VaHevelu 11:37 - Livulu lya Shukulu Kalunga

³⁷ Vavashele mamanya, vavatetangele na visaa, vavatapele na mikwale. Vendanganene vanazala vilambu vya vimanga nambe vya vimembe, vapwile tuutu vavayandesele nakuvapangesa mwamuvi.

VaHevelu 11:37 Iomraidhean Croise

2 Samwele 12:31

co Ndaviti waakele vanu vamo ku vipangi vyakuselala mavaya, vamo ku matemo, vakwavo ku vinjaviti, co vamo wavapangesele ku vindopi. Walingile cuma eci kuli vanu voshe va mu vinganda vyeka vya vaAmoni. Asinoni ikeye na vanu vendi velukile ku Yelusalema.

1 Vimyene 18:13

Kuma yove kuwazivile ngeci Njezevele nakele nakutsiya vaka-kwimanena va Shukulu Kalunga, yange njashwekao 100 mu manzenzengoma, mu vimbunga vivali mumo makumi atanu mukwavo makumi atanu, co njavanene vyakulya na mema?

1 Vimyene 18:4

omo Njezevele wakele nakutsiya vaka-kwimanena va Shukulu Kalunga, Ovandiya wambateleo vaka-kwimanena 100, co wavashwekele mu manzenzengoma mu vimbunga vivali mumo makumi atanu mukwavo makumi atanu, co wavanene vyakulya na mema.)

1 Vimyene 19:1

Mwene Ahave walekele munakazi wendi Njezevele vyuma vyoshe vije vyalingile Elinja na muje mwatsiile vaka-kwimanena voshe va Mbale.

1 Vimyene 19:10

Elinja wakumbulwile ngwendi, “Shukulu Kalunga Njambi Muka-nzili yoshe, yange simbu yoshe njakupangela, yove lika. Oloni vanu va Isalele vanapokola cikumiiyo cavo nove, vanasiwula mitula yove, co vanatsii vaka-kwimanena vove voshe. Ange lika njasalako, co lalo vashaka kunjitsiya!”

1 Vimyene 19:13

Omo Elinja walizivile, walifwikile cikoveyo cendi ku mesho watuukile anja, co wemanene ku cikolo ca linzenzengoma. Lijwi ngwalyo, “Elinja, vikajo ulinga kuno?”

1 Vimyene 19:14

Elinja wakumbulwile ngwendi, “Shukulu Kalunga Njambi Muka-nzili yoshe, yange simbu yoshe njakupangela, yove lika. Oloni vanu va Isalele vanapokola cikumiiyo cavo nove, vanasiwula mitula yove, co vanatsii vaka-kwimanena vove voshe. Ange lika njinasalao, co lalo vashakezeka kunjitsiya.”

1 Vimyene 19:19

Elinja waile wawanene Elisha alinakulima na mukana wa vingombe, kulutwe lwendi kwakele vanu vakele nakulimisa vingombe mikana likumi na umo. Co Elinja washulwile cikoveyo cendi, co wacifwikile Elisha.

1 Vimyene 21:10

Anguleni vanalume vavali vaje vipapoki vakumukutiiye n̄anda ngwavo natuku Njambi na mwene. Co mutwaleni anja ya nganda mukamutsiye na mamanya.”

2 Vimyene 1:8

Co vamukumbulwile ngwavo, “Nazalele cikoveyo ca vilambu, wacikutile mu mbunda na mwiva wa cilambu.” Co mwene wendekele ngwendi, “Ikeye Elinja!”

2 Vimyene 2:13

Asinoni Elisha wanonele cikoveyo ca Elinja cije cawisile, co welukile wemanene ku ngenge ya Ndonga ya Yondau.

2 Vimyene 2:8

Co Elinja washulwile cikoveyo cendi, wacizengele, wacipupile a mema, co mema alyangunukile akati, co nendi na Elisha vajavukilile musambwa a livu lyakuma.

