VaHevelu 12:1 - Livulu lya Shukulu Kalunga

¹ Ngecivene, omwo tuli na mbunga ya vakaleo vavangi vanatuzengeleka. Tutuleni vyuma vyoshe vije vinatulemena, na vuvi vuje vunakakateya ali yetu mbe, co tushatukeni lumbisi na lukakateya seteko ije vanaka kulutwe lwetu.

VaHevelu 12:1 Iomraidhean Croise

Yombi 8:10

Oloni tava vanalume va ku san̄ulu vakunyanyama vakulongese, yove tolilila lika vije vendeka ngwavo,

Myaso 18:23

Nazivuka ngeci kunjesi na mulonga, co njalinyunga ku vuvi.

Isaya 60:8

Mato avikajo awa alinakupekumuka ngwe mashelwa? Ngwe tutela vaje veluka ku mashwa avo?

Ezekiyele 38:16

Ukalwisa vanu vange va Isalele ngwe kankumba kafwika lifuti. Omo simbu ikaija, njikakutuma ukakovelele lifuti lyange ngeci miyati vakanjizivuke, mukumwesa kujela kwange a vije vinjilinga muli yove.

Ezekiyele 38:9

Ikeye na mashwalale vendi na miyati yaingi vaje vali amo nendi vakalwa ngwe kankumba, co vakafwika lifuti ngwe lishelwa.”

Mateo 10:22

Co vanu voshe vakamizinda omwo lizina lyange. Oloni uje akakateya nakweta ku shongo akovoka.

Mateo 24:13

Oloni woshe uje akakateya na ku shongo akovoka.

Mako 10:50

Co wombilile cikoveyo cendi, walupukile, co wezile kuli Yesu.

Luka 12:15

Co wendekele navo voshe ngwendi, “Nyanyameni nakulinyunga ku cipululu coshe, omwo kuyoya kwa munu kukwakundamene ku vyuma vyali navyo, nambe afuke vati.”

Luka 16:28

kuje kuli vandolome vange vatanu. Aye akavanangule kutewa vaija kuno ku mwela wa tuyando twakama ngacije.’

Luka 21:34

“Nyanyameni! Kesi mushote manene vimbunge vyeni akulya na akunwa na a vishoti vya mwonyo ou, kutewa Litangwa lije likamikasumuna ngwe muukamwashuka mweto.

Yowano 3:32

Alinakusimutwiya vije vyanamono, co na vije vyanazivi, oloni naumo wai atambula muzimbu wendi.

Yowano 4:39

VaSamaliya vavangi va mu nganda ije vakulaelele kuli Yesu omwo uje munakazi wendekele ngwendi, “Nanjileka vyuma vyoshe vinjalingile.”

Yowano 4:44

Omwo ikeye vavenya wendekele ngwendi, “Muka-kwimanena naumo wai ivasingimika mu lifuti lyendi.”

Loma 12:12

Cinyangavili ceni cimivwaelelese, pweni vaka-lukakateya mu tuyando tweni, co lombeleni simbu yoshe.

Loma 2:7

Vamo vanu valinakulinga mwamuvwa nakushakezeka vumpau na kasingimiko na mwonyo wa myaka yoshe, kuli vakevo Njambi akavana mwonyo wa myaka yoshe.

2 Kolinte 7:1

Vikulaeso vyoshe evi vavilingilile yetu, vasamba vange. Ngecivene, tulijeleseni ku vyuma vyoshe vije vijwalesa muvila nambe mwonyo, co tupweni vakujela njwa akuyoya kwetu mukusingimika Njambi.

Ngalatiya 2:2

Njaile omwo Njambi washolwele kuli yange ngeci njapande kuya. Omo twalikungulwile mu vushweke na vantwama, njanungulwile muzimbu uje njambulwile kuli vaje kesi vaYunda. Kunjashakele vipangi vyange vya kunima nambe vya ololo vyonwe embwe.

Ngalatiya 5:7

Mwakele nakulinga mwamuvwa! Iyajo namivindika kwononoka vushunga! Iyajo wamisindiiye?

