VaHevelu 12:3 - Livulu lya Shukulu Kalunga

³ Yongoleni muje mwetile, omo wayandelele vizindo vya vaka-vuvi! Ngecivene, kesi mujuke kulinga mwamuvwa nambe kwenukwa.

VaHevelu 12:3 Iomraidhean Croise

Visimo 24:10

Nga uzeya a simbu ya vukalu, co nzili yove ipwa yaindondo.

Isaya 50:4

Shukulu Kalunga wa Akamwa ya Vyoshe nanjilongesa vije vyakwendeka, ngeci njase kutakamesa vaje vanajuka. A mutondo na mutondo akanjiindula ngeci njizive vije vyanjilongesa.

Mateo 11:19

Omo Muna Munu wezile, ikeye walile nakunwa, co vanu vendekele ngwavo, ‘Kengeni ou munalume! Watsa akulya na akunwa vinyu, musamba wa vaka-kutambula lisimu na vaka-vuvi!’ Oloni mana a Njambi anasholoka kupwa a vushunga a vilinga vyawo.”

Mateo 12:24

Oloni omo vaFaliseo vavazivile, vendekele ngwavo, “Munalume ou alinakutundisa minzinzime yakujwala omwo ali na nzili yanamwana Mbelezembulu mwene ya minzinzime yakujwala.”

Mateo 15:2

“Omwo vikajo vandongisi vove vakaleulula vilongesa vya vakukulwila vetu? Omwo vakevo kuvesi kujwela ku mavoko avo omo valya!”

Mateo 21:23

Co omo Yesu wakovelele mu Njuvo ya Shukulu Kalunga, co omo wavalongesele, vakulunu va vaka-kukombelela na vakulunu vezile kuli ikeye, vamwihwile ngwavo, “Na moko yeyajo ulinakulinga nayo vyuma evi? Iyajo nakwana moko eyi?”

Mateo 21:46

ngecivene, vashakele kumukwata. Oloni vazivile lyova lya mbunga ya vanu vaje vamwene ngeci Yesu napu muka-kwimanena.

Mateo 22:15

Asinoni vaFaliseo vaile nakutumba vutumbe ngeci vakamweseke na vihula.

Luka 14:1

Yesu wakovelele mu njuvo ya mukulunu umo wa vaFaliseo nakulya nendi a Litangwa Lyakuhwima, co vanu vamukengelele.

Luka 15:2

vaFaliseo na valongisi va majwi a Lishiko vangungutile ngwavo, “Ou munalume akatambula vaka-vuvi nakulya navo.”

Luka 16:14

Omo vaFaliseo vazivile vyoshe evi, co vakevo vashendumwine Yesu, omwo vazemene vimbongo.

Luka 2:34

Co Simyoni wavavezikisile wendekele kuli Maliya ngwendi, “Mwanike ou vamwangwile kuli Njambi mukunyongesa nakwamena vavangi mu Isalele. Akapwa cizivukiso cakutunda kuli Njambi cije vanu vavangi vakendeka nakucilwisa,

Luka 5:21

Valongisi va majwi a Lishiko na vaFaliseo vashangumukile kwendeka akati kavo ngwavo, “Iya ou munalume alinakushaula Njambi? Njambi lika ikeye muka-kusambesa vuvi!”

Yowano 10:20

Vamo vavo vavangi vendekele ngwavo, “Ali na munzinzime wakujwala! Co nazaluka! Omwo vikajo mulinakumutolilila?”

Yowano 18:22

Omo Yesu wendekele ngacije, umo wa vaka-kunyunga wemanene kuje wapupile Yesu mbanda wendekele ngwendi, “Yove ukumbulula Muka-kukombelela Wakama ngacije ndi?”

Yowano 5:16

Co vashangumukile kupakesa Yesu, omwo wakangwisile munu ou a Litangwa Lyakuhwima.

