VaHevelu 11:7 - Livulu lya Shukulu Kalunga

⁷ Akukulaela, Nowa wazivile kunangula kwa Njambi a vyuma vya kulutwe vije kasele kumona. Wononokele, ngeci washongele vwato muje ikeye na vana vendi vovokelele. Mu ngila ije, vahisile kaye koshe, co Nowa watambwile kuli Njambi vushunga vuje vwatundile akukulaela.

VaHevelu 11:7 Iomraidhean Croise

Kushangumuka 19:14

Asinoni Lote waile kuli vanalume vaje vashakele kwambata vana vendi, wavalekele ngwendi, “Zambuleniko mutunde muno, omwo Shukulu Kalunga ashaka kunyongesa nganda ino.” Oloni vakevo vayongwele ngwavo alinakulinga lyepe.

Kushangumuka 6:13

Co Njambi wendekele kuli Nowa ngwendi, “Njayongola kuzilula vanu voshe. Njikavanyongesa voshe amolika na kaye, omwo kaye kanashulu na vilinga vyavo vyavivi.

Kushangumuka 6:22

Ngecivene, Nowa walingile vyoshe vije vyamushikile Njambi.

Kushangumuka 6:9

Eci cikeco cisemwa ca Nowa. Nowa wapwile munu wa vushunga, kawanene akumuvayesela akati ka vanu vaje vayoyele navo a simbu ije, co lalo mukuyoya kwendi wendele na kulitombola na Njambi.

Kushangumuka 7:23

Co Shukulu Kalunga wanyongesele vyuma vyoshe vyakuyoya vije vyakele ano asi, vanu, na tusitu, na vimuna, na tuzila. Kuvanga Nowa, na voshe vaje vakovelele navo mu vwato vakevo lika vayoyele.

Kushangumuka 7:5

Co Nowa walingile vyuma vyoshe vije vyamushikile Shukulu Kalunga.

Kushangumuka 8:16

“Tuuka mu vwato na munakazi wove, na vana vove, na vanakazi vavo.

2 Vimyene 4:5

Ngecivene, uje munakazi wakovelele mu njuvo amo na vana vendi, co vashokele lipito, wanonele kaje kalilulu kakandondo ka mazi a olive, wetilile mazi mu malulu aje vakele nakumwana vana vendi.

Yombi 35:8

Vuvi vwove vwasa kuviisa mukweni munu, co vuvwa vuulinga kuli ikeye vwasa kukwasa mukweni munu.

Visimo 22:3

Omo vaka-mana vamona vukalu vwija, co vatewa, oloni muka-kujeneka mana ayako, co akalikovelesa mu vukalu.

Visimo 27:12

Vaka-mana omo vamona tuyando twija, co vatwongoloka, oloni muka-kujeneka kuyongola akovelamo, co kulutwe aliveya.

Ezekiyele 14:14

Nameme nga vaje vanalume vatatu, Nowa na Ndanele na Yombi, vakelemo, nga vanamena lika myonyo yavo. Mukemwo mwanendeka Shukulu Kalunga wa Akamwa ya Vyoshe.

Ezekiyele 14:20

nameme nga Nowa na Ndanele na Yombi vakele muje, mwa vushunga vene yange Kalunga wa Akamwa ya Vyoshe, njapwa Njambi wakuyoya, nga kuvasele kwamena nameme myonyo ya vana vavo, oloni nga vanamena lika myonyo yavo.”

Ezekiyele 33:5

Kutsa kwendi cinapu mulonga wendi vavenya, omwo kombileko mbunge kukumunangula. Nga wombileko mbunge, nga wasele kuputumuka nakwamena mwonyo wendi.

Mateo 2:12

Asinoni velukile ku lifuti lyavo mu ngila yeka, omwo Njambi wavanangwile mu njozi ngeci kesi veluke lalo kuli Helonde.

Mateo 24:15

“Ngecivene, mukamona Cimweso ca Vunyengwe cije cendekele Ndanyele cinemana mu mwela wakujela.” (Yove ulinakulava zivisisa muvinalumbunukila!)

Mateo 24:25

Tolilileni! Njinamilekela cimweja omo simbu kanda yete.

Mateo 24:38

A matangwa aje omo livazi kanda lyete, vanu valile, vanwile, vambatele, nakushombwesa, noo a litangwa lije omo Nowa wakovelele mu vwato,

Mateo 3:7

Oloni omo Yowano wamwene vaFaliseo na vaSanduki vavangi vakele nakwija kuli ikeye ngeci avambwitike, co wendekele kuli vakevo ngwendi, “Eni manyoka! Iyajo naminangula ngeci mutewe vukalu vwa Njambi vuje vulinakwija?

Luka 17:26

Co ngwe mucafwile a matangwa a Nowa, mukemwo lalo mucikafwa na ku matangwa a Muna Munu.

