VaHevelu 12:27 - Livulu lya Shukulu Kalunga

²⁷ Lijwi eli, “lalo” litumwesa mwamuvwa ngeci vyuma vyakutanga vakavijajesa nakuvishandola, ngeci vyuma vije kuvikajaja vikevyo vikasalao.

VaHevelu 12:27 Iomraidhean Croise

Isaya 34:4

Litangwa, na ngonde, na vingongonosi vikanyongolokota. Lilu vakalizenga ngwe livulu, co vingongonosi vikawa ngwe maputa atotomoka ku mukolovozi wa vushuka vwa vinyu nambe ku muti wa mukuyu.

Isaya 54:10

Minkinda na malundu vikazimangana, oloni cizemo cange ali yeni kucikahu, njikanyunga cikumiiyo cange cakumyana kwoloka ku myaka yoshe.” Ngwendi Shukulu Kalunga uje wakuzema.

Isaya 65:17

Shukulu Kalunga alinakwendeka ngwendi, “Njitanga kaye kakaha na melu amaha. Vyuma vyalaja vikahwa, co vakavivala.

Isaya 66:22

“Ngwe kaye kakaha na melu amaha vikeshwala simbu yakama, ngecivene, vatekulwila vove na lizina lyove vikeshwala.

Ezekiyele 21:27

Kunyongesa, kunyongesa! Eyo, njikanyongesa eyi nganda. Oloni kucikalingiwa kuvanga naija uje injinaangula kuhisa nganda. Asinoni njikamwanayo.

Hangai 2:21

“Leka Zelumbambele, nguvulu wa mu Yunda ngwove, njikajajesa lilu na asi,

Mateo 24:35

Lilu na asi vikaita, oloni majwi ange kuwakaiti embwe.

Loma 8:19

Omwo vyakutanga vyoshe vili na cizango cakukengelela Njambi ngeci asholole vana vendi.

Loma 8:21

ngeci vyakutanga ku litangwa limo vikapatuke ku vundungo vwa kutsa, co vikakale na vumpau vwakupatuka kwa vana va Njambi.

1 Kolinte 7:31

vaje valinakupangela vufuko vwa ano a kaye, vapwe ngwe kuvavupangelele. Omwo kano kaye, ngwe mukalimo ololo, kukakakalako simbu yakama.

VaHevelu 1:10

Co ikeye wendekele lalo ngwendi, “Yove, Shukulu Kalunga avushangumukilo watangele kaye, co melu anapu vipangi vya mavoko ove.

VaHevelu 13:14

Omwo kutwesi na nganda yakwishwala ano asi, oloni tulinakukengelela nganda ije ilinakwija.

VaHevelu 9:11

Oloni Kilistu naija laja Muka-kukombelela Wakama wa vyuma vyavivwa vije tulinavyo laja ano. Mbalaka muje alinakupangela yakama manene, co ikeyo yakujela, ikeyo kuvaitungile kuli vanu embwe, ikeyo kuyakundamene ku mutambela wakutanga wa kano kaye.

Kujombolola 11:15

Asinoni kangelo wamucitanu na vavali wembile lupembo lwendi, co kwakele majwi akama mwilu endekele ngwawo, “Nzili yakushwana kaye ololo inakundama kuli Mwene yetu na Wakuvwavesa wendi, co akashwana myaka yoshe!”

Kujombolola 21:1

Asinoni njamwene lilu lyaliha na kaye kakaha. Lilu lyakulivanga na kaye kakulivanga vyahwile, co mema a kalunga kuwakeleko lalo.

Kujombolola 21:4

Akasikumuna misozi yoshe ku mesho avo. Co kukukakala kutsa nambe vusiwa nambe kulila nambe kukemanga. Omwo vyuma vyalaja vineti.”

Kujombolola 21:5

Co uje watumbamene a litanda wendekele ngwendi, “Ololo njikalinga vyuma vyoshe vipwe yaviha!” Ikeye wendekele lalo kuli yange ngwendi, “Soneka evi, omwo majwi awa anapu a vushunga, vasa kuwakulaela.”