VaHevelu 11:6 - Livulu lya Shukulu Kalunga

⁶ Naumo wai asa kuvwaelelesa Njambi akujeneka kukulaela, omwo uje aija kuli Njambi napande kukulaela ngeci Njambi kwali na ikeye muka-kwana cikandelela kuli vaje valinakumushakezeka.

VaHevelu 11:6 Iomraidhean Croise

Kushangumuka 15:1

Munima yevi, Shukulu Kalunga wendekele kuli Avilama mu cimona ngwendi, “Kesi uzive lyova Avilama. Yange nji ntelo yove yakukuzikinina ku vushonde, co cikandelela cove cikapwa cakama manene.”

1 Mizimbu 28:9

Co kuli Solomoni wendekele ngwendi, “Munange, njikushika ngwange kavangeya Njambi ya isho, nakumupangela na mbunge yoshe, co likundike na cizango ca mana ove. Ikeye azivuka viyongola vyetu vyoshe na mashungu avyo. Nga umushakezeka, co ukamuwana, oloni nga umuseza, co akakujenjuka ku myaka yoshe.

Yombi 21:14

“Vaka-vuvi valinakuleka Njambi ngeci avaseze avo lika, vakevo kuvashaka kuzivuka cizango cendi mukuyoya kwavo.

Myaso 106:24

Vanu vayeluwisile lifuti lije lyalivwa, kuvakulaelele cikulaeso ca Njambi.

Myaso 119:10

Njikulemesa na mbunge yange yoshe, kesi unjitave kuseza mashiko ove.

Myaso 58:11

Co vanu vakendeka ngwavo, “Vaka-vushunga vanatambula cikandelela cavo, mwa vushunga kwali Njambi muka-kusompa vaka-kaye!”

Myaso 73:28

Oloni ngeci mwange ni, mwamuvwa kukala kuyehi na Njambi! Shukulu Kalunga wa Akamwa ya Vyoshe, njinamupwisa cimpaka cange, co njikambulula vilinga vyendi vyoshe.

Myaso 78:22

omwo kuvakulaelele kuli ikeye, nakukulaela ngeci asa kuvamena.

Myaso 78:32

Nameme ngoco anga vakele nakulinga vuvi, vavyanene kukulaela vipangi vya Njambi vyakukomokesa,

Visimo 11:18

Vanu vavavi kuvasa kuwana cuma cimo, oloni nga ulinga mwa vushunga co ukawana cikandelela.

Visimo 8:17

Njizema vaje vanjizema, voshe vaje vanjishakezeka vasa kunjiwana.

Isaya 55:3

“Yeni vanu vange tolilileni, ijeni kuli yange, co mukakala na mwonyo! Njikalikumiiya neni cikumiiyo ca myaka yoshe, nakumivezikisa vivezikiso vije vinjakulaesele Ndaviti.

Isaya 7:9

Isalele kuyesi na nzili yakutuvakana Samaliya nganda yayo yakama, co samaliya kuyesi na nzili yakutuvakana Mwene Peka. “Nga kukulaela kweni kucikakolesa, co kumukakolesa embwe.”

Njelemiya 2:31

Vanu va Isalele, tolilileni vinjendeka. Kuma yange njamisezele mu mambo, nambe kumifwika na lisusulungu ndi? Omwo vikajo mwendeka ngweni mukalinga ngwe mucamivwasela, ngweni kumukelukila lalo kuli yange?

Kulava 14:11

Shukulu Kalunga wendekele kuli Mosesa ngwendi, “Visimbu vingai vanu ava vakanjishaula? Co lalo visimbu vingai vakavyana kunjikulaela nameme vamwene vikomokeso vyoshe vije njalingile akati kavo?

Kulava 20:12

Oloni Shukulu Kalunga wendekele kuli Mosesa na Alone ngwendi, “Yange njapwa wakujela, oloni kumwakulaelele nakunjisingimika ku mesho a vanu va Isalele. Ngecivene, kumukasa kukovelesa mbunga eyi mu lifuti lije njavakulaesele kuvana.”

Mateo 11:26

Mukemwo vene Tate, mucavwaela ku mesho ove.

Mateo 5:12

Vwaeleleni nakujolela manene, omwo vanamitulikila cikandelela ceni cakama mwilu. Omwo omu mukemwo muvayandeselele vaka-kwimanena vaje valivangele kulutwe lweni.

Mateo 6:16

“Co omo mulikela kulya, kesi mwombwe ngwe muvakalingi vaka-civembulu. Omwo vakevo vakaviisa vihanga vyavo, ngeci vanu vavamone ngwavo vanalikela kulya. Mwa vushunga njimileka ngwange, vanatambula laja cikandelela cavo.