Efeso 4:25

Ngecivene, kesi mwendeke makuli lalo! Munu na munu napande kwendeka vushunga kuli mukwavo muka-kukulaela, omwo yetu voshe tunapu vilyo vimolika mu muvila wa Kilistu.

Filipu 1:30

Ololo mwasa kuwana mutambela wakulwa amo nange. Inapu nzita imolika ngeci ije mwamwene njilinakulwa ku simbu ya kunima, co ngwe mumwazivi, anga vene njilinakulwa ololo.

Filipu 2:16

omo muvambulwila lijwi lya mwonyo. Nga mulinga ngacije, njikakala na cuma cakulyalesela ali yeni a Litangwa lya Kilistu, omwo eci cikasholoka ngeci nzili yange yoshe na vipangi vyange kuvyaile mwangoco embwe.

2 Timateo 2:4

Lishwalale naumo wai asa kulinga nevi nevi mu vipangi vyendi vya vushwalale, omwo viyongola vyendi vinapu kushaka kuvwaelelesa uje ntwama yendi.

2 Timateo 4:7

Njinalu nzita yaivwa, co njinashatuka nakwetesa seteko yange, co njinanyungu kukulaela.

VaHevelu 6:15

Co Avilahama wasimpile, co watambwile vije vyamukulaesele Njambi.

Yakomba 1:3

omwo munazivuka ngweni kweseka kwakukulaela kweni kulingisa lukakateya.

1 Petulu 2:1

Ngecivene, umbileni kuti vyuma vyoshe vyavivi, kesi mwendeke makuli lalo, nambe kulinga civembulu, nambe lifuwa, nambe vyendeka vyakushaula.

1 Petulu 4:2

Ngecivene, kutunda ano kutwala kulutwe, munapande kuyoya yoyesi yeni ya ano asi ku nzili ya vutumbe vwa cizango ca Njambi, kesi ku mashungu a vunu embwe.

1 Petulu 5:1

Yange, akupwako nange lalo nji mukulunu, njilambelela vakulunu va cikungulukilo akati keni. Njinapu nji mukaleo wa tuyando twa Kilistu, co nange njikatambula mutambela wa vumpau vuje vukasholoka. Njimilambelela ngwange,

1 Petulu 5:12

Njinamisonekela mukanda ou waundondo akukwasa kwa Silase, uje unjinakulaela ngwe ndolome mu vuka-Yesu. Njishaka kumitakamesa nakumyana vukaleo ngeci oku kukekwo kutetela kwa vushunga vwa Njambi. Imaneni mbe mu cikeco.

2 Petulu 1:6

co ku mana eni wezeleleniko kulinyunga, co ku kulinyunga kweni wezeleleniko lukakateya, co ku lukakateya lweni wezeleleniko vuNjambi,

Kujombolola 1:9

Yange Yowano, ndolome yeni, co akupwa ndongisi ya Yesu njili amo neni na lukakateya mu n̄avava ije ilinakwija kuli vaje vanakundama ku Vumwene vwendi. Vanjakele a lin̄anda lya Patimose omwo njambulwile lijwi lya Njambi lya vushunga vuje vwasholwele Yesu.

Kujombolola 13:10

Woshe uje vatwala ku vunzinda, mwa vushunga vene akaya ku vunzinda, woshe uje vakatsiya na moko ya mukwale, mwa vushunga vene akatsa na moko ya mukwale. Aa akeo vene anapande lukakateya nakukulaela kuli vanu va Njambi.”

Kujombolola 22:16

“Yange Yesu, njinatumu kangelo kange nakwambulula vyuma evi kuli yeni mu vikungulukilo. Yange njatunda ku naanga ya Ndaviti, yange litota lyakuvyazima lya mutondo.”

Kujombolola 3:10

Omwo unanyungu lijwi lyange nakupwa muka-kusimpa, co lalo njikakunyunga a simbu ya tuyando tuje tulinakwija mu kaye koshe nakweseka vanu voshe va ano asi.