VaHevelu 13:7 - Livulu lya Shukulu Kalunga

⁷ Anukeni vantwama veni va ku san̄ulu, vaje vamilekele lijwi lya Njambi. Yongoleni vya kunima vati vakevo vayoyele na kutsa, co tembunwineni kukukulaela kwavo.

VaHevelu 13:7 Iomraidhean Croise

Myaso ya Solomoni 1:8

Yove uwamuvwa manene akati ka vanakazi, nga kuuzivuka kuje ku mutambela, ya nakukava vutanga vwa vimanga, co lisila vimembe vove kuyehi na vimbalaka vya tunyungi.

Mateo 24:45

“Iyajo napu ngamba wa kulongwa nakunyanyama? Ikeye uje shukulu yendi namusezela kunyunga vakwavo vangamba nakuvana vyakulya a simbu yaivwa.

Luka 12:42

Co Mwene wamukumbulwile ngwendi, “Iya napu ngamba wa kulongwa nakunyanyama? Ikeye uje shukulu yendi namusezela kunyunga njuvo yendi, nakwana vyakulya kuli vakwavo vangamba a simbu yaivwa.

Luka 5:1

Litangwa limo Yesu wemanene ku cikuma ca Lishali lya Ngenesaleta omo vanu vakele nakulisindika kuya kuli ikeye ngeci vazive lijwi lya Njambi.

Luka 8:11

“Omu mukemwo mucalumbunukila cisimo, vimbuto vinapu lijwi lya Njambi.

Vilinga vya Miluwa 13:46

Oloni Paulu na Mbanambase vendekele nakusimpa ngwavo, “Cinapande ngeci lijwi lya Njambi valyendeke kuli yeni akulivanga. Oloni omwo mwalivyanene, co munaliyongola yeni vavenya ngweni kumwapandele kutambula mwonyo wa myaka yoshe, co tumiseza nakuya kuli vaje kesi vaYunda.

Vilinga vya Miluwa 14:23

Mu cikungulukilo na cikungulukilo vemikilemo vakulunu, co na malombelo nakulikela kulya vavakundikile kuli Mwene uje vakulaelele.

Vilinga vya Miluwa 4:31

Co omo vamanesele kulombela, mwela uje vakungulukilile wajajele. Co voshe vashulile na Munzinzime Wakujela, co vambulwile lijwi lya Njambi nakusimpa.

Loma 10:17

Ngecivene, kukulaela kutunda akuziva, co kuziva kutunda akwambulula Kilistu.

1 Kolinte 10:13

Vyeseko vyoshe vilinakwija kuli yeni vinapu ngwe vije vakeseka navyo vanu voshe. Oloni Njambi akanyungu cikulaeso cendi, co katava ngeci vamyeseke na vyeseko vyakutuvakana nzili yeni ngeci mwimane mbe, a simbu ije vamyeseka, ikeye akamyana nzili yakukolesa, co amisholwela ngila ngeci mwase kutundamo.

1 Kolinte 11:1

Njitembunwineni, ngwe yange lalo njitembunwina Kilistu.

1 Kolinte 4:16

Njimilomba ngeci munjitembunwine.

Filipu 3:17

Vasamba vange, njitembunwineni yange. Kengeni kuli vaje valinakukava cimweso ca vushunga cije twamisezelele.

1 Tesalonika 1:6

Mwatembunwinine yetu na Mwene, co nambe mwamwene tuyando twakama, oloni mwatambwile lijwi nakujolela kuje kukatundu kuli Munzinzime Wakujela.

1 Tesalonika 2:13

Co kuli cuma cikwavo lalo omwo vikajo simbu yoshe tukakandelela kuli Njambi. Omo twaminenelele lijwi lya Njambi, yeni mwalizivile nakulitambula, kesi ngwe lijwi lyakutunda kuli vanu oloni ngwe lijwi lya Njambi, Lije linapu lijwi lya Njambi vene. Omwo Njambi alinakupanga akati keni vaje vanakulaela.

2 Tesalonika 3:7

Yeni vavenya mwazivuka mwamuvwa ngweni munapande kupanga ngwe muje mutwapangele yetu. Kutwakele na vulwa omo twakele amo neni.

2 Tesalonika 3:9

Twalingile eci, kesi ngwe omwo kutwakele na moko yakuyoyela a vyuma vya vukwaso embwe, oloni twacilingile mukumimwesa ngila ngeci muyikave.

1 Timateo 3:5

Omwo nga munu kasa kunyunga naanga yendi, co vatijo akasa kulela cikungulukilo ca Njambi?

VaHevelu 13:17

Ononokeni vantwama veni nakukava mashiko avo. Vakevo valinakuminyungilako myonyo yeni kujeneka kuhwima, omwo vanapande kulyambulwila vipangi vyavo kuli Njambi. Nga yeni muvononoka, co vakalinga vipangi vyavo nakujolela, nga kesi ngoco, co vakavilinga nakuviilila, co nacimo cai cikamikwasa.

VaHevelu 13:24

Aneni ciindu kuli voshe vantwama veni na kuli vaka-kukulaela voshe. Vakwetu va ku Itali vanatumu ciindu kuli yeni.

VaHevelu 6:12

Kutushaka mupwe volwa embwe, oloni mupwe ngwe vaje vaka-kukulaela nakusimpa, co mutambule vije vyanamikulaesa Njambi.

1 Petulu 4:11

Voshe vaje vambulula vanapande kwambulula lijwi lya Njambi, voshe vaje vapanga vanapande kupanga na nzili ije yanavana Njambi, ngeci mu vyuma vyoshe Njambi vamushangazale ali Yesu Kilistu, kuli ikeye kwakundama vumpau na nzili ku myaka yoshe. Ewa.

Kujombolola 1:9

Yange Yowano, ndolome yeni, co akupwa ndongisi ya Yesu njili amo neni na lukakateya mu n̄avava ije ilinakwija kuli vaje vanakundama ku Vumwene vwendi. Vanjakele a lin̄anda lya Patimose omwo njambulwile lijwi lya Njambi lya vushunga vuje vwasholwele Yesu.

Kujombolola 20:4

Asinoni njamwene matanda, co vaje vatumbameneo vavaanene nzili yakusompa. Co njamwene myonyo ya vaje vavatsiile omwo vambulwile vushunga vuje vwasholwele Yesu amo na lijwi lya Njambi. Kuvalemesele uje cikashama nambe kamponya kendi, nambe vakevo kuvatambwile cizivukiso ca uje cikashama a maholo avo nambe a mavoko avo. Vasangukilile ku mwonyo nakushwana ngwe vimyene amo na Kilistu myaka 1,000.

Kujombolola 6:9

Asinoni Muna Manga wavatwile kasateso kamucitanu. Co njamwene mwisi ya mutula myonyo ya vaje vavatsiile omwo vambulwile lijwi lya Njambi, co vapwile vaka-kulongwa mu vukaleo vwavo.