VaHevelu 13:5 - Livulu lya Shukulu Kalunga

⁵ Kesi mukakateye mu cizemo ca vimbongo, pweni vaka-kujauka na vyuma vije mulinavyo. Omwo Njambi nendeka ngwendi, “Kunjikamiseze nalumo lwai nambe kumivyana.”

VaHevelu 13:5 Iomraidhean Croise

Kushangumuka 28:15

Kenga, njikakala amo nove nakukunyunga kwoshe kuukaya, co njikakwilwisa lalo mu lifuti lino. Kunjikakuseze nalumo lwai noo njinalingi evi vyoshe njinakukulaesavyo.”

Kushangumuka 30:31

Lambani wamwihwile ngwendi, “Vika njikufweta?” Yakomba wamukumbulwile ngwendi, “Kunjishaka fweto embwe. Njikanyunga matanga ove nga yove ulinga evi vinjikuleka.

Kushangumuka 31:5

Co wendekele kuli vakevo ngwendi, “Njamono ngwange cifwa ca ishweni cinatenguluka kucafwile ngwe akulivanga, nameme ngoco Njambi ya tate nakala amo nange.

1 Vimyene 6:13

Njikayoya akati ka vanu vange va Isalele mu Njuvo yange eyi vene iwulinakutunga, co kunjikavaseze embwe.”

1 Vimyene 8:57

Shukulu Kalunga Njambi yetu akale amo netu ngwe mwakele amo na vakukulwila vetu, kesi atuseze nambe kutwivala,

1 Mizimbu 28:20

Mwene Ndaviti wendekele kuli munendi Solomoni ngwendi, “Pwa muka-kukolesa nakulisingimika. Shangumuka vipangi, co kesi utave cuma cimo cikuvindike embwe. Shukulu Kalunga Njambi, uje injipangela, akakala amo nove. Ikeye kakakuseze embwe, oloni akakala amo nove noo ukamanesa kupanga vipangi vya a Njuvo yendi.

Myaso 10:3

Muka-vuvi alyalesa na mashungu a mu mbunge yendi, co muka-cipululu asinga nakuvyana Shukulu Kalunga.

Myaso 119:36

Tengulwila mbunge yange mukwononoka ku mashiko ove, co kesi itengulukile ku cipululu embwe.

Myaso 37:25

Njapwile nji mukwenje, ololo njinakuluvala, kanda njimone Shukulu Kalunga kwivala muka-vushunga, nambe vana vendi kulomba vyakulya.

Myaso 37:28

Omwo Shukulu Kalunga wazema vije vyavivwa, ikeye kesi kuseza vanu vendi vaje vamukulaela, co ikeye akavanyunga simbu yoshe, oloni vatekulwila va vaka-vuvi vakavashekela anja.

Kutuuka 2:21

Ngecivene, Mosesa watavele kukala na Yetolo, co Yetolo wamwanene munendi wa munakazi Zipola ngeci amwambate.

Kutuuka 20:17

“Kesi mukaliveyele njuvo ya mukweni, kesi mukaliveyele munakazi wa mukweni, nambe ndungo yendi wa munalume, nambe ndungo yendi wa munakazi, nambe ngombe yendi, nambe cimulu cendi, nambe cuma cimo ceka calinaco.”

Visimo 23:4

Pangesa mana ove vavenya kesi ulipese ngoco kushakezeka vufuko.

Isaya 41:10

Kesi muzive lyova, yange njili neni amo! Kesi mujaje, yange Njambi yeni! Njikamitakamesa nakumikwasa, njikaminyunga nakumyamena.

Isaya 41:17

“Omo tuutu na vaka-kujeneka vashakezeka mema, oloni kuvakaawana, co a milivu yavo ominina cau na lihwila, asinoni yange Kalunga, Njambi wa Isalele njikavakwasa, kunjikavevala embwe.

Isaya 42:16

“Njikatwamenena tupuputwa twange mu vitapalo vije kuvendele. Njikatengulula lisusulungu lyavo kupwa ceke, njikavavwaesela lifuti lije lya minkinda nakulipwisa lyakulambasa. Evi vikevyo vikulaeso vyange, co njikavanyunga, kunjikajuka embwe.

Njelemiya 6:13

Munu woshe, mwanike nameme mukulunu ali na cipululu ca vimbongo, nameme vaka-kwimanena na vaka-kukombelela voshe vanapu vaka-kukwisa vanu.

Ezekiyele 33:31

Ngecivene, vanu vange valikungulula nakuziva vije wendeka, oloni kuvashaka kulinga vije viwuvaleka ngeci vavilinge. Vapwisa majwi ove ngwe myaso ya cizemo, oloni vatwalao kulinga vingila vyavo vya cipululu.

Mateo 6:19

“Kesi mulitulikile vufuko vwa ano asi, aje ali tunembulu na n̄alawe vikakuvuviisa, co ali na vezi lalo vatuva nakuvwiva.

Mateo 6:25

“Ngecivene, njimileka ngwange, kesi mulishoshomwene akuyoya kweni, ngweni tukalya vika, nambe ngweni tukanwa vika, nambe vya mivila yeni ngweni, tukazala vika. Omwo myonyo yeni ili na seo kutuvakana vyakulya. Co mivila yeni lalo ili na seo kutuvakana vyakuzala.

Mateo 6:34

Ngecivene, kesi mulishoshomwene ku litangwa lya imene, omwo litangwa lya imene likalimwena likelyo vavenya. Kucitava kuwezelelako ku tuyando tuje tulinakwija a litangwa na litangwa.

