VaHevelu 11:12 - Livulu lya Shukulu Kalunga

¹² Nambe ikeye wakuluvalele manene kuyehi na kutsa, kuli munalume ou umo, kwasemunwininine vatekulwila ngwe vingononosi vya mwilu naumo wai asa kuvilava ngwe vinona vya lishen̄avu lya ku ngenge ya mema a kalunga.

VaHevelu 11:12 Iomraidhean Croise

Kushangumuka 15:5

Co Shukulu Kalunga wamutuwisile anja nakwendeka ngwendi, “Kenga kwilu, eseka kulava vingongonosi evi. Co vatekulwila vove vakapwa vavangi ngwe vingongonosi evi.”

Kushangumuka 22:17

Njikakuvezikisa nakutumisa vatekulwila vove ngwe vingongonosi vya mwilu, nambe ngwe lishen̄avu. Co vatekulwila vove vakafungulula vitozi vavo.

Kushangumuka 26:4

Njikatumisa vatekulwila vove ngwe vingongonosi vya mwilu. Njikavana lifuti eli lyoshe, na muli vatekulwila vove miyati yoshe ya asi vakavezika.

Kushangumuka 32:12

Anuka ngeci yove wendekele ngwove, ‘Mwa vushunga njikakuvezikisa nakutumisa vatekulwila vove ngeci naumo wai akasa kuvalava. Vakapwa vavangi manene ngwe lishen̄avu.’ ”

2 Samwele 17:11

Kunangula kwange kunapu oku, kungulula vaIsalele voshe uvake amo kutunda ku shongo imo ya lifuti, kweta ku shongo ikwavo, vapwe vavangi ngwe lishen̄avu lya ku ngenge ya mema a kalunga, co yove vavenya vene uvatwamenene mu nzita.

1 Vimyene 4:20

Vanu va Yunda na Isalele vapwile vavangi manene ngwe lishen̄avu lya ku cikuma ca mema a kalunga, valile na kunwa, co vavwaelelele.

1 Mizimbu 27:23

Mwene Ndaviti kalavele vanu vaje vakele na myaka makumi avali kutwala kwisi, omwo Shukulu Kalunga wakulaesele ngeci akatumisa vanu va Isalele ngwe vingongonosi vya mwilu.

Nehemiya 9:23

Wavanene vana vavangi manene ngwe vingongonosi vya mwilu, co wavatavele kuvafungulula nakukala mu lifuti, lije liwakulaesele vakukulwila vavo kuvanalyo.

Kutuuka 32:13

Anuka vangamba vove, Avilahama, na Isake, na Yakomba. Anuka cikumiiyo cije walikumiiye navo ngwove ukavana vatekulwila vavangi ngwe vingongonosi vya mwilu, nakukaana lifuti kuli vatekulwila vavo lije liwavakulaesele ngeci likapwe vushwana vwavo ku myaka yoshe.”

Isaya 10:22

Nameme ngoco ololo vanu va Isalele vanatumu manene ngwe lishen̄avu lya ku cikuma ca mema a kalunga, oloni vavandondo lika vakeluka. Kunyonga vanacitulikila vanu, co mwamuvwa vene cavapande.

Isaya 48:19

Nga vatekulwila veni vanatumu ngwe vinona vya lishen̄avu, co yange ngwe kunjatavele ngeci vavanyongese.”

Njelemiya 33:22

Njikatumisa manene vatekulwila va ngamba yange Ndaviti nakutumisa vaka-kukombelela va ku muyati wa Levi, ngeci naumo asa kuvalava wai, vakapwa ngwe vingongonosi vya mwilu, nambe ngwe lishen̄avu lya ku cikuma ca mema a kalunga.”

Hoziya 1:10

Vanu va mu Isalele vakapwa ngwe lishen̄avu lya ku mema a kalunga, lije kuvasa kulilava nambe kuseteka. Ngecivene, ololo Njambi alinakwendeka kuli vakevo ngwendi, “Yeni kesi mu vanu vange,” oloni litangwa lilinakwija omo akendeka kuli vakevo ngwendi, “Yeni munapu vana va Njambi wakuyoya!”

Hambakuke 1:9

“Omo mbunga ya mashwalale va vaMbambilone vaya kulutwe mukulwa, co vapangesa nzili na muuka mukufungulula munu woshe. Omo vashwenya kuyehi, munu woshe-iwoshe alijajela na lyova. Co vambata vinzinda vavangi manene vaje naumo wai asa kuvalava.

Loma 9:27

Co Isaya atambeka ali vaIsalele ngwendi, “Nameme vanu va Isalele vanatumu ngwe lishen̄avu lya ku kenge ya mema a kalunga, oloni vavandondo lika vakovoka,

Kwituluka mu Mashiko 1:10

Shukulu Kalunga Njambi yeni namitumisa manene. Co kengeni, ololo munapu muvavangi ngwe vingongonosi vya kwilu.

Kwituluka mu Mashiko 28:62

Nameme munatumu ngwe vingongonosi vya mwilu, oloni vavandondo lika veni vakasalao, omwo kumwononokele mashiko a Shukulu Kalunga Njambi yeni.

Yoshwa 11:4

Co vezile na mashwalale vavo voshe, vapwile vavangi manene ngwe lishen̄avu lya ku cikuma ca mema a kalunga. Co vakele lalo na tuvalu vavangi na matemba.

Kujombolola 20:8

Co akaya nakukwisa miyati ya vanu voshe vaje vanashandokela mu kaye mwoshe, ikeyo Ngonge na Mangonge. Satana akavakungulwila amo nakulwa nzita, vungi vwavo vakapwa ngwe lishen̄avu lya ku ngenge ya mema a kalunga.

Maako 7:12

Co vaMindyani, na vaAmaleke, na vanalume va miyati ya vanu va mu mambo valishandwelele mu cana ngwe vimbimba mikumbi, co vakevo vakele na tumelo vavangi ngwe lishen̄avu lya ku ngenge ya mema a kalunga.

1 Samwele 12:5

Samwele wavakumbulwile ngwendi, “Shukulu Kalunga na mwene ou yanaangula vanapu vakaleo ku litangwa lya lelo omwo munawana ngeci yange nji muka-kulongwa.” Co vakevo vakumbulwile ngwavo, “Eyo, Shukulu Kalunga napu mukaleo wetu.”