VaHevelu 10:5 - Livulu lya Shukulu Kalunga

⁵ A cuma eci, omo Kilistu wezile a kaye, wendekele kuli Njambi ngwendi, “Yove kuushaka vin̄ombelo na milambu ya tusitu, oloni unanjivwaesela muvila.

VaHevelu 10:5 Iomraidhean Croise

Kushangumuka 3:15

Njikaka vutozi akati kove na munakazi, na akati ka mbuto yendi na mbuto yove. Co mbuto yendi ikasanyozola mutwe wove, co yove lalo ukamushuma ku linsinsinye lyendi.”

Isaya 1:11

Ikeye alinakwendeka ngwendi, “Kuma yeni munayongola ngweni njishaka vin̄ombelo vyoshe evi mulinakukombelela kuli yange ndi? Yange njinapwisamo na vin̄ombelo vya kwenyeka vya vimanga, na mazi a vimuna veni vakununa. Yange kunjivwaelela na maninga a vingombe va nkomba, na maninga a vimanga, naa a vimembe.

Isaya 40:16

Tusitu voshe va mu shwata ya Lembanone, kuvapwilemo mukuvakombelela kuli Njambi yetu, na miti yamwo yaindondo manene kuyivwekesa tuhya.

Isaya 7:14

Ngecivene, Shukulu Kalunga ikeye vavenya akamyana cimweso, kengeni mumbanda uje kanda alimone na munalume akakala na limo, co akakita mwana wa munalume, vakamuluka lizina lyendi ‘Manuwele.’

Njelemiya 31:22

Visimbu vingaijo mukendangana oku noku, yeni vanu vaka-kujeneka kukulaela? Njinatanga cuma caciha cakufwa mweka lalo, cakufwa mweka ngwe munakazi anyunga munalume wendi.”

Njelemiya 6:20

Omwo vikajo vanjinenela insense yakutunda ku Shemba, nambe n̄undu yakutunda ku lifuti lya kulyala? Kunjikatambula vin̄ombelo vyavo nambe kuvwaelela navyo.

Mateo 11:3

nakumwihula ngwavo, “Tuleke, yove vene uje yatumbwile Yowano ngwendi akaija, nambe tucivandamene weka lalo?”

Luka 1:35

Co kangelo wamukumbulwile ngwendi, “Munzinzime Wakujela akaija ali yove, na nzili ya Njambi ikakufwika. Ngecivene, uje wakujela iwukakita vakamutumbula Muna Njambi.

Luka 7:19

wavatumine kuli Mwene nakumwihula ngwavo, “Yove vene uje yatumbwile Yowano ngwendi akaija, indi tuvandamene weka lalo?”

Yowano 1:14

Co Lijwi lyemukile munu, lyashulile na kutetela navushunga, co lyakele akati ketu. Twamwene vumpau vwendi, vumpau vuje vwaatambwile akupwa mwana umolika wa Ishe.

Ngalatiya 4:4

Oloni omo simbu yaivwa yetele, Njambi watumine Munendi, wakusemuka ku munakazi, wakusemuka ku majwi a Lishiko,

1 Timateo 3:16

Naumo wai asa kuvyana a vukama vwa cisin̄iko ca vu Njambi vwetu! Uje washolokele mu cifwa ca vunu, Munzinzime wamusholwele kupwa wa vushunga, na tungelo vamumwene. Vamwambulwile akati ka miyati, vamukulaelele mu kaye mwoshe, co vamutwalele mwilu.

VaHevelu 1:6

Oloni omo Njambi wakele kuyehi nakutuma Munendi wa ntwatwa mu kaye, co wendekele ngwendi, “Tungelo voshe va Njambi vanapande kumulemesa.”

VaHevelu 10:10

Omwo Yesu Kilistu walingile vije vyashakele Njambi ngeci avilinge, yetu voshe tunajele ku vuvi a n̄ombelo ije yalingile ya muvila wendi vavenya, wailingile lumo lika.

VaHevelu 10:7

Asinoni njendekele ngwange, ‘Yange uno njilinge cizango cove, Yove Njambi, ngwe muvasoneka vene ali yange mu livulu lya Lishiko.’ ”

VaHevelu 10:8

Akulivanga wendekele ngwendi, “Yove kuwashakele nambe kuvwaelela na vin̄ombelo na vwana milambu, nambe tusitu vakwenyekela a mutula na vin̄ombelo vyakutundisa vivi.” Wendekele evi nambe vin̄ombelo vyoshe evi vakavikombelela ngwe ku Lishiko.

VaHevelu 2:14

Ngecivene, omo vana vanatambula ku situ na maninga, Yesu nendi lalo walipwisile ngwe vakevo watambwile cisemwa cavo ca vunu vwa ano asi. Ikeye walingile eci ngeci a kutsa anyongese uje wakele na nzili ya kutsa, ikeye vene Liyavola.

VaHevelu 5:7

Yesu Mukuyoya kwendi ano asi walombele nakwihula na kutambeka na lijwi lyakama na misozi kuli Njambi, uje wasele kumwamena ku kutsa. Omwo ikeye wapwile muka-kulikeesa na muka-kulyana, Njambi wamuzivile.

VaHevelu 8:3

Muka-kukombelela woshe wakama vanamwimika mukwana vwana nakukombelela n̄ombelo ya tusitu kuli Njambi, co lalo muka-kukombelela wetu wakama napande kukala na cuma cimo cakukombelela.

1 Petulu 2:24

Kilistu vavenya wambatele vuvi vwetu mu muvila wendi a cilindakano, ngeci tutse ku vuvi, co tukayoyele ku vushunga. A viveve vyendi akeo munawana kukanguka.

2 Yowano 1:7

Omwo vaka-kukwisa vavangi vanashandokela mu kaye mwoshe, vanu vaje kuvatava ngeci Yesu Kilistu wezile mu cifwa ca vunu. Munu wa cifwa cangacije napu muka-kukwisa, ikeye napu Citozi ca Kilistu.