VaHevelu 11:17 - Livulu lya Shukulu Kalunga

¹⁷ Akukulaela, Avilahama waanene munendi Isake kupwa n̄ombelo, omo Njambi wamwesekele. Kuli Avilahama lika Njambi walingile cikulaeso, nameme ngoco, walivwaeselele cimweja kwana munendi umolika kupwa n̄ombelo.

VaHevelu 11:17 Iomraidhean Croise

Kushangumuka 22:16

“Njilisinga a lizina lyange. Yange Kalunga njinendeka ngwange, njikatumisa manene vivezikiso vyove omwo yove unalingi cuma eci, omwo unatavele kunjana munove umolika.

2 Mizimbu 32:31

Nameme omo vamyata vaje vatundile ku Mbambilone vezile mukwihula a vije vyalingiwile mu lifuti, Njambi watavele ngeci eseke Hezekiya azivuke vyoshe vije vyakele mu mbunge yendi.

Visimo 17:3

Ngolinde na siliva vakavyeseka na tuhya, oloni Shukulu Kalunga akeseka viyongola vya munu.

Ndanyele 11:35

Vantwama vamo va mana vakavatsiya, oloni vutumbe ovu vunapu vwakujelesa vanu. Eci cikalingiwa noo akukotoka, simbu ije yanemika Njambi.

Zakaliya 13:9

Co njikelula litambelo lyamucitatu vaje vakasalao nakulijelesa ngwe muvakajelesa siliva na tuhya. Co njikavelula ngwe muvakelula ngolinde. Asinoni vakalombela kuli yange, co njikavakumbulula. Njikavaleka ngwange vanapu vanu vange, co vakalitavela ngeci yange njinapu Njambi yavo.”

Yowano 3:16

Omwo Njambi wazemene vaka-kaye manene ngeci waanene Munendi umolika, ngeci woshe akulaela kuli ikeye kesi anyonge, oloni akale na mwonyo wa myaka yoshe.

2 Kolinte 8:12

Omwo nga yeni muli na cizango cakwana, co Njambi akatambula vwana vweni ali vije mulinavyo kuvihana, oloni kesi ali vije kumwesi navyo.

Kwituluka mu Mashiko 8:2

Co mukanuka vati Shukulu Kalunga Njambi yeni wamitwamenenene mu vungenzi vwa kulyala ngacije mukati ka mambo, a myaka makumi awana ngeci amyononwese nakumyeseka, mukuzivuka vije vyakele mu vimbunge vyeni nambe mwanyungile mashiko endi, nambe kumwawanyungile.

VaHevelu 11:13

Vanu voshe ava vatsile mukukulaela, kuvatambwile vyuma vije vyavakulaesele Njambi, oloni vavimwenene kulyala, co vavitambwile mwamuvwa, vatavele mutanya mwelu ngeci vapwile vangenzi na vaka-kwendangana ano asi.

VaHevelu 7:6

Melekizendeke kapwile wakutunda ku naanga ya vaLevi embwe, oloni ikeye watambwile cavulikumi kuli Avilahama, co wavezikisile uje watambwile cikulaeso ca Njambi.

Yakomba 5:11

Tulinakuvatumbula vaka-kuvwaelela omwo vakevo vakele na lukakateya. Mwaziva laja akusimpa kwa Yombi, co mwazivuka vika Mwene waanene kuli Yombi akukotoka. Omwo Mwene muka-kutetela na mema ku mbunge.

1 Petulu 4:12

Vasamba vange vanjazema, kesi mukomoke a ceseko ngwe ca tuhya cije mulinakuyanda naco, ngwe cikeco cinapu cuma cimo caciha cilinakulingiwa kuli yeni.

Kujombolola 3:10

Omwo unanyungu lijwi lyange nakupwa muka-kusimpa, co lalo njikakunyunga a simbu ya tuyando tuje tulinakwija mu kaye koshe nakweseka vanu voshe va ano asi.