Loma 1:17

Omwo muzimbu wauvwa usholola vati Njambi nalingisa vanu ngeci vapwe vaka-vushunga ku mesho endi, cinapu mukukulaela kutunda ku shongo nakweta ku mamaneselelo. Ngwe muvyendeka visoneka ngwavyo, “Munu uje ivanapwisa muka-vushunga ku mesho a Njambi akukulaela akayoya.”

Loma 10:6

Oloni visoneka vyendeka akupwa muka-vushunga ku mesho a Njambi akukulaela ngwavyo, “Kesi ulihule yove vavenya ngwove, iyajo akalonda mwilu?” (Eci cinapu ngeci, ulinakushulula Kilistu asi).

Loma 3:22

Njambi alingisa vanu ngeci vapwe vaka-vushunga akukulaela kwavo kuli Yesu Kilistu. Njambi alinga eci kuli voshe vaje vakulaela kuli Kilistu, omwo kumwesi kaangu kai,

Loma 4:11

Vamutuwile, co kutuuka kwendi kwapwile cimweso kumwesa ngeci omwo akukulaela kwendi Njambi wamulaveleleco kupwa muka-vushunga simbu kanda vacimutuule. Ngecivene, Avilahama napu ishe ya voshe vaka-kukulaela kuli Njambi, co Njambi navatambula kupwa vaka-vushunga, nambe kuvatuukile.

Loma 4:13

Omo Njambi wakulaesele Avilahama na vatekulwila vendi ngeci vakashwana kaye, walingile eci, kesi ngwe omo Avilahama wononokele Lishiko embwe, oloni omo wakulaelele, co Njambi wamulaveleleco kupwa muka-vushunga.

Loma 9:30

Ngecivene, twendeka ngwetu vaje kesi vaYunda, vaje kuvalipwisile vakevo vavenya vaka-vushunga ku mesho a Njambi, vavapwisile vaka-vushunga ku mesho endi akukulaela,

Ngalatiya 5:5

Ngwe ali yetu, cinyangavili cetu cinapu ngeci Njambi akatupwisa vaka-vushunga ku mesho endi, co eci cikeco tulinakuvandamena a nzili ya Munzinzime wa Njambi uje alinakupanga mukukulaela kwetu.

Filipu 3:9

ngeci njikale muli ikeye. Yange kunjesi na vushunga vwange vavenya vwai, vuje vasa kuwana akwononoka Lishiko. Ololo njili na vushunga vuje vananjana akukulaela lika kuli Kilistu, vushunga vuje vutunda kuli Njambi, co nsina yavwo inapu kukulaela.

VaHevelu 11:1

Akukulaela tukala na vushunga vwakuzivuka ngeci tukatambula vyuma vije tulinakukengelela, nakutava vyuma vije kanda tumone.

VaHevelu 12:25

Ngecivene, nyanyameni kesi mukanangane uje alinakwendeka kuli yeni. Vaje vavyanene kumutolilila uje wendekele majwi a Njambi ano asi kavasele kuputumuka, co yetu tukaputumuka vati, nga tukengesa nima kuli ou alinakwendeka mwilu?

VaHevelu 5:7

Yesu Mukuyoya kwendi ano asi walombele nakwihula na kutambeka na lijwi lyakama na misozi kuli Njambi, uje wasele kumwamena ku kutsa. Omwo ikeye wapwile muka-kulikeesa na muka-kulyana, Njambi wamuzivile.

VaHevelu 8:5

Vipangi vivalingile ngwe vaka-kukombelela vyapwile vene ngwe kutembunwina munzinze wa vije vili mwilu. Vije vinapu cifwa cimo vene ngwe mwalingile Mosesa. Omo washimbikile Mbalaka ya Cikumiiyo Njambi wamulekele ngwendi, “Kenga unapande kulinga vyoshe ngwe ku seteko vakumwesele ku munkinda.”

1 Petulu 3:20

Eyi ikeyo minzinzime ya vaje vavyanene kwononoka Njambi omo wavandamenene na lukakateya a matangwa aje Nowa washongele vwato. Vanu vavandondo vaje vakele mu vwato, vapwile vatanu na vatatu, vakevo vovokele ku mema,

2 Petulu 1:1

Mukanda wakutunda kuli yange Simoni Petulu, ngamba na muluwa wa Yesu Kilistu. Njilinakusoneka kuli vaje, a vushunga vwa Njambi yetu na Muyoyesi wetu Yesu Kilistu vanavana kukulaela kwa seo yakama manene ngwe yetu vene.

2 Petulu 2:5

Njambi katetelele kaye ka ku san̄ulu, oloni watumine livazi a kaye ka vanu vaka-vuvi, oloni wovwele lika Nowa, uje wambulwile vushunga, co na vanu veka lalo vatanu na vavali.

2 Petulu 3:6

Co lalo a mema vene, mema aje a livazi, akewo aje anyongesele asi a ku san̄ulu.