VaHevelu 10:36 - Livulu lya Shukulu Kalunga

³⁶ Munapande kupwa vaka-kusimpa, ngeci mulinge cizango ca Njambi, co mukatambula vije vyanakulaesa.

VaHevelu 10:36 Iomraidhean Croise

Myaso 37:7

Simpa nakuvandamena Shukulu Kalunga ngeci apange, kesi ushote mbunge ali vaje vanafuku, nambe vaje valinakuya kulutwe a matumbe avo a vuvi.

Myaso 40:1

Njavandamenene Shukulu Kalunga nakusimpa ngeci anjikwase, asinoni wazivile mutambi wange.

Mateo 10:22

Co vanu voshe vakamizinda omwo lizina lyange. Oloni uje akakateya nakweta ku shongo akovoka.

Mateo 12:50

Woshe uje alinga cizango ca Tate ali mwilu, ikeye vene napu ndolome yange, na ndokazi yange, na vanana.”

Mateo 21:31

Iyajo akati kaava vanu vavali walingile cizango ca ishavo?” Vamukumbulwile ngwavo, “Uje mwana wa mukulunu.” Ngecivene, Yesu wendekele kuli vakevo ngwendi, “Mwa vushunga njimileka ngwange, vaka-kutambula lisimu na vikwizi vakalivanga kukovela mu Vumwene vwa Njambi, yeni mukakotokela.

Mateo 24:13

Oloni woshe uje akakateya na ku shongo akovoka.

Mateo 7:21

“Kesi munu woshe anjitumbula ngwendi, ‘Mwene, Mwene’ akakovela mu Vumwene vwa mwilu embwe, oloni kuvanga vaje vakalingi cizango ca Tate wa mwilu.

Mako 3:35

Woshe uje alinga cizango ca Njambi ikeye vene napu ndolome yange, na ndokazi yange, na vanana.”

Luka 21:19

Koleseni, co mukaamena myonyo yeni.

Luka 8:15

Co vimbuto vije vyawililile ku livu lya vwilo vinemanena vaje vaziva lijwi nakulinyunga na mbunge yaivwa yakwononoka, co vakakateya noo vaima vushuka.

Yowano 7:17

Woshe ashaka kulinga vije vyashaka Njambi akazivuka nga evi njilinakulongesa vitunda kuli Njambi nambe nga njilinakwendeka na moko yange.

Vilinga vya Miluwa 13:22

Co omo wamutundisile, Njambi wapwisile Ndaviti mwene yavo. Eci cikeco cendekele Njambi ali ikeye ngwendi, ‘Njinawana Ndaviti muna Njesi ikeye munalume injazema, uje akalinga vyoshe vije njishaka ngeci avilinge.’

Vilinga vya Miluwa 13:36

“Omwo Ndaviti wapangele cizango ca Njambi a simbu yendi vavenya, co watsile, co vamutsindile na vakukulwila vendi, co muvila wendi wavolelele mu mbumbo.

Loma 12:12

Cinyangavili ceni cimivwaelelese, pweni vaka-lukakateya mu tuyando tweni, co lombeleni simbu yoshe.

Loma 12:2

Kesi mulipwise ngwe vanu va muno mu kaye, oloni eceleni Njambi atengulule viyongola vya mu vimbunge vyeni. Asinoni mukazivuka cizango ca Njambi, vije vyavivwa nevi vimuvwaelelesa nevi vyakushungama.

Loma 2:7

Vamo vanu valinakulinga mwamuvwa nakushakezeka vumpau na kasingimiko na mwonyo wa myaka yoshe, kuli vakevo Njambi akavana mwonyo wa myaka yoshe.

Loma 8:25

Oloni nga tuli na cinyangavili ca vije kutwamwene, tucivandamena nakusimpa.

1 Kolinte 13:7

Cizemo kucesi kwonwa, co kukulaela kwaco, kukengelela na lukakateya kuvyesi kwonwa embwe.

Ngalatiya 6:9

Ngecivene, kesi tujuke mukulinga mwamuvwa embwe, omwo nga kutujuka, simbu ikaija omo tukateja.

