VaHevelu 13:9 - Livulu lya Shukulu Kalunga

⁹ Kesi mutave vilongesa vyakuliseza-seza vimitwamenene nakumitundisa mu ngila ya vushunga. Mwamuvwa vimbunge vikolese nakutetela kwa Njambi, kesi akwononoka mashiko a vyakulya, kuli vaje vononoka awa mashiko kuwavakwasa nacimo cai.

VaHevelu 13:9 Iomraidhean Croise

Myaso 112:8

Ikeye kakazivi lyova nambe kujujuka, noo namono vitozi vendi vanavafungulula.

Mateo 24:24

Omwo kukasholoka vaKuvwavesa va makuli na vaka-kwimanena va makuli, vakamwesa vizivukiso na vikomokeso vyakama, ngecivene, vakatangule nameme vaje vavaangwile kuli Njambi nga citava.

Mateo 24:4

Co Yesu wavakumbulwile ngwendi, “Nyanyameni, co kesi mutave umo amikwise.

Luka 5:38

Oloni vinyu vyaviha vavilongela mu vinjeke vya vilambu vyaviha.

Vilinga vya Miluwa 20:30

Co simbu ikaija omo vamo vanalume va mu mbunga yeni vakendeka makuli mukuungumuna vaka-kukulaela ngeci vavakave.

Vilinga vya Miluwa 20:32

“Co ololo njilinakumikundika kuli Njambi ngeci aminyunge na muzimbu wa kutetela kwendi, uje wasa kumitungisa nakumyana vivezikiso vije vyali navyo Njambi vya vanu vendi voshe.

Loma 14:17

Omwo Vumwene vwa Njambi kesi ngwe vunapu vwa vyakulya nakunwa embwe, oloni vunapu vwa vushunga na kwoloka nakujolela mu Munzinzime Wakujela.

Loma 14:2

Kukulaela kwa munu umo kumutavesa kulya nkala cuma, oloni munu uje kanda akole mukukulaela ikeye alya lika visapa-sapa.

Loma 14:6

Woshe uje ayongola seo ya litangwa limo napande alinge ngeci mukusingimika Mwene, woshe uje alya cuma coshe-icoshe napande kucilya mukusingimika Mwene, omwo akandelela kuli Njambi a vyakulya. Woshe uje avyana kulya vyakulya vimo avyana mukusingimika Mwene, co akandelela kuli Njambi.

1 Kolinte 6:13

Weka endeka ngwendi, “Vyakulya vyapwa vya lifu, co lifu lyapwa lya vyakulya.” Eyo, oloni Njambi akanyongesa vyoshe vivali. Muvila wa munu kuvapandele kuupangesa ku vupangala, oloni wapwa wakupangela Mwene, co Mwene aana vije vishakiwa ku muvila.

1 Kolinte 8:8

Nameme ngoco, vyakulya kuvyasa kutuvwaesa ku mesho a Njambi, nacimo cai citukwasa nambe kutuli, co nacimo cai tuwanao nambe tulya.

2 Kolinte 1:21

Oloni napu Njambi vavenya uje atutakamesa amo neni, ngeci myonyo yetu muli Kilistu, ikeye vavenya Njambi uje natwangula,

Ngalatiya 6:1

Vakwetu, nga munu umo vanamuwana na mulonga umo wa kupenga-penga, vaje veni vanakolo mukukulaela vanapande kumushungamesa, oloni munapande kucilinga mu ngila yaivwa. Oloni liiluleni yeni vavenya, kutewa neni mukakala mu ceseko lalo.

Efeso 4:14

Co kutukapu lalo vanike, vaje vauungumuka na mankimba nakupekumuka noku-noku na lihunzi lya vilongesa vya vanu vaka-makuli, vaje valinakutwamenena vakwavo mu kusevuka na linyanyamena lije valinga.

Efeso 5:6

Kesi mutave umo amikwise na majwi a makuli, omwo a vyuma evi vukalu vwa Njambi vukakala ali vaje vaka-kujeneka kumwononoka.

Kolose 2:4

Ngecivene, njimileka ngwange, kesi mutave munu umo amikwise na vinguli vya makuli, nambe vikevyo vyavwaa vati.

2 Tesalonika 2:17

amitakamesa nakumikolesa mukulinga nakwendeka vije vinapu vyavivwa simbu yoshe.

2 Tesalonika 2:2

kesi mukale na citanga vwasi-vwasi mu viyongola vyeni nambe cishota-mbunge ngweni Litangwa lya Mwene linete. Amo vayongola ngeci twendekele eci omo twambulwile vuka-kwimanena nambe omo twambulwile lijwi, nambe amo twasonekele eci mu mukanda.

1 Timateo 6:20

Ove Timateo, nyunga mwamuvwa vije vanakundika ku vunyungi vwove. Ongoloka visimutwiya vyangoco vya vu Njambi na vimata vya vulema vije vamo vanu vavitumbula mu ngila kesi ikeyo ngwavo “Mana.”

1 Yowano 4:1

Vasamba vange vanjazema, kesi mukulaele kuli voshe vaje vendeka ngwavo vali na Munzinzime, oloni veluleni muwane ngeci nga munzinzime uje uvalinawo unatundu kuli Njambi. Omwo vaka-kwimanena vavangi va makuli vanashandokela kwoshe-ikwoshe.

Yunda 1:12

Ava vanu vakevo vanafu ngwe vitanukiso mu viwano vyeni vya cizemo omo valya neni kujeneka shwamwa. Vashakezeka lika vyavo vavenya. Vanafu ngwe mashelwa akupekumuka lika na lihunzi oloni kuwesi kunena nyonzi. Vanafu ngwe miti kuyesi kwima vushuka, nambe mu simbu ya nyangao, miti ije ivanatukula na mizi yayo inapu ya kutsa vene.

Yunda 1:3

Vasamba vange, njalingile ngwe munjinasela mukumisonekela akwovoka kuje tunalipangezela, omo njawanene ngeci mwamuvwa kumisonekela ololo nakumitakamesa kutwalao kulwila kukulaela kuje Njambi wanenene lumo kuli vanu vendi voshe.