VaHevelu 12:4 - Livulu lya Shukulu Kalunga

⁴ Omwo akuundangana kweni kwakulwisa vuvi, kanda mucilwe nzita na ashongo yakumitsiya.

VaHevelu 12:4 Iomraidhean Croise

Mateo 24:9

“Asinoni vakamikwata nakumiyandesa nakumitsiya, co miyati yoshe vakamizinda omwo lizina lyange.

1 Kolinte 10:13

Vyeseko vyoshe vilinakwija kuli yeni vinapu ngwe vije vakeseka navyo vanu voshe. Oloni Njambi akanyungu cikulaeso cendi, co katava ngeci vamyeseke na vyeseko vyakutuvakana nzili yeni ngeci mwimane mbe, a simbu ije vamyeseka, ikeye akamyana nzili yakukolesa, co amisholwela ngila ngeci mwase kutundamo.

Filipu 2:8

Co walikeesele nakwenda mu ngila yakwononoka kutwala ku kutsa kwendi, kutsa kwendi a cilindakano.

VaHevelu 12:2

Co tukengeni mesho etu ntoma ali Yesu, ali uje kukulaela kwetu cinemana kutunda kukushangumuka kwetu na ku shongo. Kajukile omwo cilindakano! Omwo kujolela cije camuvandamenene, kazivile shwamwa omwo kutsa a cilindakano, co ololo natumbama ku livoko lya cilyo lya litanda lya Njambi.

VaHevelu 13:13

Ngecivene, ijeni tuye kuli ikeye anja ya cilombo ngeci tukazivile shwamwa yendi amo.

Kujombolola 12:11

Vamuhyanene a maninga a Muna Manga na a vushunga vuje vambulwile, omwo vakele na cizango cakwecela myonyo yavo noo kutsa.

Kujombolola 17:6

Co njamwene ngeci uje munakazi wapendele na maninga a vanu va Njambi na maninga a vaje vavatsiile omwo vapwile va kulongwa kuli Yesu. Omo njamumwene njalikomokelele manene.

Kujombolola 18:24

Mbambilone vainyanyamesele omwo maninga a vaka-kwimanena naa a vanu va Njambi aje avawanene mu nganda, eyo maninga a vaje voshe vavatsiile ano asi.”

Kujombolola 2:13

Njizivuka kuje kuwakala, kuje kwakala litanda lya Satana. Yove unapu muka-vushunga kuli yange, co kuwombilile kukulaela kwove kuli yange, nameme mu simbu omo Antipase, mukaleo wange wa kulongwa vamutsiilile kuje vene kwakala Satana.