VaHevelu 13:4 - Livulu lya Shukulu Kalunga

⁴ Vulo vunapande kukala na kasingimiko kuli voshe, vanalume na vanakazi vanapande kupwa vaka-kulikulaela umo na mukwavo. Omwo Njambi akasompa vaka-kulinga vupangala na vukwizi.

VaHevelu 13:4 Iomraidhean Croise

Kushangumuka 2:21

Asinoni Shukulu Kalunga Njambi walalekele munalume mu tulo twakama. Omo wakele mu tulo, watundisile mati imo ku vimati vyendi, co wafwikilemo situ.

Kushangumuka 2:24

Omu mukemwo munalume akaseza ishe na vaina nakulipandakana na munakazi wendi, co vakapwa muvila umolika.

2 Vimyene 22:14

Co Hilikiya na Ahikame na Akambole na Shafane na Asaya vaile nakwihula kuli Hulunda, muka-kwimanena wa munakazi wakele mu mutambela wamucivali wa Yelusalema. (Munalume wendi wapwile Shalume muna Tikeva mutekulu wa Halehase, ikeye wakele nakunyunga vuzalo vwa mu Njuvo ya Shukulu Kalunga.) Co vamulekele vije vyalingiwile,

Yombi 31:12

Cikapwa ngwe kunyongesa kwa tuhya, kwenyeka vyuma vyoshe vije njilinavyo.

Isaya 8:3

Mwetile simbu yaindondo, munakazi wange wakele na limo. Omo munetu wasemukile, co Shukulu Kalunga wendekele kuli yange ngwendi, “Muluke lizina ngwove, ‘Mahele Shalale Hashe Mbaze.’

VaLevi 15:18

Nga munalume akala amo na munakazi, oku mbuto yendi ilitikila ngoco, voshe vavali vanapande vakajwele a mivila yavo, co vakevo vakapwa vakujeneka kujela noo ku cingwezi.

VaLevi 18:20

Kesi ukalale na munakazi wa mukweni omwo eci cikamijwalesa.

Malakiya 3:5

Shukulu Kalunga Muka-nzili yoshe nendeka ngwendi, “Njikasholoka akati keni nakumisompesa, co vwasi-vwasi njikapwa mukaleo ali vaka-maesi na ali vaka- vupangala, na ali vakaleo va makuli voshe, na ali vaje vaka-kunyanyamena vaka-kuvapangela vifweto vyavo, na a vifwile, na ali visiwa, na ali vaka-kwija, na ali vaje voshe kuvesi nakunjisingimika.

1 Kolinte 5:13

Oloni munapande kusompa vaje vali mu cikungulukilo. Ngwe muvyendeka visoneka ngwavyo, “Tundiseni muka-vuvi uje ali akati keni.”

1 Kolinte 6:18

Teweni vupangala. Vuvi vwoshe vwalinga munu kuvuviisa muvila wendi, oloni woshe alinga vupangala alinakuvulumuna muvila wendi.

1 Kolinte 6:9

Mwa vushunga mwazivuka ngeci vaka-vuvi kuvakashwana Vumwene vwa Njambi. Kesi mulikwise yeni vavenya, vaka-vukwizi nambe vaka-kulemesa tumponya nambe vaka-vupangala nambe vaka-vundei

1 Kolinte 7:38

Ngecivene, munalume uje ambata nalingi mwamuvwa, oloni uje kambata nalingi mwamuvwa manene.

1 Kolinte 9:5

Kuma kunjesi na moko yakulinga vije vivalinakulinga vakwetu miluwa na vandolome va Mwene na Petulu kuya amo na munakazi wa muka-Yesu mu mangenzi ange ndi?

2 Kolinte 5:10

Omwo yetu voshe tunapande kukasholoka ku cisompeselo ca litanda lya Kilistu, ngeci umo na umo akatambule vije vyanapangele, vyavivwa nambe vyavivi, kupwisa ngwe mukuyoya kwa mwonyo wendi wa mu muvila.

Ngalatiya 5:19

Vije vicilinga cisemwa ca vunu vinatungukwa manene. Cilimwesa cikeco vavenya mu vupangala nakulijwalesa na vilinga vya kukezima,

Ngalatiya 5:21

vakevo vaka-mafuwa, vaka-kupenda nakukina nakulinga vyuma vyeka ngwe evi. Njilinakuminangula ngwe munjaminangwile laja ngwange, vaje voshe valinakulinga vyuma evi kuvakakovela mu Vumwene vwa Njambi.

Efeso 5:5

Mwa vushunga, naumo wai muka-vupangala, nambe muka-mazilo, nambe muka-cipululu, (omwo cipululu citwala kukulemesa tumponya) kesi na mutambela mu Vumwene vwa Kilistu na Njambi.

Kwituluka mu Mashiko 22:22

“Nga munalume vanamukwata na munakazi wa mukwavo, co muvuvali vwavo vakavatsiye. Mu ngila eyi mukatundisa vuvi ovu mu Isalele.

1 Tesalonika 4:6

Mu cifwa eci vene, naumo wai weni napande kulinga mwamuvi kuli vakwavo vaka-Yesu nambe kuvanyanyamena. Twamilekele laja cuma eci, co twaminangwile na nzili ngwetu Mwene akanyanyamesa vaje voshe valinakulinga ngacije.

1 Timateo 3:12

Mukwasi wa cikungulukilo napande kupwa muka-munakazi umolika, uje asa kunyunga vana vendi mwamuvwa amo na naanga yendi.

1 Timateo 3:2

Ntwama wa cikungulukilo napande kupwa munu wakujeneka mulonga, napande kupwa munalume wa munakazi umolika, kesi muka-kunwa vyakupendesa, muka-kulinyunga, muka-kulongwa, napande kujumbula vangenzi ku njuvo yendi, uje asa kulongesa vakwavo,

1 Timateo 3:4

ikeye napande kupwa muka-kunyunga naanga yendi mwamuvwa na vana vendi vapwe vaka-kumwononoka na kasingimiko koshe.

1 Timateo 4:3

Vanu va cifwa cangacije valinakulongesa ngwavo kesi mwamuvwa kwambata nakulya vyakulya vimo. Oloni Njambi ikeye watangele vyakulya evi ngeci vavilye, omo munalombela lilombelo lyakukandelela, kuli vaje vaka-kukulaela vaje vanete akuzivuka vushunga.

1 Timateo 5:14

Ngecivene, njishaka ava vifwile vacili vambanda vashomboke, ngeci vakele na vana, nakunyunga vinjuvo vyavo, ngeci kesi twane mwela kuli vitozi vetu a kwendeka vyuma vyavivi ali yetu.

Tito 1:6

mukulunu wa cikungulukilo napande kupwa wakujeneka mulonga, napande kupwa munalume wa munakazi umolika, co vana vendi vanapande kupwa vaka-kukulaela, kesi vipapoki nambe vaka-kujeneka kwononoka embwe.

VaHevelu 12:16

Nyanyameni ngeci naumo wai apwe muka-vupangala nambe muka-mbunge yaivi ngwe Isau, uje walandesele vukulunu vwendi kuli shongo yendi na tuvyakulya twatundondo lika.

Kujombolola 22:15

Oloni anja ya nganda ali tutali na valozi na vaka-vupangala na vaka-kutsiya na vaka-kulemesa tumponya na vaka-makuli mu majwi na mu vilinga.