VaHevelu 10:28 - Livulu lya Shukulu Kalunga

²⁸ Munu woshe uje kononokele Lishiko lya Mosesa vanapande kumutsiya kujeneka kumuzivilako mema ku mbunge omo mulonga wendi vakausompa a vakaleo vavali nambe vatatu.

VaHevelu 10:28 Iomraidhean Croise

2 Samwele 12:13

Ndaviti wendekele ngwendi, “Njinalingi vuvi kuli Shukulu Kalunga.” Co Natane wamulekele ngwendi, “Shukulu Kalunga nakusambesa ku vuvi vwove, kuukatsi embwe.

2 Samwele 12:9

Ngecivene, omwo vikajo kuwononokele kushika kwange? Omwo vikajo unalingi vuvi vwangacije? Yove unatsiisa Uliya mu nzita, unatava vaAmoni vamutsiye, ngeci unambata munakazi wendi!

Isaya 27:11

Omo minango ya miti ijujwama nakupokozoka, co vanakazi vaikungulula nakuyipwisa vitale. Oloni vanu vavo vapwa vikolokomba ngeci Njambi uje wavatangele kakavazivila mema ku mbunge nambe kuvazivilako ngozi.

Njelemiya 13:14

Asinoni njikavalingisa ngeci valitsene umo na mukwavo ngwe vinjava, kunjikakala na mema ku mbunge kuli mukulunu nambe mukwenje, co voshe vakanyonga.’ ”

Kulava 15:36

Ngecivene, mbunga yoshe vamutuwisile anja ya cilombo, co vamwashele mamanya watsile, ngwe muje mwashikile Shukulu Kalunga kuli Mosesa.

Mateo 18:16

Oloni nga kakutolilila, lanyako munu weka umo nameme vavali amolika nove, ngeci ‘majwi akapwe vukaleo mutunwa twa vanu vavali nameme vatatu,’ ngwe muvinendeka visoneka.

Yowano 8:17

Mu Lishiko lyeni vanasoneka ngwavo vukaleo vwa vanu vavali vunapu vwa vushunga.

Loma 9:15

Omwo wendekele kuli Mosesa ngwendi, “Njikatetela woshe uje injishaka kutetela, co njikazivila mema ku mbunge woshe uje injishaka kuzivila mema ku mbunge.”

2 Kolinte 13:1

Eyi ololo ikeyo simbu yamucitatu njilinakwija kuli yeni nakumisikamesa. “Mulonga woshe unapande kukala na vakaleo vwa vavali nambe kutuvakana.” Ngwe muje muvyendeka visoneka.

Kwituluka mu Mashiko 19:13

Kesi mukamuzivile mema ku mbunge embwe. Munapande kutundisa vuvi vwakwitila maninga a mulonga mu Isalele, ngeci mukakale mwamuvwa.

Kwituluka mu Mashiko 19:15

“Kucitava ngeci munu vamwane mulonga a vukaleo vwa munu umolika embwe, kunapande kukale vukaleo vwa vanu vavali nambe vatatu, ngeci uje munu vamwane mulonga.

VaHevelu 12:25

Ngecivene, nyanyameni kesi mukanangane uje alinakwendeka kuli yeni. Vaje vavyanene kumutolilila uje wendekele majwi a Njambi ano asi kavasele kuputumuka, co yetu tukaputumuka vati, nga tukengesa nima kuli ou alinakwendeka mwilu?

VaHevelu 2:2

Vin̄anda vije tungelo valekele vakukulwila vetu vyasholokele vya vushunga, co munu woshe kavikavangeyeye nambe kuvyononoka watambwile cihiso cije camupandele.

Yakomba 2:13

Omwo Njambi kakasholola kutetela kwendi omo asompa munu uje kesi kutetela vakwavo, oloni kutetela kukekwo kwakama kutuvakana kusompa.