Mateo 6:33

Oloni akulivanga shakezekeni Vumwene vwendi, na vushunga vwendi, co vyoshe evi akamiwezelelavyo.

Mateo 6:5

“Co omo mulombela, kesi mulombele ngwe vaka-civembulu, omwo vakevo vazema kwimana nakulombela mu masinangonge na masambwa-ngila, ngeci vanu voshe vavamone. Mwa vushunga njimileka ngwange, vanatambula laja cikandelela cavo.

Mako 16:17

Co vaka-kukulaela vakavana nzili yakulinga vizivukiso, co vakatundisa minzinzime yakujwala mu lizina lyange, vakendeka vindaka vyaviha,

Luka 12:31

Oloni akulivanga shakezekeni Vumwene vwendi, co vyoshe evi akamiwezelelavyo.

Luka 6:35

Embwe! Zemeni vitozi veni, co lingeni mwamuvwa kuli vakevo, vakumwiseni oloni kesi mukulaele ngweni mukavitambula lalo. Co cikandelela ceni cikapwa cakama, mukapwa vana va Njambi wa Akamwa ya Akamwa. Omwo ikeye akatetela vaje kuvesi kumukandelela na vaje vaka-vuvi.

Yowano 14:6

Yesu wamukumbulwile ngwendi, “Yange ngila, na vushunga, na mwonyo, naumo wai aya kuli Tate oloni kuvanga ali yange.

Yowano 8:24

Mukemwo njamilekele ngwange mukatsa mu vivi vyeni. Omwo mukatsa mu vivi vyeni nga kumukulaela ngweni ‘Yange Ou Njapwa Munjapwa.’ ”

Loma 10:14

Oloni vatambeka vatijo kuli ikeye ngeci avakwase nga kuvakulaelele? Vatijo vakakulaela nga kuvazivile lijwi? Co vatijo vaziva lijwi nga kuvalyambulwile?

Ngalatiya 5:6

Omwo tuli amo muli Kilistu Yesu, nambe kutuuka nambe kujeneka kutuuka kuvyasa kulinga cuma cimo, cuma cakama lika kukulaela cije cilinakupanga mu cizemo.

VaHevelu 11:26

Wacimwene ngeci tuyando na kayengu ka ali uje Wakuvwavesa vili kulutwe manene kutuvakana vufuko vwa mu Ingito, omwo wakengele mesho endi a cikandelela cije ca kulutwe.

VaHevelu 3:12

Vakwetu vaka-kukulaela, nyanyameni ngeci mukati keni kesi mukale umo ali na mbunge yaivi yakujeneka kukulaela ngeci atunde kuli Njambi wakuyoya.

VaHevelu 4:2

Omwo tunazivi Vin̄anda Vyavivwa, ngwe muvavizivilile vakevo. Vazivile lijwi oloni kulyavakwasele, omo valizivile, co kuvalitambwile nakukulaela.

VaHevelu 4:6

Vaje vazivile Vin̄anda Vyavivwa akulivanga kuvakovelele mukuhwima omwo kuvakulaelele. Ngecivene, kuli veka oni vanavatavesa kukovelamo.

VaHevelu 7:19

Omwo Lishiko lya Mosesa kulyasele kupanga cuma cacivwa. Co ololo tuli na cinyangavili cacivwa cije vanatunenelaco a cikeco twasa kushwenya kuyehi na Njambi.

VaHevelu 7:25

Co asa kwamena vaje vaija kuli ikeye, omwo ayoya ku myaka yoshe mukuvaakwila.

2 Petulu 1:10

Ngecivene, vasamba vange, esekeni manene na nzili kupwisa kusana nakwangula kweni ngwe vyuma vyeni vya myaka yoshe, omwo nga mulingamo, co kumukatundu kukukulaela kweni.

2 Petulu 1:5

Omwo a cuma eci, lingeni na nzili kuwezelelako vuvwa kukukulaela kweni, ku vuvwa vweni wezeleleniko mana,

2 Petulu 3:14

Ngecivene, vasamba vange, omo mulinakuvandamena Litangwa lije, esekeni na nzili yeni yoshe kupwa vakakujela na vaka-kujeneka mulonga ku mesho a Njambi nakukala mu kwoloka amo nendi.

Kujombolola 21:8

Oloni vaka-lyova na vaka-kujeneka kukulaela na vaka-kulinga vya vunyengwe na vaka-kutsiya na vaka-vupangala na valozi na vaka-kulemesa tumponya na vaka-makuli mwela wavo ukapwa mu lishali lyakwenya na tuhya na sulufa, kukekwo kutsa kwamucivali.”

Lute 2:12

Shukulu Kalunga akwane cikandelela a vije walingile, Shukulu Kalunga Njambi ya Isalele, kuje kuunaija mukukunyunga, akwane cikandelela cakama cakutunda kuli ikeye!”