Efeso 6:6

Lingeni eci kesi omo valinakumikengelela, omwo mushaka kuvwaesa ku vimbunge vyavo embwe, oloni na vimbunge vyeni vyoshe lingeni vije vyashaka Njambi, ngwe vindungo va Kilistu.

Kolose 1:11

Mupwe vaka-kukola na nzili yoshe yakutunda ku vumpau vwa nzili yendi, ngeci mukase kukakateya mu vyuma vyoshe na kusimpa.

Kolose 3:24

Anukeni ngweni Mwene akamyana vushwana kupwa cikandelela ca vije vyanatulikila vanu vendi. Omwo Kilistu ikeye vene Shukulu wa vushunga uje imulinakupangela.

Kolose 4:12

Viindu vyeni kuli Epafalase, mukweni umo wakundama ku munga yeni uje napu ngamba ya Kilistu Yesu. Ikeye simbu yoshe akamyanuka mu malombelo endi, nakulomba Njambi ngeci amikolese nakwimana mbe, ngwe vaka-Yesu vanakolo mu vu Yesu, na na mukwononoka kwoshe ku cizango ca Njambi.

1 Tesalonika 1:3

Omwo tukanuka ku mesho a Njambi yetu na Tatetu vipangi vya kukulaela kweni nakuundangana kwa cizemo na cinyangavili cakukola mbe muli Mwene Yesu Kilistu.

VaHevelu 11:39

Voshe vaje, nambe vamuvwaelelesele Njambi akukulaela kwavo, kuvatambwile cije cavakulaesele Njambi,

VaHevelu 12:1

Ngecivene, omwo tuli na mbunga ya vakaleo vavangi vanatuzengeleka. Tutuleni vyuma vyoshe vije vinatulemena, na vuvi vuje vunakakateya ali yetu mbe, co tushatukeni lumbisi na lukakateya seteko ije vanaka kulutwe lwetu.

VaHevelu 13:21

amyane vyuma vyoshe vyavivwa vije munajeneka ngeci mulinge cizango cendi, ngeci apange muli yeni vije vimuvwaelelesa ali Yesu Kilistu. Co kuli ikeye kukale vumpau ku myaka na myaka! Ewa.

VaHevelu 6:12

Kutushaka mupwe volwa embwe, oloni mupwe ngwe vaje vaka-kukulaela nakusimpa, co mutambule vije vyanamikulaesa Njambi.

VaHevelu 6:15

Co Avilahama wasimpile, co watambwile vije vyamukulaesele Njambi.

VaHevelu 6:17

Njambi omo washakele kucisholola mwamuvwa kuli vaje vashakela kutambula cikulaeso cije, co wakulaesele ngeci kashaka lalo kutengulula vutumbe vwendi, ngecivene, wawezeleleleko lalo kulisinga ku cikulaeso cendi.

VaHevelu 9:15

Omwo cuma eci Kilistu ikeye navwaesa cikumiiyo caliha, ngeci vaje vanasana Njambi vakatambule vivezikiso vya myaka yoshe vije vyanavakulaesa Njambi. Eci casa kulingiwa omwo a kutsa kuje vemikile kwakupatula vanu vatunde ku kupenga-penga kuje valingile omo vakele mu cikumiiyo cakulivanga.

1 Petulu 1:9

omwo mulinakutambula kwovoka kwa myonyo yeni, kukekwo kwapwa vutumbe vwakukulaela kweni.

1 Yowano 2:17

Kaye na vyuma vyoshe vilimo vije vanu vashungwiya lilinakwita, oloni vaje valinga cizango ca Njambi vakayoya myaka yoshe.

Kujombolola 13:10

Woshe uje vatwala ku vunzinda, mwa vushunga vene akaya ku vunzinda, woshe uje vakatsiya na moko ya mukwale, mwa vushunga vene akatsa na moko ya mukwale. Aa akeo vene anapande lukakateya nakukulaela kuli vanu va Njambi.”

Kujombolola 14:12

Aa akeo vene ali lukakateya kuli vanu va Njambi, vaje vanyunga mashiko a Njambi nakupwa va kulongwa kuli Yesu.