VaHevelu 13:20 - Livulu lya Shukulu Kalunga

²⁰ Ololo Njambi wa kwoloka uje wasangwile Mwene yetu Yesu ku vatsi, uje napu kanyungi Wakama ka vimanga, a maninga endi a cikumiiyo ca myaka yoshe,

VaHevelu 13:20 Iomraidhean Croise

2 Samwele 23:5

Omu mukemwo mwakavezikisila Njambi vatekulwila vange, omwo nalikumiiya nange cikumiiyo kucesi kuhwa, na lizivasano lije kulyesi kuhwa, na cikulaeso cije kucesi kutenguluka. Evi vyoshe vikevyo vinjishaka, kuje kukekwo kukapwa kuhyana kwange, mwa vushunga Njambi akavisholola.

1 Mizimbu 16:17

Shukulu Kalunga walikumiiye cikumiiyo na Yakomba, cije ca ku myaka yoshe.

2 Mizimbu 30:12

Cizango ca Njambi lalo cakele mu Yunda, co Njambi wavanene mbunge imo ngeci vononoke kukava mashiko a mwene na vamyata vendi.

Myaso 23:1

Shukulu Kalunga ikeye Kanyungi kange, navimo vyai njijeneka.

Myaso 80:1

Yove Kanyungi ka Isalele, tolilila kuli yetu, tutolilile, yove ntwama ya vutanga. Yove unatumbama akamwa ya vakelumbi,

Kutuuka 24:8

Asinoni Mosesa wanonele maninga aje akele a malonga nakuwashamwina a vanu. Co wendekele ngwendi, “Awa akewo maninga a cikumiiyo cije canalingi Shukulu Kalunga neni omo wamyanene mashiko oshe aje ashikile.”

Isaya 40:11

Akanyunga vutanga vwendi mwamuvwa ngwe kanyungi, akakungulwila amolika vana va vimanga, nakuvambata mu mavoko endi, co akatwamenena vainavo kamandondo-kamandondo.

Isaya 55:3

“Yeni vanu vange tolilileni, ijeni kuli yange, co mukakala na mwonyo! Njikalikumiiya neni cikumiiyo ca myaka yoshe, nakumivezikisa vivezikiso vije vinjakulaesele Ndaviti.

Isaya 61:8

Shukulu Kalunga alinakwendeka ngwendi, “Njazema vushunga, co njizinda vaka-kuyandesa na muuka. Njikana cikandelela vanu vange cakulikumiiya navo, cikumiiyo ca myaka yoshe.

Isaya 63:11

Oloni vanu vendi vanukile vyuma vyakulaja, a matangwa a Mosesa, ngamba ya Shukulu Kalunga, co vehwile ngwavo, “Shukulu Kalunga ali kulijo ololo, uje waamenene vantwama va vanu vendi ku mema a kalunga? Shukulu Kalunga ali kulijo, uje waanene Munzinzime wendi kuli Mosesa?

Njelemiya 32:40

Njikalikumiiya cikumiiyo navo ca ku myaka yoshe. Nalumo lwai njikalikela kulinga vyuma vyavivwa kuli vakevo, vakanjisingimika, ngecivene, nalumo lwai vakashondoloka kuli yange.

Ezekiyele 34:23

Asinoni njikavana kanyungi umolika, ikeye ngamba yange Ndaviti, ikeye akavanyunga, co akapwa kanyungi kavo.

Ezekiyele 37:24

Ngamba yange Ndaviti ikeye akapwa mwene yavo. Voshe vakakala na muka-kwimanena umolika, co vakononoka mashiko ange nakuwanyunga.

Ezekiyele 37:26

Njikalikumiiya navo cikumiiyo ca kwoloka cije ca ku myaka yoshe. Njikavakolesa, co vakapwa vavangi, co njikaka Njuvo yange mu lifuti lyavo, mukemwo muyikakala ku myaka yoshe.

