VaHevelu 12:19 - Livulu lya Shukulu Kalunga

¹⁹ kusika kwa lupembo, na cililimo ca lijwi. Omo vanu vazivile lijwi, co valombele ngwavo kesi vazive lijwi likwavo lalo embwe,

VaHevelu 12:19 Iomraidhean Croise

Kutuuka 20:22

Shukulu Kalunga washikile Mosesa endeke kuli vaIsalele ngwendi, “Munamono ngeci yange Kalunga njinendeka kuli yeni kutunda mwilu.

Mateo 24:31

Co lupembo lwakama lukaimba, co akatuma tungelo twendi ku vimbango viwana vya ano asi, co vakakungulula vanu vendi vaje vaangwile kutunda ku shongo imo ya kaye nakweta ku shongo ikwavo ya kaye.

1 Kolinte 15:52

vwasi-vwasi, ngwe kukapula kwa lisho, omo lupembo lwakukotoka lukaimba. Omo lupembo lukaimba, co vatsi vakasanguka, kuvakatsi lalo, co yetu voshe tukemuka.

Kwituluka mu Mashiko 18:16

“A litangwa lije mwakungulukilile ku Munkinda wa Sinai, yeni mwanjilombele ngweni, ‘Kesi tuzive lalo lijwi lya Shukulu Kalunga Njambi yetu endeka, nambe kumona tuhya twa vumpau vwa ku mesho endi embwe, kutewa tutsa.’

Kwituluka mu Mashiko 4:11

“Mwashwenyele kuyehi nakwimana kwisi ya munkinda uje washwamene na tuhya twakweta ndo na mwilu, na mashelwa akuzivala na lisusulungu vwi.

Kwituluka mu Mashiko 4:12

Asinoni Shukulu Kalunga wendekele kuli yeni oku ali mukati ka tuhya, co mwazivile lika omo mwakele nakwendeka, oloni kumwamwene cifwa cendi embwe.

Kwituluka mu Mashiko 4:33

Kuli vanu vamo vazivile lijwi lya njambi weka lyendeka kuli vakevo kutunda mukati ka tuhya ngwe mumwazivile yeni, co vayoye ndi?

1 Tesalonika 4:16

Kukakala mutambi wa lijwi lyakama lyakushika, lijwi lya kangelo wakama, nakwoya kwa lupembo lwa Njambi, co Mwene ikeye vavenya akashuluka kutunda mwilu. Co vaje vatsile mukukulaela kuli Kilistu vakasangukila ku mwonyo akulivanga,

VaHevelu 12:25

Ngecivene, nyanyameni kesi mukanangane uje alinakwendeka kuli yeni. Vaje vavyanene kumutolilila uje wendekele majwi a Njambi ano asi kavasele kuputumuka, co yetu tukaputumuka vati, nga tukengesa nima kuli ou alinakwendeka mwilu?