VaHevelu 11:9 - Livulu lya Shukulu Kalunga

⁹ Akukulaela wayoyele mu lifuti lije lyamukulaesele Njambi, nambe ngwe ikeye wakele mu lifuti lya vungenzi. Wakele mu vimbalaka, ngwe mwalingile Isake na Yakomba, ava na vakevo lalo vatambwile cikulaeso ca cifwa cimo kuli Njambi.

VaHevelu 11:9 Iomraidhean Croise

Kushangumuka 12:8

Co akutunda kuje, Avilama wakengeselele mu mbwela ku lifuti lya malundu mu ngangela ya nganda ya Mbetele. Co watungile cilombo cendi mukati ka Mbetele mu kangombe ka yambi na Ayi mu ngangela. Co watungile mutula kuje wakulemesela Shukulu Kalunga.

Kushangumuka 13:18

Ngecivene, Avilama wajalwisile cilombo cendi, co watungile kuyehi na miti yakujela ya oke yakuhwimina ya Mamele ku Hevelone, co kuje watungilile Shukulu Kalunga mutula.

Kushangumuka 13:3

Asinoni watundile kuje, co waile nakujalozoka kutunda mu mbwela nakweta ku Mbetele. Co welukile ku mutambela uje wakele mukati ka Mbetele na Ayi kuje kwatungile cilombo cendi akulivanga,

Kushangumuka 17:8

Njikakwana yove na vatekulwila vove lifuti eli muunatumbama ololo kupwa mungenzi. Lifuti lyoshe lya Kanana likapwa lya vatekulwila vove ku myaka yoshe, co yange njikapwa Njambi yavo.”

Kushangumuka 18:6

Ngecivene, Avilahama wazambwilile ku mbalaka nakwendeka kuli Sala ngwendi, “Zambula, ambata njeke ya vunga vwavuvwa vwakuseneta, ngeci ulinge makende.”

Kushangumuka 18:9

Asinoni vaje vanalume vatatu vamwihwile ngwavo, “Munakazi wove Sala ali kuli?” Avilahama wavakumbulwile ngwendi, “Uje ali muje mu mbalaka.”

Kushangumuka 21:34

Co Avilahama wakele mu lifuti lya Filisitiya simbu yakama.

Kushangumuka 23:4

“Yange njinapu muka-kwija, njilinakukala kuno akati keni, njilandeseniko mutambela umo ngeci njikatsindeko munakazi wange.”

Kushangumuka 25:27

Isau na Yakomba vakolele. Isau wapwile ciyambi wakama, wapwile munalume uje wazemene mu shwata, oloni Yakomba wapwile munalume wa kwoloka, wazemene kukala mu vimbalaka.

Kushangumuka 28:4

Njambi akakuvezikise yove na vatekulwila vove ngwe mwavezikisile Avilahama, ngeci ukafuke lifuti eli muno muunakala, lifuti eli Njambi walyanene kuli Avilahama!”

Kushangumuka 31:25

Ngecivene, Lambani wawanene Yakomba nashimbika laja mbalaka yendi mu lifuti lya malundu, co Lambani lalo watungile cilombo cendi amo na vavushoko vwendi mu lifuti lya minkinda lya Ngilyande.

Kushangumuka 35:27

Yakomba waile kuli ishe Isake ku Mamele, muyehi na Kilyate Alemba ikeyo Hevelone, kuje kuvakele va Avilahama na Isake.

Kushangumuka 36:7

Ikeye watundile kuje omwo lifuti lije livakele na Yakomba kuvasele kukala mwamuvwa voshe, omwo vakele na vimuna vavangi manene ngeci kuvasele kukala amo.

Kushangumuka 47:9

Yakomba wamukumbulwile ngwendi, “Kuyoya kwange kwakwendangana ano asi kunapu myaka 130. Myaka eyi yapwile yaindondo oloni yakukaluwa, kuyalifwile na myaka ije vakele nakwendangana vakukulwila vange.”

Myaso 105:12

Vanu va Njambi vapwile vavandondo lika akuvalava, co vakevo vapwile vangenzi mu lifuti lya Kanana.

Njelemiya 35:7

Ikeye lalo watulekele ngwendi kesi tutunge vinjuvo, nambe kukuna vimbuto, nambe kukuna vitungu vya mikolovozi ya vushuka vwa vinyu nameme kuvilanda. Ikeye watushikile ngeci simbu yoshe tunapande kukala mu vimbalaka, ngeci tukale matangwa amangi mu lifuti lino tulinakukala ngwe tu vangenzi.

VaHevelu 6:17

Njambi omo washakele kucisholola mwamuvwa kuli vaje vashakela kutambula cikulaeso cije, co wakulaesele ngeci kashaka lalo kutengulula vutumbe vwendi, ngecivene, wawezeleleleko lalo kulisinga ku cikulaeso cendi.