Zakaliya 9:11

Shukulu Kalunga alinakwendeka ngwendi, “Omo cikumiiyo cange neni cije civasatesele na maninga a vin̄ombelo, njikapatula vanu vove, njikavapatula ku mbulu ya vunzinda ije kuyesi na mema.

Mateo 26:28

omwo vinyu evi vinapu maninga ange aje anakolesa cikumiiyo ca Njambi, akwitikila ali vanu vavangi mukuvasambesa ku milonga yavo.

Mako 14:24

Co Yesu wendekele ngwendi, “Awa akewo maninga ange aje akakolesa cikumiiyo ca Njambi akewo akwitikila ali vanu vavangi.

Luka 22:20

Omo vanamanesa kulya wavanene nganja wendekele ngwendi, “Eyi nganja inapu cikumiiyo caciha ca Njambi civanakolesa na maninga ange aje anetikila ali yeni.

Yowano 10:11

“Yange kanyungi wamuvwa, kanyungi wamuvwa ali na cizango cakutsila vimanga.

Yowano 10:14

Yange kanyungi wamuvwa, njizivuka vimanga vange, co na vimanga vange vanjizivuka.

Vilinga vya Miluwa 13:30

Oloni Njambi wamusangwile ku vatsi,

Vilinga vya Miluwa 17:31

Omwo nemika litangwa lije akasompa kaye koshe mu vushunga ali munalume uje yanaangula. Co a cuma eci naana vukaleo kuli munu woshe akusangula munalume uje ku vatsi!”

Vilinga vya Miluwa 2:24

Oloni Njambi wamusangwile ku vatsi, wamupatwile ku nzili ya kutsa, omwo kucatavele ngeci kutsa cimupwise cinzinda.

Vilinga vya Miluwa 2:32

Njambi nasangula ou Yesu ku vatsi, ngeci yetu voshe tunapu vakaleo va vyuma evi.

Vilinga vya Miluwa 3:15

Co mwatsiile uje ikeye vavenya mwonyo, oloni Njambi wamusangwile ku vatsi, co yetu tunapu tu vakaleo va cuma eci.

Vilinga vya Miluwa 4:10

asinoni yeni voshe munapande kuzivuka, na vanu voshe va mu Isalele vanapande kuzivuka ngeci munu ou nemana ku mesho eni nakanguka mwamuvwa mu nzili ya lizina lya Yesu Kilistu wa ku Nazaleta, uje imwashukikile a cilindakano, uje yasangwile Njambi ku vatsi.

Vilinga vya Miluwa 5:30

Njambi ya vakukulwila vetu ikeye wasangwile Yesu ku vatsi, omo munamutsii laja nakumupameya vimbambo a cilindakano.

Loma 1:4

ngwe ku vu Njambi vwendi vwakujela, vamumwesele na nzili yakama kupwa Muna Njambi omo vamusangwile ku vatsi.

Loma 10:7

“Nambe kesi ulihule ngwove, iyajo akashelumuka mwisi ya kaye?” (Eci cinapu ngeci, ulinakutundisa Kilistu ku kutsa).

Loma 15:33

Njambi, nsina ya kwoloka, akale neni voshe. Ewa.

Loma 16:20

Asinoni Njambi, nsina yetu ya kwoloka, ololo akatsena Satana mwisi ya myanja yeni. Kutetela kwa Mwene yetu Yesu kukale amo neni.

Loma 8:11

Nga Munzinzime wa Njambi, uje wasangwile Yesu ku vatsi, akala muli yeni, co uje wasangwile Kilistu ku vatsi ikeye lalo akana mwonyo ku mivila yeni ya kutsa a Munzinzime wendi uje ali muli yeni.

1 Kolinte 14:33

omwo Njambi katusanene tupwe vaka-kujeneka kwononoka, oloni mu lizivasano na mu kwoloka. Ngwe mu vikungulukilo vyoshe vya vanu va Njambi,

1 Kolinte 15:15

Kutuvakana cuma eci, citumwesa ngeci yetu tuvakaleo va makuli va Njambi, omwo twendekele ngwetu wasangwile Kilistu ku vatsi, oloni nga mwa vushunga vatsi kuvakasangukila ku mwonyo, co Njambi kasangwile Kilistu.

