VaHevelu 10:4 - Livulu lya Shukulu Kalunga

⁴ Omwo maninga a vingombe va nkomba na vimembe kuwasele kutundisa vivi vya vanu.

VaHevelu 10:4 Iomraidhean Croise

Myaso 51:16

Yove kuwashakele vin̄ombelo, nga njikakukombelelavyo, yove kuwesi kuvwaelela na vin̄ombelo vya kwenyeka.

Isaya 66:3

“Vanu valinakulinga ngwe mucavavwasela. Kuli vakevo vyoshe vyafwa mumo nambe vatsiya ngombe wa nkomba wa n̄ombelo nambe vakombelela munu, nambe vakombelela muna manga nambe vatukula mukoshi wa katali, nambe vaana n̄ombelo ya vimbuto vya vinona, nambe vakombelela maninga a vangulu, nambe vakombelela insense, nambe valombela ku kamponya. Vavwaelela a vingila vyavo vya vuvi vyakulemesa.

Njelemiya 6:20

Omwo vikajo vanjinenela insense yakutunda ku Shemba, nambe n̄undu yakutunda ku lifuti lya kulyala? Kunjikatambula vin̄ombelo vyavo nambe kuvwaelela navyo.

Hoziya 14:2

Ilukeni kuli Shukulu Kalunga, co taveni lilombelo eli kupwa n̄ombelo yeni kuli ikeye, “Tusambese ku vuvi vwetu vwoshe, nakutambula lilombelo lyetu, co yetu tukakushangazala ngwe muje twakukulaesele.

Hoziya 6:6

Njishaka cizemo ceni cije kucesi kutenguluka, kesi vin̄ombelo vyeni vya tusitu embwe. Njishaka ngeci vanu vange vanjizivuke kutuvakana vanjikombelele vin̄ombelo vya kwenyeka.

Mako 12:33

Co munu napande kuzema Njambi na mbunge yendi yoshe, na mana endi oshe, na nzili yendi yoshe, co napande kuzema mundambo wendi ngwe mwalizema ikeye vavenya. Mwamuvwa kwononoka mashiko awa avali kutuvakana kunena tusitu va n̄ombelo nakukombelela lalo vin̄ombelo vikwavo kuli Njambi.”

Yowano 1:29

Alikaki Yowano wamwene Yesu alinakwija kuli ikeye, co wendekele ngwendi, “Kengeni, Muna Manga wa Njambi, uje muka-kutundisa vuvi vwa vaka-kaye!

Loma 11:27

Co njikalikumiiya navo cikumiiyo eci omo njikatundisa vivi vyavo.”

VaHevelu 10:1

Lishiko lya vaYunda kulyapwile kutembunwina mwamuvwa vyuma vya vushunga, likelyo lyapwa ngwe munzinze wakulitalanganya wa vyuma vyavivwa vije vilinakwija. Vin̄ombelo vije vakele nakukombelela simbu yoshe a mwaka na mwaka. Vatijo Lishiko a vin̄ombelo evi lyasa kujelesa vanu vaje valinakwija kuli Njambi?

VaHevelu 10:11

Vaka-kukombelela voshe vakemana a litangwa na litangwa mukupanga nakukombelela vin̄ombelo vya cifwa cimo visimbu vyavingi, oloni vin̄ombelo evi kuvyasa kutundisa vivi nalumo lwai.

VaHevelu 10:8

Akulivanga wendekele ngwendi, “Yove kuwashakele nambe kuvwaelela na vin̄ombelo na vwana milambu, nambe tusitu vakwenyekela a mutula na vin̄ombelo vyakutundisa vivi.” Wendekele evi nambe vin̄ombelo vyoshe evi vakavikombelela ngwe ku Lishiko.

VaHevelu 9:9

Eci cisimo cinemanena simbu ya ololo. Eci cilinakulumbununa ngeci vwana na vin̄ombelo vya tusitu vyakwana kuli Njambi kuvyasele kujelesa vimbunge vya vaka-kulemesa,

1 Yowano 3:5

Mwazivuka ngweni Kilistu washolokele ngeci atundise vivi, co muli ikeye kumwesi vuvi navumo vwai.