VaHevelu 11:22 - Livulu lya Shukulu Kalunga

²² Akukulaela, Yosefa, omo ikeye wakele kuyehi na kutsa, wendekele vyakutuuka kwa va Isalele mu Ingito, co wavalekele vati vanapande kulinga na vitsiya vyendi.

VaHevelu 11:22 Iomraidhean Croise

Kutuuka 13:19

Mosesa wambatele muvila wa Yosefa, ngwe Yosefa wavasingisile cisingo ca cikulaeso ngeci vakacilinge, omwo ikeye wendekele ngwendi, “Omo Njambi akamipatula, mwapande kwambata muvila wange nakuutundisa ku mutambela uno.”

Luka 9:31

vaje vasholokele mu vumpau vwa mwilu vakele nakwendeka na Yesu a ngila ije yakushulisilamo vwasi vutumbe vwa Njambi a kutsa kwendi mu Yelusalema.

Vilinga vya Miluwa 7:16

Co mivila yavo vaitwalele ku Shekeme kuje vavatsindile mu mbumbo ya Avilahama ije yalandele na vimbongo kuli vana va Hamole.

Yoshwa 24:32

Co muvila wa Yosefa, uje vezile nawo vanu va Isalele kutunda ku Ingito, vautsindile ku Shekeme, mu kamutambela kamo ka livu kaje kalandele kuli vana va Hamole, ishe ya Shekeme, na mavundungulu a siliva akupwa 100. Co livu lije lyapwile vushwana vwa vatekulwila va Yosefa.