VaHevelu 12:14 - Livulu lya Shukulu Kalunga

¹⁴ Esekeni kukala mu kwoloka na vanu voshe, co lalo esekeni kuyoya na lyovwa-ovwa, omwo nga evi vyahi ku munu, co kakamono Mwene.

VaHevelu 12:14 Iomraidhean Croise

Kushangumuka 32:30

Yakomba wendekele ngwendi, “Njamono Njambi mesho na mesho, kuma njiciyoya!” Co walukile lizina lya uje mwela Penyele.

Yombi 19:26

Nameme cikonde cange cinaliwa na mushongo, kunjikamono Njambi mu muvila ou,

Yombi 33:26

Omo alombela kuli Njambi, co Njambi amumwesa ngozi, co akalemesa Njambi nakujolela, co Njambi akamulingila vyuma vyavivwa lalo.

Myaso 120:6

Njinakala simbu yakama akati ka vanu vaje vazinda kwoloka.

Myaso 133:1

Kengeni muvwapwa vuvwa nakuvwaelela omo vanu va Njambi vakala amo na mbunge imo.

Myaso 34:14

Atunde ku vuvi nakulinga vyuma vyavivwa, ashakezeke nakukavangeya kwoloka.

Myaso 38:20

Vaje vapwisa vyavivwa kupwa vyavivi, vanapu vaka-n̄ole yange omwo njikalingi vushunga.

Myaso 94:15

Vushunga vukeluka lalo ku vaka-kulongwa, co voshe vaje vaka-kupanga mwamuvwa vakavukavangeya.

Visimo 15:1

Kukumbulula kwakuvwa kwolwesa vukalu, oloni lijwi lyakuvavalesa mbunge, lishangumuna vukalu.

Visimo 16:7

Omo uvwaelelesa Shukulu Kalunga, nameme vitozi vove vapwa vasamba.

Visimo 17:14

Kushangumuka vimata kunapu ngwe mema azikuka mu lishali, ngecivene, likele kushangumuka vimata simbu kanda lwozi lushangumuke.

Isaya 51:1

Shukulu Kalunga alinakwendeka ngwendi, “Tolilileni kuli yange, yeni mushaka kumyamena, yeni mwija kuli yange mukumikwasa. Yongoleni limanya kuje kumwatundile, na ku mbulu kuje kuvamiindile.

Mako 9:50

“Mwongwa wapwa wauvwa, oloni nga ushamuka, utovala vatijo? “Co kaleni na mwongwa wa vusamba vwa kulitombola akati keni, kaleni mu kwoloka umo na mukwavo.”

Luka 1:75

ngeci tupwe vakujela na vaka-vushunga ku mesho endi, matangwa oshe akuyoya kwetu.

Loma 12:18

Lingeni vyuma vyoshe ngwe mumunasela nakuyoya mu kwoloka kuli munu na munu.

Loma 14:19

Ngecivene, simbu yoshe tunapande kuyongola a vyuma vije vinena kwoloka na vije vikwasa kutakamesa kuli umo na mukwavo.

Loma 6:22

Oloni ololo vanamipatula ku vuvi, co munapu vindungo va Njambi. Fweto yeni inapu mwonyo uje wakulikundika kuli ikeye, cikeco cinena mwonyo wa myaka yoshe.

1 Kolinte 1:10

Njimilambelela vavusamba vange, na moko ya Mwene yetu Yesu Kilistu ngwange, lizivasaneni mu vyoshe vimwendeka, ngeci kesi kukakale kulyangunuka akati keni. Oloni litomboleni mwamuvwa, na viyongola vimo na cizango cimo.

1 Kolinte 13:12

Evi tulinakumona ololo tuvimona a kalikengelo ngwe kavwivwi, oloni kulutwe tukamona mesho na mesho. Vije njazivuka ololo vinapu vyavindondo, oloni kulutwe vikapwa vyakushula mwa vushunga, vikapwa vyakushula ngwe muje mwananjizivukisilavyo Njambi.

2 Kolinte 6:17

Ngecivene, Shukulu Kalunga alinakwendeka ngwendi, “Munapande kuvaseza, co tundeni kuli vakevo. Kesi mulinge cuma cimo a vyuma vyakujwala, co njikamitambula.