Mako 7:22

kulinga vupangala, kuliveya, nakulinga vyuma vyoshe vya vivi, kukwisa, mashungu amavi, cipululu, vungumba, kulyalesa, na vulema,

Luka 3:14

Mashwalale vamo lalo vamwihwile ngwavo, “Netu lalo tunapande kulinga vika?” Co wavalekele ngwendi, “Kesi mukapukule vyuma vya vakweni, nameme kuvangela munu, simpeni na fweto yeni.”

Luka 8:14

Vimbuto vije vyawililile akati ka mambimbo, vinemanena vaje vaziva lijwi, oloni lipakeso na vufuko nakuvwaelela kwa mwonyo ou vishulamo nakuvitiva, co kuvaimi vushuka.

Loma 1:29

Vanashulu na vyuma vyoshe vya kupenga-penga na vuvi na cipululu na cizindo, vanashulu na cipululu nakutsiya na lwozi na makuli na linyanyamena. Vafweya

1 Kolinte 5:11

Njatumbwile ngwange kesi mulikumbasane na munu uje alitumbula ngwendi napu muka-kukulaela oloni napu muka-vupangala, nambe muka-cipululu, nambe muka-kulemesa tumponya, nambe muka-kushaula, nambe muka-kupenda, nambe muka-kwiva. Kesi mutumbame nakulya na munu wangacije.

1 Kolinte 6:10

nambe vaka-kwiva nambe vaka-cipululu nambe vaka-kupenda nambe vaka-kushaula nambe vezi, kuvakashwana Vumwene vwa Njambi.

2 Kolinte 4:9

vitozi vavangi kuvali, oloni kutwesi kujeneka musamba, na visimbu vimo tukavulumuka manene vene, oloni kuvesi kutunyongesa.

Efeso 5:3

Akupwa mu vana va Njambi, kesi mwamuvwa ngeci mukale majwi amo a vupangala, nambe vya mazilo, nambe vya cipululu, kesi muvisimutwiye akati keni.

Efeso 5:5

Mwa vushunga, naumo wai muka-vupangala, nambe muka-mazilo, nambe muka-cipululu, (omwo cipululu citwala kukulemesa tumponya) kesi na mutambela mu Vumwene vwa Kilistu na Njambi.

Kwituluka mu Mashiko 31:6

Koleseni nakusimpa. Kesi mukavazivile lyova nambe kulijujukila embwe, omwo Shukulu Kalunga Njambi yeni akakala amo neni. Ikeye kakonwa nambe kumiseza eni lika embwe.”

Kwituluka mu Mashiko 31:8

Shukulu Kalunga vavenya akamitwamenena, co akakala amo neni. Ikeye kakonwa nambe kumiseza. Ngecivene, kesi mukazive lyova nambe kujujuka.”

Kwituluka mu Mashiko 4:31

Omwo Shukulu Kalunga Njambi yeni ikeye Njambi wa mema ku mbunge. Co ikeye kakamiseze nambe kuminyongesa embwe, nambe kwivala cikumiiyo cije walikumiiye na vakukulwila veni.

Kolose 3:5

Ngecivene, munapande kutsiya mashungu a ano asi aje alinakupanga muli yeni, ngwe vupangala na mazilo na mashungu amavi na cizemo cacivi na cipululu (omwo eci cipululu cikeco cifwa cakulemesa tumponya).

1 Timateo 3:3

kapandele kupwa muka-kupenda nambe kupwa munu muka-lwozi, oloni apwe muka-lyovwa-ovwa na kwoloka, kapandele kupwa muka-kuzema vimbongo,

Yoshwa 1:5

Naumo wai akakufungulula matangwa oshe akuyoya kwove. Simbu yoshe njikakala amo nove ngwe munjakele na Mosesa, kunjikakuseze ngoco, nambe kukukengesa nima embwe.

Yoshwa 7:21

Akati ka vyuma twakapukwile, njamwene cikoveyo cacivwa manene ca vaMbambilone, na makilo avali a siliva, na livundungulu lya ngolinde lya vulemu vwa litambelo lya kilo. Njavishakele manene ngeci njavyambatele. Co mukaviwana njavishitika mukati ka mbalaka yange, co siliva ili kwisi yavyo.”

2 Petulu 2:14

Vakevo kuvashaka kukenga a cuma ceka kuvanga akulinga vupangala, lilaku-laku lyavo lya vuvi kulyesi kujauka. Vakatwamenena vanu vakakuzeya ngeci vatse mu mweto. Vimbunge vyavo vyalilongesa kukala na cipululu. Vakevo vali mwisi ya cisingo ca Njambi!

2 Petulu 2:3

Co mu cipululu cavo, ava valongisi va makuli vakawana nganyo akumileka tusimilili. Omwo a simbu yakama ololo Lyaako wavo nalivwaesela cimweja, co Muka-kunyongesa wavo ali laja mu mesho!

Yunda 1:11

Luvinda ali vakevo! Omwo vanakavangeya ngila ya Kaini. Co vanalyana vakevo vavenya ku lilaku-laku lya vimbongo, ngwe mwalingile Mbalame. Vanatengulukila ngwe mwatengulukilile Kola, co ngwe ikeye na vakevo lalo vanavanyongesa.

1 Samwele 10:7

Omo evi vikalingiwa, co yove linga vyoshe vije vyakutwamenena Njambi.

1 Samwele 12:22

Shukulu Kalunga nalisingi cikumiiyo ca cikulaeso, co kakamiseze embwe, omwo nayongola kumipwisa vanu vendi.