ikeye. Kuli Njambi kukale vumpau ku myaka yoshe! Ewa.

Loma 9:23

Co lalo washakele kusholola vumpau vwendi vwakama, vuje wetilile ali yetu vaje amwesa mema ku mbunge, yetu vaje navwaesa ngeci tutambule vumpau vwendi.

1 Kolinte 2:7

Mana awa njambulula anapu mana a Njambi akushweka, aje vanashwekesela vanu, oloni Njambi waangwile laja ku vumpau vwetu simbu kanda vatange kaye.

1 Kolinte 8:6

oloni kuli yetu kwali Njambi umolika, Tatetu, ikeye Ishamatanga wa vyuma vyoshe, muli ikeye mukemwo mutuli nakuyoyela, co kuli Mwene umolika, Yesu Kilistu, muli ikeye vyuma vyoshe vavitangele, co muli ikeye mukemwo mutuli nakuyoyela.

2 Kolinte 3:18

Ngecivene, yetu voshe tulinakusholola vumpau vwa Mwene yetu na vihanga vyakujeneka kufwika, vumpau vuje vumolika vulinakutunda kuli Mwene, ikeye Munzinzime, uje muka-kutwimukisa mu cifwa cendi, mu vumpau vuje vwahyana simbu yoshe.

2 Kolinte 4:17

Co otu tuyando twetu twatundondo lika ngwe twa kasimbu lika nakutunenela vumpau vwa myaka yoshe, vuje vwakama manene kutuvakana tuyando.

2 Kolinte 5:18

Vyoshe evi vyatunda kuli Njambi, uje natwimwisa ali Kilistu kutunda ku vutozi nakutupwisa vasamba vendi, co natwana vipangi vyakutengulwisa veka lalo ngeci valyambe nendi.

2 Kolinte 6:18

Njikapwa nji ishweni, co yeni mukapwa vana vange va vanalume na ava va vanakazi, mwanendeka Shukulu Kalunga Muka-nzili yoshe.”

Ngalatiya 3:26

Akukulaela ngeci yeni voshe munapu vana va Njambi muli Kilistu Yesu.

Efeso 2:7

Walingile evi kupwa cimweso ku visimbu vyoshe vije vikaijako akumwesa vukama vwa kutetela kwendi kuje kutwasa kuseteka mu cizemo cije catumwesele muli Kilistu Yesu.

Efeso 3:10

ngeci mu simbu ino iliko, ya cikungulukilo, tungelo vaka-kuswana na vaka-nzili mu lifuti lya mwilu ngeci valilongese muwafwa mana a Njambi na muje mwalitepesela.

Kolose 3:4

Co mwonyo weni mwa vushunga unapu Kilistu, co omo ikeye akasholola, asinoni neni lalo mukasholoka amo nendi mu vumpau!

2 Timateo 2:10

Ngecivene, njilinakuyanda mu vyuma vyoshe omwo ali vanu va Njambi vakwangula, ngeci na vakevo lalo vatambule kwovoka kwa muli Kilistu Yesu amo na vumpau vuje vwa myaka yoshe.

VaHevelu 12:2

Co tukengeni mesho etu ntoma ali Yesu, ali uje kukulaela kwetu cinemana kutunda kukushangumuka kwetu na ku shongo. Kajukile omwo cilindakano! Omwo kujolela cije camuvandamenene, kazivile shwamwa omwo kutsa a cilindakano, co ololo natumbama ku livoko lya cilyo lya litanda lya Njambi.

VaHevelu 6:20

kuje Yesu natutwamenako, co nakovelamo napu laja Muka-kukombelela Wakama wa ku myaka yoshe ngwe ku cifwa ca Melekizendeki.

VaHevelu 7:26

Ngecivene, Yesu wapwa Muka-kukombelela wakama uje amona ngwe kujeneka kwetu. Wapwa wakujela, muli ikeye kumwesi mulonga nambe vuvi, vanamutundisa mukati ka vanu vaka vuvi, co vamusangwile nakumutwala mwilu.

VaHevelu 7:28

Lishiko lya Mosesa linemika vanu vaje vakuzeya kupwa vaka-kukombelela vakama, oloni cikulaeso ca Njambi cije valingile na cisingo, cezile munima ya Lishiko, cinemika Mwana, uje vanapwisa muka-vushunga ku myaka yoshe.

1 Petulu 1:12

Njambi washolwele kuli ava vaka-kwimanena kuvalipangelele vakevo vavenya embwe, oloni vapangelele yeni, omwo vendekele a vyuma vije yeni munalizivila kuli vangamba vaje vambulwile Vin̄anda Vyavivwa a nzili ya Munzinzime Wakujela uje uvatumine kutunda mwilu. Evi vikevyo vyuma vije nameme tungelo vashaka kuzivisisa.

1 Petulu 5:1

Yange, akupwako nange lalo nji mukulunu, njilambelela vakulunu va cikungulukilo akati keni. Njinapu nji mukaleo wa tuyando twa Kilistu, co nange njikatambula mutambela wa vumpau vuje vukasholoka. Njimilambelela ngwange,

1 Petulu 5:10

Oloni omo munayanda kasimbu kakandondo lika, Njambi wa kutetela kwoshe, uje namisana mukulipangela vumpau vwendi vwa myaka yoshe muli Kilistu, ikeye vavenya akamijelesa nakumyana kwimana mbe na nzili na luvula lwaluvwa.

Kujombolola 4:11

“Mwene yetu na Njambi yetu! Yove wafwila kutambula vumpau na kasingimiko na nzili. Omwo yove watangele vyuma vyoshe, co ku cizango cove vavyanene kuyoya na mwonyo.”

Kujombolola 7:9

Munima yevi njakengele, co njamwene mbunga yakama, naumo wai wasele kulava vanu voshe vaje! Vatundile ku miyati yoshe na ku mafuti oshe na ku vanu voshe na ku vindaka vyoshe, co vemanene kulutwe lwa litanda na kulutwe lwa Muna Manga, vazalele vuzalo vwakutoka, co vakwatele minango ya mashakavale mu mavoko avo.