VaHevelu 13:2 - Livulu lya Shukulu Kalunga

² Anukeni kutambula vangenzi mwamuvwa ku vinjuvo vyeni. Omwo kwakele vamo vacilingile, co vatambwile tungelo kujeneka kuzivuka.

VaHevelu 13:2 Iomraidhean Croise

Kushangumuka 18:1

Shukulu Kalunga washolokele kuli Avilahama kuje ku miti yakujela ya Mamele. Avilahama watumbamene ku cikolo ca mbalaka yendi omwo kwakele ntwima manene,

Kushangumuka 19:1

Cingwezi cije tungelo vavali vezile ku Sondoma, Lote watumbamene ku cikolo ca nganda. Omo Lote wavamwene wakatukile, co wavasheshele. Co watsikamene, nakukulamena asi.

2 Vimyene 4:8

Litangwa limo Elisha waile ku Shuneme, kuje kwakele munakazi wakufuka. Co uje munakazi wamulanyele kukulya, co tunde aje omo Elisha wakele nakuyayaya ku Shuneme, wakele nakulila-lila vyakulya ku njuvo ya uje munakazi na munalume wendi.

Yombi 31:19

“Omo njawanene munu umo kautu, uje kasa kulanda vuzalo,

Yombi 31:32

Njalanyele vangenzi kwija ku njuvo yange, co yange kunjavatavele ngeci valale mushandangala yangoco.

Isaya 58:7

Lipangeleni vyakulya vyeni na vaje vali na njala, co shokolweleni tuutu na vaka-kuyanda ku vinjuvo vyeni. Aneni vuzalo kuli vaje vanajeneka vyakuzala, co kesi muvyane kukwasa vavushoko vweni.

VaLevi 19:34

Kaleni navo mwamuvwa ngwe mumuli nakukala na vakweni vaIsalele, vazemeni ngwe mumwalizema yeni vavenya. Anukeni ngweni neni lalo mwapwile vaka-kwija mu lifuti lya Ingito. Yange njapwa Kalunga Njambi yeni.

Mateo 25:35

Omwo njakele na njala, co mwanjilisile, njakele na lihwila, co mwanjinwisile, njapwile nji mungenzi, co mwanjitambwile,

Mateo 25:40

Co mwene akavakumbulula ngwendi, ‘Mwa vushunga njimileka ngwange, omo mwacilingile kuli umo wa ava vavandondo vasamba vange, mwacilingile kuli yange!’

Mateo 25:43

njapwile nji mungenzi, co kumwanjitambwile, njakele na vuzu, co kumwanjizikile, njakele nakuvinja na mu kamenga, co kumwanjimenekelele.’

Vilinga vya Miluwa 16:15

Co omo vamumbwitikile ikeye na vanu va mu njuvo yendi, co watulanyele ngwendi, “Ijeni mukakale mu njuvo yange nga mwayongola ngweni njinapu njimuka-kukulaela kuli Mwene.” Co watusindiiye ngeci tuye.

Loma 12:13

Lipangeleni vije mulinavyo na vakweni vaka-Yesu vaje vanajeneka, co tambuleni vangenzi mu vinjuvo vyeni.

Loma 16:23

Ngayase, muka-kunjijumbula, uje mu njuvo yendi cikungulukilo cikaliwanena, namitumu viindu vyendi, Elasitase muka-kutulika vimbongo vya mu nganda, na ndolome yetu Kwatase, vanatumu viindu vyavo kuli yeni.

1 Timateo 3:2

Ntwama wa cikungulukilo napande kupwa munu wakujeneka mulonga, napande kupwa munalume wa munakazi umolika, kesi muka-kunwa vyakupendesa, muka-kulinyunga, muka-kulongwa, napande kujumbula vangenzi ku njuvo yendi, uje asa kulongesa vakwavo,

1 Timateo 5:10

co ali na lutsimo lwa vilinga vyavivwa, munakazi uje nalele vana vendi mwamuvwa, muka-kutambula vangenzi ku njuvo yendi, muka-kulinga vilinga vya kulikeesa kuli vakwavo vaka-Yesu, nakukwasa vaje vali mu tuyando nakulikundika ku vipangi vyavivwa.

Tito 1:8

oloni apwe muka-kujumbula vangenzi na muka-kuzema vyavivwa. Napande kupwa muka-kulinyunga, muka-kushungama, muka-kujela na muka-kwononoka.

1 Petulu 4:9

Lijumbuleni umo na mukwavo kujeneka kungunguta.

3 Yowano 1:5

Musamba wange injazema, unapu wa kulongwa mu vipangi vyove ulinakulinga kuli vakweni vaka-Yesu, nameme omo vakevo vanapu vangenzi.