VaHevelu 13:23 - Livulu lya Shukulu Kalunga

²³ Njishaka muzivuke ngeci ndolome yetu Timateo ololo vanamwecela kutunda mu kamenga. Nga naija vwasi, co njikaija nendi omo njiija nakumimona.

VaHevelu 13:23 Iomraidhean Croise

Loma 15:25

Co ololo, njiya ku Yelusalema nakupangela vanu va Njambi kuje.

Loma 15:28

Omo njinamanesa vipangi evi nakwetesa vimbongo vyoshe kuli vakevo vije vivavakungulwilile, co njikaya ku Sepeine nakumisikamesa a ngila yange yakuya kuje.

Kolose 1:1

Mukanda wakutunda kuli yange Paulu, uje ku cizango ca Njambi napu muluwa wa Yesu Kilistu, unatundu lalo kuli ndolome yetu Timateo.

1 Tesalonika 3:2

Omo twacitumine Timateo, ndolome yetu muka-kupanga netu mu vipangi vya Njambi mukwambulula Vin̄anda Vyavivwa vya Kilistu. Twamutumine mukumitakamesa nakumikwasa akukulaela kweni,

1 Timateo 6:12

Lwa nzita yaivwa yakukulaela, nganyala mwonyo wa myaka yoshe, uje wakusanenene Njambi omo walitavelele ku mesho a vakaleo vavangi.

2 Timateo 1:8

Ngecivene, kesi uzive shwamwa yakwambulula vukaleo vwa Mwene yetu, nambe kesi ukale na shwamwa ali yange, cinzinda omwo ali Kilistu. Oloni ambatako mutambela mukuyandela Vin̄anda Vyavivwa, ngwe omo Njambi akwana nzili yakuvilinga.

Filimoni 1:1

Mukanda wakutunda kuli yange Paulu, cinzinda ca Kilistu Yesu, unatundu lalo kuli ndolome yetu Timateo. Kuli Filimoni musamba wetu na mukwetu mu vipangi,

Filimoni 1:22

A simbu eyi vene, njivwaesele mulili wakutulila, omwo njilinakuyongola ngwange Njambi akakumbulula malombelo eni voshe, co njikeluka lalo kuli yeni.

Kujombolola 7:14

Co njakumbulwile ngwange, “Mwane, yange kunjizivuka, yove uzivuka.” Co wendekele kuli yange ngwendi, “Ava vakevo vanu vanatundu mu n̄avava yakama kujeneka vushonde. Co vanakushu vuzalo vwavo nakuvutokesa too mu maninga a Muna Manga.