1 Mizimbu 20:3

Wambatele vanu vaje vakele muje mu nganda nakuvaka ku vipangi vyakuselala, vamo ku matemo, vakwavo ku vinjaviti. Co walingile cuma eci kuli vanu voshe va mu membo eka a vaAmoni. Asinoni ikeye na vanu vendi velukile ku Yelusalema.

2 Mizimbu 24:21

Co Mwene Yowashe walipandakanene mu vutumbe vwakulwisa Zekaliya, a lishiko lya mwene vanu vashele mamanya Zekaliya mu cipango ca Njuvo ya Shukulu Kalunga.

Njelemiya 2:30

Njaminyanyamesele, oloni kucamikwasele ngeci mwa ndumba wa vukalu, yeni mwatsiile vaka-kwimanena vange.

Njelemiya 26:23

Vanenele Uliya kuli Mwene Yehoyakime, co wamutsiile nakumbila muvila wendi mu vimbumbo vya vanu voshe.)

Zakaliya 13:4

A litangwa lije, naumo wai muka-kwimanena akalyalesa na vimona vyendi, nambe kupwa ngwe muka-kwimanena, nambe kuzala vuzalo vwa muka-kwimanena vwa vulaja ngeci akwise vanu.

Zakaliya 13:9

Co njikelula litambelo lyamucitatu vaje vakasalao nakulijelesa ngwe muvakajelesa siliva na tuhya. Co njikavelula ngwe muvakelula ngolinde. Asinoni vakalombela kuli yange, co njikavakumbulula. Njikavaleka ngwange vanapu vanu vange, co vakalitavela ngeci yange njinapu Njambi yavo.”

Mateo 21:35

Co vaje vaka-kupanga vakwatele vaje vindungo, co vapupileo umo, mukwavo vamutsiile, co mukwavo vamwashele mamanya.

Mateo 3:4

Yowano wazalele vuzalo vwa maka a kamelo, na mwiva wa cipapa mu mbunda yendi, co vyakulya vyendi vyapwile vimbimba mikumbi na vuki.

Mateo 8:20

Yesu wamukumbulwile ngwendi, “Vimbanje vali na mena, co lalo tuzila vali na mashwa, oloni Muna Munu kesi naa akusatela mutwe wendi.”

Luka 13:34

“Yelusalema, Yelusalema! Yove ukatsii vaka-kwimanena nakwasha mamanya miluwa va Njambi vaje vaatumine kuli yove! Visimbu vyavingi njashakele kukungulula vanu vove nakuvavumbatela mu mavoko ange ngwe kasumbi akavutikiya vana vendi mu mambava, oloni yove kuwanjitavele!

Vilinga vya Miluwa 14:19

Oloni vaYunda vamo vatundile ku Antyoke mu Pisindiya na ku Ikoniyame vashongangeyeye vimbunga, co vashele mamanya Paulu nakumukokela anja ya nganda, vayongwele ngwavo natsi.

Vilinga vya Miluwa 7:52

Muka-kwimanena mukajo ivajenekele kuyandesa vakukulwila veni? Vakukulwila veni vatsiile miluwa va Njambi vaje ku san̄ulu vambulwile kwija kwa Ngamba yendi wa vushunga. Co ololo yeni munamwende vungungu nakumutsiya.

2 Kolinte 12:10

Yange njinahwimi mu mbunge akuzeya, mukunjishaula na mukukalekeya na mu mapakeso na mukukaluwa omwo lizina lya Kilistu. Omwo njinazeye, asinoni njikale na nzili.

VaHevelu 11:25

Wayongwele ngeci mwamuvwa kumona tuyando amo na vanu va Njambi kutuvakana kuvwaelela kwa kasimbu lika mu vuvi.

VaHevelu 13:3

Anukeni vaje vali mu kamenga, ngwe neni lalo muli mu kamenga amo navo. Anukeni vaje valinakuyanda, ngwe neni lalo mulinakuyanda amo navo.

Kujombolola 11:3

Co njikatuma vakaleo vange vavali, vakazala vikeleya, co vakambulula muzimbu wa Njambi a matangwa aje akupwa 1,260.”