2 Kolinte 7:1

Vikulaeso vyoshe evi vavilingilile yetu, vasamba vange. Ngecivene, tulijeleseni ku vyuma vyoshe vije vijwalesa muvila nambe mwonyo, co tupweni vakujela njwa akuyoya kwetu mukusingimika Njambi.

Ngalatiya 3:21

Kuma eci cinalumbunuka ngeci Majwi a Lishiko alinakulwisa cikulaeso ca Njambi ndi? Embwe, kesi ngoco! Omwo nga vanu vatambwile majwi a lishiko aje asa kunena kuyoya, co munu woshe asa kupwa muka-vushunga ku mesho a Njambi akuwononoka.

Efeso 5:5

Mwa vushunga, naumo wai muka-vupangala, nambe muka-mazilo, nambe muka-cipululu, (omwo cipululu citwala kukulemesa tumponya) kesi na mutambela mu Vumwene vwa Kilistu na Njambi.

Filipu 3:12

Kunjendeka ngwange njinahyana laja mu cuma eci embwe, nambe ngwange njajele laja embwe. Oloni njilinakukakateya mukweseka kuwana cikandelela cije Kilistu Yesu nanjitambwilaco laja.

1 Tesalonika 3:13

Mu ngila eyi akamitakamesa, co mukapwa vakulambasa na vaka-kujela ku mesho a Njambi yetu na Tatetu omo Mwene yetu Yesu akaija na voshe vaje vanakundama kuli ikeye.

1 Tesalonika 4:7

Omwo Njambi katusanene ngeci tuyoye mu vupangala embwe, oloni mukujela.

1 Tesalonika 5:15

Kengeni ngeci kesi kukale umo elwisa vuvi ku vuvi, oloni simbu yoshe pweni vaka-kulinga mwamuvwa kuli umo na mukwavo na kuli vanu voshe.

1 Timateo 6:11

Oloni ali yove munu wa Njambi, tewa vyuma vyoshe vije. Kavangeya vushunga na vu Njambi nakukulaela na cizemo na lukakateya na kwoloka.

2 Timateo 2:22

Tewa ku mashungu a vukwenje, pangela lika vushunga nakukulaela na cizemo na kwoloka, amolika na vaje vatambeka kuli mwene na vimbunge vyakujela.

VaHevelu 12:10

Vatatetu va cisemwa ca ano asi vatunyanyamesa kasimbu kakandondo lika, ngwe mucinasholoka vushunga ku mesho avo, oloni Njambi alinakucilinga ngeci tupwe vakujela tukalipangele vumpau vwendi.

VaHevelu 9:28

Mu cifwa eci vene, Kilistu lalo walyanene mukulikombelela lumo mukutundisa vivi vya vavangi. Akajomboloka simbu yamucivali, kesi lalo akendeka a vuvi embwe, oloni mukwovola vaje vanamuvandamena.

1 Petulu 3:11

Napande kutunda ku vuvi nakulinga vyuma vyavivwa, napande kushakezeka kwoloka na mbunge yendi yoshe.

1 Petulu 3:13

Iyajo akamivulumuna nga muli na cizango cakulinga vyavivwa?

2 Petulu 3:11

Omwo vyuma vyoshe evi vikanyonga mu cifwa eci vene, co yeni munapande kukapwa vanu va muyati uka? Kuyoya kweni kunapande kupwa kwakujela nakulikundika kuli Njambi,

2 Petulu 3:18

Oloni kakateyeni nakukola mu kutetela na mu mana vya Mwene yetu na Muyoyesi wetu Yesu Kilistu. Kuli ikeye kukale vumpau, ololo na ku myaka yoshe! Ewa.

3 Yowano 1:11

Musamba wange injazema, kesi utembunwine vije vyavivi, oloni tembuwina vije vyavivwa. Woshe uje alinga vyavivwa ikeye wakundama kuli Njambi, woshe uje alinga vyavivi kamwene Njambi.

Maako 11:14

Njefeta watumineko lalo tunganda kuli mwene wa vaAmoni,