VaHevelu 13:8 - Livulu lya Shukulu Kalunga

⁸ Yesu Kilistu ikeye umolika na izau na lelo na ku myaka yoshe.

VaHevelu 13:8 Iomraidhean Croise

Kushangumuka 21:33

Avilahama wakunine muti wa tamalisiki mu Mbeleshemba, co walemesele Shukulu Kalunga Njambi wa ku myaka yoshe.

Myaso 103:17

Oloni cizemo ca Shukulu Kalunga kucesi kutenguluka kuli vaje vamukomoka, cikakalako myaka yoshe, na vuvwa vwendi lalo vukakala ku cisemwa coshe,

Myaso 90:2

Simbu kanda utange malundu, simbu kanda utange kaye, yove wapwa u Njambi ku myaka yoshe.

Myaso 90:4

Myaka yakupwa 1,000 kuli yove inapu ngwe litangwa limo, inapu lika ngwe litangwa lije lineti laja, ngwe cilo cimo ca vutsiki.

Kutuuka 3:14

Njambi wendekele kuli Mosesa ngwendi, “Yange Ou Njapwa Munjapwa. Omu mukemwo muukendeka navo ngwove, ‘Njapwa, ikeye nanjitumu kuli yeni.’ ”

Isaya 41:4

Iyajo akalingisa vyuma evi? Iyajo akendesa vyuma tunde ku san̄ulu? Yange Shukulu Kalunga, njakeleko avushangumukilo, co lalo njikakalako a mamaneselelo.

Isaya 44:6

Shukulu Kalunga, Muka-nzili yoshe uje washwana nakunyunga Isalele, alinakwendeka ngwendi, “Yange wakulivanga na mamaneselelo, yange ange lika nji Njambi, kukwesi njambi weka lalo wai, kuvanga yange lika.

Malakiya 3:6

“Yange Kalunga munjapwa-munjapwa kunjesi kutenguluka. Co neni lalo vatekulwila va Yakomba, kumwanyongele.

2 Kolinte 1:19

Omwo Yesu Kilistu Muna Njambi, uje vambulwile akati keni kuli Silase na Timateo nange vene, kesi ikeye umo uje napu “Eyo” nambe “Embwe.” Oloni muli ikeye mwakala lika “Eyo”,

2 Kolinte 1:20

omwo wapwa “Eyo” ku vikulaeso vyoshe vya Njambi. Omwo a cuma eci muli Yesu Kilistu “Ewa” yetu tukaitumbula mukwana vumpau kuli Njambi.

VaHevelu 1:12

Ukavyeteka ngwe cikoveyo, vikakuluvala ngwe vuzalo. Oloni yove kuwesi kukuluvala, co mwonyo wove kuwesi kuhwa.”

Yakomba 1:17

Cashu coshe cacivwa na vwana vwoshe vwavuvwa vyatunda mwilu, vyatunda kuli Njambi, Ishamatanga wa vyeke vya mwilu, uje kesi kutenguluka nambe kunena lisusulungu akutenguluka.

Yunda 1:25

kuli Njambi umolika Muyoyesi wetu, ali Yesu Kilistu Mwene yetu, kukale vumpau na vukama na nzili na moko kutunda ku myaka ya ku san̄ulu na kulelo lino na ku myaka na myaka! Ewa.

Kujombolola 1:11

Lyendekele ngwalyo, “Soneka vyoshe vije umona, co tuma livulu ku vikungulukilo evi vili mu vinganda vitanu na vivali, Efeso na Simina na Pelengamu na Tiyatila na Salendisiya na Filandelufiya na Laondisiya.”

Kujombolola 1:4

Viindu vyakutunda kuli Yowano vyakutuma ku vikungulukilo vije vitanu na vivali vya mu lifuti lya Asiya. Kutetela na kwoloka vyakutunda kuli Njambi ou aliko na uje wakeleko, co na uje akaija, vipwe vyeni, co vinatundu lalo kuli minzinzime ije itanu na ivali ili kulutwe lwa litanda lyendi,

Kujombolola 1:8

“Yange wakulivanga na muka-kukotokela,” mwanendeka Shukulu Kalunga Njambi Muka-nzili yoshe, uje aliko na uje wakeleko na uje akaija.