VaHevelu 13:16 - Livulu lya Shukulu Kalunga

¹⁶ Kesi mwivale kulinga mwamuvwa nakulikwasa umo na mukwavo, omwo evi vikevyo n̄ombelo vivwaelelesa Njambi.

VaHevelu 13:16 Iomraidhean Croise

Myaso 37:3

Kulaela kuli Shukulu Kalunga, co linga mwamuvwa, kala mu lifuti, co yoya mwamuvwa.

Myaso 51:19

Asinoni ukavwaelela na vin̄ombelo vyavivwa, na vin̄ombelo vyetu vya kwenyeka, co vakakombelela vingombe va nkomba a mutula wove.

Luka 18:22

Omo Yesu wazivile evi, wendekele kuli ikeye ngwendi, “Kunalitulu cuma cimo ciwunapande kulinga. Ya ukalandese vyoshe ulinavyo ukaane vimbongo ku tuutu, co ukakala na vufuko mwilu, asinoni wije unjikave.”

Vilinga vya Miluwa 10:38

Mwazivuka vya Yesu wa ku Nazaleta na muje Njambi wamuvwavesele Munzinzime Wakujela na nzili. Wendanganene kwoshe-ikwoshe nakulinga vyavivwa nakukangwisa voshe vaje vakele mwisi ya nzili ya Liyavola, omwo Njambi wakele amo nendi.

Vilinga vya Miluwa 9:36

Mu Yopa mwakele munakazi umo lizina lyendi Tambita, uje wapwile muka-kukulaela. (Lizina lyendi mu ciNgiliki ikeye Ndokasi, kulumbunuka ngwavo “shonge.”) Simbu yendi yoshe wakele nakulinga vyavivwa nakukwasa tuutu.

Loma 12:13

Lipangeleni vije mulinavyo na vakweni vaka-Yesu vaje vanajeneka, co tambuleni vangenzi mu vinjuvo vyeni.

Ngalatiya 6:10

Ngecivene, ngwe omo tuli na simbu, tunapande kulingila vuvwa kuli munu na munu, vunene vene kuli vaje vanakundama ku naanga yetu mukukulaela.

Ngalatiya 6:6

Munu uje valinakulongesa lijwi lya vuka-Yesu napande kulipangela vyuma vyoshe vyavivwa vije alinavyo na mulongisi wendi.

Efeso 4:28

Munu uje wevile kapandele lalo kwiva, napande kushangumuka kupanga, ngeci ayoye mwamuvwa ikeye vavenya, co ase kukwasa lalo tuutu.

Filipu 4:14

Oloni capwile cacivwa manene kuli yeni akunjikwasa mu tuyando twange.

Filipu 4:18

Ngecivene, njilinakutuma vukaleo vwa vyuma vyoshe vije mwatumine kuli yange, vikevyo vyajawisa kujeneka kwange kwoshe! Ololo njili nevi vyoshe njishaka omwo Epafolonditu nanjinenela vwana vweni vwoshe. Vukevwo vunapu ngwe mulambu wakunika lwengo lwaluvwa kuli Njambi, n̄ombelo ije yatambula nakumuvwaelelesa ikeye.

1 Tesalonika 5:15

Kengeni ngeci kesi kukale umo elwisa vuvi ku vuvi, oloni simbu yoshe pweni vaka-kulinga mwamuvwa kuli umo na mukwavo na kuli vanu voshe.

2 Tesalonika 3:13

Oloni yeni, vakwetu, kumwapandele kujuka kulinga mwamuvwa.

1 Timateo 6:18

Vashike kulinga mwamuvwa, kupwa vaka-kufuka mu vipangi vyavivwa, vapwe vaka-kushemutuka nakulivwaesela kwanako vakwavo veka lalo.

Filimoni 1:6

co njilombela ngwange kulitombola kwetu amo neni akupwa vaka-kukulaela kukanena kuzivisisa kwa vivezikiso vyoshe vije tulinavyo mu mwonyo wetu muli Kilistu.

VaHevelu 6:10

Omwo Njambi kesi kwonwa, ngeci evale vipangi vyeni vimwalingile, nambe cizemo cendi cimunamwesa omwo lizina lyendi, omo yeni mwakwasele vaka-kukulaela, na ololo mucili nakuvakwasa.

3 Yowano 1:11

Musamba wange injazema, kesi utembunwine vije vyavivi, oloni tembuwina vije vyavivwa. Woshe uje alinga vyavivwa ikeye wakundama kuli Njambi, woshe uje alinga vyavivi kamwene Njambi.