VaHevelu 10:27 - Livulu lya Shukulu Kalunga

²⁷ Oloni kunasala lika kuvandamena na lyova Kusompa kuje kuli nakwija, co na litende lya tuhya lije likanyongesa vaje vashaula Njambi!

VaHevelu 10:27 Iomraidhean Croise

Myaso 21:9

Omo akasholoka akavanyongesa ngwe mulukanyongesa lutengo lwa tuhya. Shukulu Kalunga akavanyongesa mu vukalu vwendi, co tuhya tukavanyongesa njwa.

Isaya 26:11

Vitozi vove kuvazivuka ngeci ukavahisa. Shukulu Kalunga, vazivise shwamwa, mwesa cizemo cove kuli yetu, co vombile mu tuhya tuje tuwavwaeselele vitozi vove.

Isaya 33:14

Vanu vaka-vuvi vaka-Siyone valinakulijajela na lyova. Vendeka ngwavo, “Kusompa kwa Njambi kunapu ngwe tuhya tuje kutwesi kuzima. Kuma ali yetu kuli umo akasalao a tuhya twakufwa ngacije ndi?”

Njelemiya 4:4

Nyungeni cikumiiyo ceni nange Kalunga keni, co likundikeni kuli yange, yeni vanu va mu Yunda neni vanu va mu Yelusalema. Nga kumulingimo, co vukalu vwange vukashukuma ngwe tuhya, omwo a vyuma vyavivi vije vimunalingi, mwa vushunga vene vukashukuma, naumo wai akavuzima.”

Ezekiyele 36:5

“Yange Kalunga wa Akamwa ya Vyoshe, njinendeka na vukalu vwange vwakulwisa miyati yavazengeleka, vunene kulwisa Endome. Mukuvwaelela na mu kashaundu kavo, vafungulwile lifuti lyange nakutambula mutambela wa vulilo vwa vimuna vange.

Ezekiyele 38:19

Yange njendeka mu vukalu vwange ngwange a litangwa lije kukakala mandunduma akama manene mu lifuti lya Isalele.

Ndanyele 5:6

co cihanga cendi cafufutukile, wazivile lyova manene, co mavuli endi ajajele.

Hoziya 10:8

Mitula ya akamwa ya malundu a Avene kuje vakele nakulemesela vaIsalele tumponya vakainyongesa. Co mambimbo na shaku vikamena akamwa ya mitula yavo. Co vanu vakatambeka ku minkinda ngwavo, “Tushwekeni!” Na ku malundu lalo ngwavo, “Tuwileni!”

Njwele 2:30

“Njikalinga vikomokeso mwilu na ano asi, kukakala kwitila maninga, tuhya, na mashelwa a vwisi.

Nahumi 1:2

Shukulu Kalunga Njambi kesi kutavesa vanu vaje valemesa tumponya, akanyanyamesa vaje vamuzinda. Omo vakevo vamuluvalesa, co avalinga shambandinga.

Zefaniya 1:18

A litangwa lije omo Shukulu Kalunga aketila vukalu vwendi vwakama, nameme siliva yavo nambe ngolinde yavo kuvikasa kuvamena. Kaye koshe kakanyonga na tuhya twa vukalu vwendi. Co vwasi-vwasi akanyongesa vanu voshe vaje vakala ano asi.

Zefaniya 3:8

Shukulu Kalunga alinakwendeka ngwendi, “Vandameneni litangwa lije omo njikakatuka mukusompa miyati ya vanu. Njinayongola kukungulula miyati ya vanu na vumwene amolika ngeci vamone nzili ya vukalu vwange. Co ano asi oshe akanyonga na tuhya twa vukalu vwange vwakama-kama.

Malakiya 4:1

Shukulu Kalunga Muka-nzili yoshe alinakwendeka ngwendi, “Litangwa lilinakwija omo voshe vaka-kulyalesa na vaka-vuvi vakavenyeka ngwe vishati. A litangwa lije voshe vakenya njwa, co nacimo cai cuma cavo cikasalao.

Kulava 16:35

Asinoni Shukulu Kalunga watumine tuhya, co twenyekele vaje vanalume 250 vaje vakombelelele insense.

Mateo 13:42

Co vakavombila mu litende lya tuhya, muje mukakala kulila nakulingenjenga ku mayo.

