VaHevelu 10:31 - Livulu lya Shukulu Kalunga

³¹ Cinapu cuma cakujajesa kuwila mu mavoko a Njambi wakuyoya!

VaHevelu 10:31 Iomraidhean Croise

Myaso 50:22

“Yeni vaka-kwivala Njambi tolilileni vyuma evi, kutewa njikaminyongesa, kukwesi weka lalo wakumyamena wai.

Myaso 76:7

Oloni yove Shukulu Kalunga voshe valinakukukomoka! Iyajo asa kwimana ku mesho ove omo unaluvala?

Myaso 90:11

Iyajo azivuka nzili ya vukalu vwove? Vukalu vwove vwapwa vwakama, ngwe lyova lije tukakuzivila.

Isaya 19:16

Omo Shukulu Kalunga Muka-nzili yoshe akolola livoko lyendi lya nzili mukuhisa Ingito, vaka-Ingito vakazeya manene-nene nakulijajela na lyova.

Isaya 33:14

Vanu vaka-vuvi vaka-Siyone valinakulijajela na lyova. Vendeka ngwavo, “Kusompa kwa Njambi kunapu ngwe tuhya tuje kutwesi kuzima. Kuma ali yetu kuli umo akasalao a tuhya twakufwa ngacije ndi?”

Mateo 10:28

Kesi muzivile lyova vaje vatsiya muvila oloni kuvasa kutsiya mwonyo, oloni zivileni lyova Njambi, uje asa kunyongesa vyoshe mwonyo na muvila muje mu mbulu ya tuhya.

Mateo 16:16

Simoni Petulu wamukumbulwile ngwendi, “Yove Wakuvwevesa, Muna Njambi Wakuyoya.”

Luka 12:5

Njimileka uje imunapande kukomoka. Komokeni Njambi, uje omo namenesa kutsiya, co ali na moko yakumumbila mu Mbulu ya tuhya. Eyo, njimileka ngwange, ou ikeye imunapande kukomoka!

Luka 21:11

Kukakala mandunduma akama, na njala ya lyangengela, na mishongo yakulitambwisa kwoshe-ikwoshe, kukakala vyuma vyakujujwisa nakukomokesa vikatunda mwilu.

Vilinga vya Miluwa 13:11

Co livoko lya Mwene likashuluka ali yove ololo vene, co ukapwa kapuputwa kuukasa kumona ceke ca litangwa a simbu imo.” Aje vene Elyamase wazivile mbundu yakuzivala ifwika ku mesho endi, co wendanganene noku-noku kweseka kuwana umo ngeci amukwate ku livoko nakumutwamenena.

2 Kolinte 5:11

Tunazivuka muje mukwalumbunukila kukomoka Mwene, ngecivene, tulinakweseka kusindiya veka. Njambi atuzivuka mwamuvwa, co njayongola ngeci mwanjizivuka mwamuvwa mu vimbunge vyeni.

VaHevelu 10:27

Oloni kunasala lika kuvandamena na lyova Kusompa kuje kuli nakwija, co na litende lya tuhya lije likanyongesa vaje vashaula Njambi!

VaHevelu 12:29

omwo Njambi yetu mwa vushunga wapwa tuhya twakunyongesa.

VaHevelu 3:12

Vakwetu vaka-kukulaela, nyanyameni ngeci mukati keni kesi mukale umo ali na mbunge yaivi yakujeneka kukulaela ngeci atunde kuli Njambi wakuyoya.