1 Kolinte 6:14

Njambi wasangwile Mwene ku vatsi, co ikeye lalo akatusangula na nzili yendi.

2 Kolinte 13:11

Akumanesa, vakwetu, saleniho! Kakateyeni kulumbunuka, tolilileni kukulambela kwange, kaleni na mbunge imo, kaleni mu kwoloka. Co Njambi muka-cizemo na kwoloka akakala amo neni.

2 Kolinte 4:14

Omwo twazivuka ngeci Njambi uje wasangwile Mwene Yesu ku vatsi, ikeye akatusangula lalo amo na Yesu nakutusholola amo neni, ku mesho endi.

Ngalatiya 1:1

Mukanda wakutunda kuli Paulu, muluwa kesi wakusana ku cizango ca vanu nambe kwitilila muli munu umo, oloni ali Yesu Kilistu na Njambi Tate, uje wamusangwile ku vatsi.

Efeso 1:20

ije wapangesele omo wasangwile Kilistu ku vatsi nakumutumbika ku livoko lyendi lya cilyo mu lifuti lya mwilu.

Filipu 4:9

Lingeni vipangi vije mwalilongesele nakuvitambula kuli yange, ku majwi ange na ku vilinga vyange. Co Njambi uje muka-kutwana kwoloka akakala amo neni.

Kolose 2:12

Omo vamimbwitikile, vamitsindile amo na Kilistu, co akumimbwitika lalo vamisangwile amo na Kilistu akukulaela kweni ku nzili ya vipangi vya Njambi, uje wamusangwile ku kutsa.

1 Tesalonika 1:10

nakuvandamena Munendi omo akaija kutunda mwilu, Munendi Yesu, uje yasangwile ku vatsi, co akatupatula ku vukalu vwa Njambi vuje vulinakwija.

1 Tesalonika 5:23

Njambi uje muka-kutwana kwoloka amipwise vaka-kujela mu vyoshe, co anyunge vunu vweni vwoshe, munzinzime, na mwonyo na muvila, kujeneka milonga yoshe akwija kwa Mwene yetu Yesu Kilistu.

2 Tesalonika 3:16

Mwene vavenya, uje wapwa nsina ya kwoloka kwetu, amyane kwoloka a simbu yoshe na mu vingila vyoshe. Mwene akale neni muvavoshe.

VaHevelu 10:22

Ngecivene, tushwenyeni kuyehi na Njambi na vimbunge vya lyovwa-ovwa nakukulaela kwa vushunga, na vimbunge vije vanavijelesa ku citaku-taku ca milonga na mivila ije vanajwelesa na mema akujela.

VaHevelu 10:29

Ngecivene, cikafwa vatijo kuli munu uje ashaula Muna Njambi? Nga apopolola maninga a cikumiiyo ca Njambi ngwe cuma cangoco aje anamujelesa ku vuvi? Co ashaula Munzinzime wa mema ku mbunge? Co cihiso ca munu wangacije cikapwa cakama manene!

VaHevelu 9:20

Co wendekele ngwendi, “Awa akewo maninga akusatesa cikumiiyo ca jambi canashiki ngeci mucononoke.”

1 Petulu 1:21

Ali ikeye munakulaela kuli Njambi, uje wamusangwile ku vatsi nakumwana vumpau, ngeci kukulaela kweni na cinyangavili ceni munavyaka ali Njambi.

1 Petulu 2:25

Yeni mwapwile ngwe mu vimanga vanazimbalesa ngila yavo, oloni ololo muneluka kukava Kanyungi na Muka-Kunyunga myonyo yeni.

1 Petulu 5:4

Co omo Kanyungi Wakama akasholoka, mukatambula cilongo ca vumpau cije kucikatsitsivala.