VaHevelu 11:4 - Livulu lya Shukulu Kalunga

⁴ Akukulaela, Avele wakombelelele kuli Njambi n̄ombelo yakutuvakana ya Kaine. Akukulaela kwendi watambwile vukaleo vwavuvwa kuli Njambi ngeci ikeye munu muka-vushunga, omwo Njambi vavenya watavele vwana vwendi. Ngecivene, akukulaela kwa Avele, nambe watsa laja, oloni acili nakwandeka.

VaHevelu 11:4 Iomraidhean Croise

Kushangumuka 4:10

Shukulu Kalunga wendekele ngwendi, “Omwo vikajo walingi cuma cakukomokesa ngacije? Maninga a ndolome yove alinakuteta kuli yange mu livu, alinakutambeka ngwe lijwi lya shambandinga.

Kushangumuka 4:15

Oloni Shukulu Kalunga wamukumbulwile ngwendi, “Embwe. Woshe akatsiya Kaini, akahya lutanu na luvali kutuvakana cihiso ca Kaini akutsiya ndolome yendi.” Ngecivene, Shukulu Kalunga waakele cizivukiso ali Kaini cakunangula munu woshe uje aliwana nendi ngeci kesi amutsiye.

Kushangumuka 4:25

Andama na munakazi wendi, vakitile mwana lalo mukwavo wa munalume. Eva wendekele ngwendi, “Njambi nanjiingisilamo mwana wa munalume muli Avele, uje yatsiile Kaini.” Ngeci wamulukile lizina lyendi Seta.

Kushangumuka 4:8

Kaini wendekele kuli ndolome yendi Avele ngwendi, “Tuye nakwimazala mu lihya.” Oloni omo vakele mu lihya, co Kaini watengulukilile ndolome yendi nakumutsiya.

1 Vimyene 18:38

Vwasi-vwasi Shukulu Kalunga watumine tuhya, co twenyekele n̄ombelo, na vitale, na mamanya, co twenyekele livu nakumisa cau mema a muje mu ngunja.

Yombi 8:10

Oloni tava vanalume va ku san̄ulu vakunyanyama vakulongese, yove tolilila lika vije vendeka ngwavo,

Visimo 15:8

Shukulu Kalunga akazivi vunyengwe na vin̄ombelo vya vaka-vuvi, oloni avwaelela na malombelo a vaka-vushunga.

Visimo 21:27

Shukulu Kalunga wazinda vin̄ombelo vya vaka-vuvi, vaje vamukombelela na matumbe a vuvi.

VaLevi 9:24

Co vwasi-vwasi Shukulu Kalunga watumine tuhya, twenyekele uje mulambu wa kwenyeka, na vilyo, na mazi a mutula. Omo vanu vamwene vije vyalingiwile, co voshe vatambekele nakutsikama a mavuli, nakukulamesa vihanga vyavo asi.

Mateo 23:35

Ngwe a fweto yakutsiya vanu voshe vaje vakujeneka mulonga, cihiso cikaija ali yeni, kutunda akutsiya Avele wakujeneka mulonga kweta akutsiya Zakaliya muna Mbelekiya, uje imwatsiilile mukati ka Njuvo ya Shukulu Kalunga na mutula.

Luka 11:51

tunde akutsiya Avele nakweta akutsiya Zakaliya uje vatsiilile mukati ka mutula na Mwela Wakujela. Eyo, njimileka ngwange, vanu va simbu ino vakavanyanyamesa voshe!

Tito 1:16

Vendeka ngwavo vazivuka Njambi, oloni ku vipangi vyavo vanamuvyana. Vakevo vanapu vaka-kumuzinda na vaka-kujeneka kumwononoka, co kuvapandelemo mukulinga vyuma vyavivwa.

VaHevelu 11:2

Akukulaela kwavo vanu va ku san̄ulu vatambwile vukaleo vwavuvwa kuli Njambi.

VaHevelu 12:1

Ngecivene, omwo tuli na mbunga ya vakaleo vavangi vanatuzengeleka. Tutuleni vyuma vyoshe vije vinatulemena, na vuvi vuje vunakakateya ali yetu mbe, co tushatukeni lumbisi na lukakateya seteko ije vanaka kulutwe lwetu.

VaHevelu 12:24

Yeni munaija kuli Yesu, uje navwaesa cikumiiyo caciha, nakukushamwina kwa maninga anatukulaesa vyuma kutuvakana maninga a Avele.

VaHevelu 5:1

Muka-kukombelela Wakama woshe wapwa wakwangula akati ka vanu nakumwimika ngeci apangele Njambi mukuvemanenako, kukombelela vin̄ombelo na milambu ya a vuvi.

VaHevelu 9:22

Mwa vushunga vene, ku Lishiko vyuma vimo vavijelesele na maninga, co kwakujeneka kwitila maninga, co kukwesi kusamba kwa vivi.

2 Petulu 2:8

Omwo munu uje muka-vushunga wayoyele akati kavo, co a litangwa na litangwa ikeye wayandele nakukemanga omwo wamwene nakuziva vilinga vyavo vyavivi.

Yunda 1:11

Luvinda ali vakevo! Omwo vanakavangeya ngila ya Kaini. Co vanalyana vakevo vavenya ku lilaku-laku lya vimbongo, ngwe mwalingile Mbalame. Vanatengulukila ngwe mwatengulukilile Kola, co ngwe ikeye na vakevo lalo vanavanyongesa.