Mateo 13:50

Co vaka-vuvi vakavombila mu litende lya tuhya, muje mukakala kulila nakulingenjenga ku mayo.”

Mateo 25:41

“Asinoni akendeka lalo kuli vaje vali ku livoko lyendi lyacimwoshwe ngwendi, ‘Tundeni kuli yange, yeni vaka-cisingo! Yeni mu tuhya tuje tuvavwaeselele Satana na tungelo twendi!

Mateo 3:10

Njaviti vanayaka laja ku mizi ya miti, muti woshe kuwimi vushuka vwavuvwa vakaushinja nakuumbila mu tuhya.

Mateo 3:12

Shewa ili mu livoko lyendi, ikeye akapepa nakujelesa mwamuvwa vinona vyoshe ku lijungwilo lyendi, co tiliku akaitulikila mu cishete cendi, oloni lijungu lyoshe akalyenyeka na tuhya kutwesi kuzima.”

Mateo 8:29

Co vwasi-vwasi vatambekele ngwavo, “Ushaka kulinga vika netu ove Muna Njambi? Unaija nakutunyanyamesa omo simbu yetu kanda icete ndi?”

Luka 16:24

Ngecivene, watambekele ngwendi, ‘Tate Avilahama! Njizivileko mema ku mbunge, tuma Lazalu ambwitike shongo ya mulavo wendi mu mema akunjitonwese a ndaka yange, omwo yange njili mu tuyando twakama mu tuhya tuno!’

Luka 19:27

Ngecivene, ngwe ava vitozi vange vaje kuvashaka ngeci yange njipwe mwene yavo, vaneneni kuno nakuvatsiila ku mesho ange!’ ”

Luka 21:26

Vanu vakatsa kavela-vela omo vakavandamena vije vikasholoka ano asi oshe, omwo vyuma vyoshe vya nzili vyakala mwilu vikatunda mu myela yavyo.

Luka 23:30

Ije ikeyo ikapwa simbu omo vanu vakendeka ku minkinda ngwavo, ‘Tuwileni!’ Na ku malundu ngwavo, ‘Tufwikeni!’

Yowano 5:29

co vakatuuka mu vimbumbo vyavo, vaje voshe valingile mwamuvwa vakasangukila ku mwonyo, co vaje valingile mwamuvi vakasangukila ku cihiso.

Kwituluka mu Mashiko 32:43

“Yeni miyati munapande kushangazala vanu va Shukulu Kalunga. Ikeye akahisa voshe vaje vakatsiya vanu vendi, omwo ikeye akalinga shambandinga ali vitozi vendi, nakwamena vuvi vwa vanu vendi.”

VaHevelu 12:25

Ngecivene, nyanyameni kesi mukanangane uje alinakwendeka kuli yeni. Vaje vavyanene kumutolilila uje wendekele majwi a Njambi ano asi kavasele kuputumuka, co yetu tukaputumuka vati, nga tukengesa nima kuli ou alinakwendeka mwilu?

VaHevelu 12:29

omwo Njambi yetu mwa vushunga wapwa tuhya twakunyongesa.

VaHevelu 2:3

Ngecivene, vatijo tukaputumuka ku vyuma evi nga kutwakele vimbunge vyetu ku kwovoka kwakama kwa ngacije? Akulivanga Mwene ikeye wambulwile kwovoka oku, co vaje vazivileko vasholwele kuli yetu ngeci vukaleo ovu vunapu vwa vushunga.

VaHevelu 9:27

Munu woshe napande kutsa lumo, co asinoni vakamusompa kuli Njambi.

Yakomba 5:3

Ngolinde yeni na siliva yeni vinaliwa ku n̄alawe, n̄alawe eyi ikapwa vukaleo kuli yeni, co vikalya situ yeni ngwe tuhya. Yeni munalilundikila vufuko mu matangwa ano akumanesela.

Kujombolola 20:15

Co woshe uje kuvasonekele lizina lyendi mu livulu lya mwonyo vamumbilile mu lishali lya tuhya.

1 Samwele 2:25

Nga munu avulumwina mukwavo, Njambi amwamena, oloni nga munu avulumwina Shukulu Kalunga, iyajo amwamena?” Oloni kuvatolililile ku majwi a ishavo, omwo Shukulu Kalunga te nayongola laja kuvatsiya.