Yowano 7:12

Co kuje kwakele kungunguta ali ikeye mu mbunga ije, vamo vanu vendekele ngwavo, “Napu munu wamuvwa.” Co veka lalo ngwavo, “Embwe, alinakutangula vanu.”

Yowano 8:13

VaFaliseo vendekele kuli ikeye ngwavo, “Ulinakulilingila yove vavenya vukaleo, oloni vukaleo vwove kesi vwa vushunga embwe.”

Yowano 8:52

Va Yesu vendekele kuli ikeye ngwavo, “Mwa vushunga ololo tunamono ngeci muli yove muli munzinzime wakujwala! Avilahama watsa, na vaka-kwimanena vatsa, co yove wendeka ngwove woshe ononoka vilongesa vyove kakatsi.

Yowano 8:59

Ngecivene, vanonele mamanya ngeci vamwashe, oloni Yesu walavukile, co watundile mu Njuvo ya Shukulu Kalunga.

Yowano 9:40

VaFaliseo vamo vaje vakele nendi omo vazivile vije vyendekele, co vendekele kuli ikeye ngwavo, “Kuma utumbula lalo yetu ngwove tutupuputwa ndi?”

1 Kolinte 15:58

Ngecivene, vavusamba vange va cizemo, imaneni mbe kujeneka kuwa. Simbu yoshe pangeni na nzili mu vipangi vyeni kuli Mwene, omwo munazivuka ngweni vipangi vyeni mulinakupanga muli Mwene kuvyesi nakuya mwangoco.

2 Kolinte 4:1

Njambi mukutetela kwendi natwana vipangi evi, ngecivene, kutwasa kujuka.

2 Kolinte 4:16

Omwo cuma eci kutwasa kwombwa nambe muvila wetu ulinakunyonga, oloni munu wetu wa mukati akatulingisa vuhwa a litangwa na litangwa.

Ngalatiya 6:9

Ngecivene, kesi tujuke mukulinga mwamuvwa embwe, omwo nga kutujuka, simbu ikaija omo tukateja.

Kwituluka mu Mashiko 20:3

‘Tolilileni yeni vaIsalele! Ku litangwa lya lelo mulinakuya ku nzita. Kesi muzive lyova lya vitozi veni, nambe mulijujukile mu vimbunge vyeni, nambe kuvupuka,

2 Tesalonika 3:13

Oloni yeni, vakwetu, kumwapandele kujuka kulinga mwamuvwa.

VaHevelu 12:2

Co tukengeni mesho etu ntoma ali Yesu, ali uje kukulaela kwetu cinemana kutunda kukushangumuka kwetu na ku shongo. Kajukile omwo cilindakano! Omwo kujolela cije camuvandamenene, kazivile shwamwa omwo kutsa a cilindakano, co ololo natumbama ku livoko lya cilyo lya litanda lya Njambi.

VaHevelu 12:5

Kuma yeni munevala mwaya majwi akumikolesa aje Njambi wendekele kuli yeni akupwa mu vana vendi ndi? “Munage, tolilila omo Shukulu Kalunga akunyanyamesa, co kesi uviilile omo akuvindika.

VaHevelu 3:1

Vakwetu muli Yesu, vaje vasanene Njambi! Yongoleni ali Yesu, uje yatumine Njambi kupwa Muka-kukombelela Wakama kukukulaela kuje tunatava.

1 Petulu 2:23

Omo vamushawile, kelwisile lalo vituka, omo wayandele, ikeye kalishungwiiye, oloni waakele cinyangavili cendi muli Njambi, lyaako wa vushunga.

Kujombolola 2:3

Unapu u muka-kusimpa vene, unayanda na n̄avava omwo lizina lyange, co kuwaombwanesele embwe.

1 Samwele 12:24

Ononokeni Shukulu Kalunga nakumupangela na kulongwa na mbunge yeni yoshe. Anukeni vyuma vyakama vyanamilingila.